କୌଣସି ବି ଗ୍ୟାସ ସିଲିଣ୍ଡର ବୁକ୍ କଲେ ଏବେ କଂପାନୀ କରିବେ କ୍ୟାସବ୍ୟାକ୍ ? ବିନା ସବସିଡ୍ ଏଲପିଜିରେ ବି ଉପଭୋକ୍ତାଙ୍କୁ ମିଳିବ ମୋଟା ଅଙ୍କର ଡିସକାଉଂଟ
ଜାଣନ୍ତୁ କେଉଁଠି ଏବଂ କିଭଳି ପେମେଂଟ କଲେ ଆପଣଙ୍କ ଉଠାଇପାରିବେ ରିହାତି ସୁବିଧାର ଫାଇଦା
କନକ ବ୍ୟୁରୋ: ରୋଷେଇ ଗ୍ୟାସ ସିଲିଣ୍ଡର ଉପରେ ସରକାରଙ୍କ ପକ୍ଷରୁ ସବସିଡ ଦିଆଯାଇଥାଏ । ଆଉ ଏହି ସବସିଡ ଉପଭୋକ୍ତାଙ୍କ ବ୍ୟାଙ୍କ ଖାତାକୁ ସେତେବେଳେ ଆସିଥାଏ , ଯେତେବେଳ ସେମାନେ ଏଲପିଜି ଗ୍ୟାସ୍ ବୁକ କରି ତାର ପେମେଂଟ କରିଥାନ୍ତି । କିନ୍ତୁ ଯଦି ଆପଣଙ୍କ ନିକଟରେ ବିନା ସବସିଡ ବାଲା ଗ୍ୟାସ୍ ସିଲିଣ୍ଡର ରହିଥାଏ ତେବେ ଆପଣଙ୍କୁ ସରକାରଙ୍କ ତରଫରୁ କୌଣସି ବି ସବସିଡ ମିଳିନଥାଏ । ଏଠାରେ ଆମେ କହି ରଖିବାକୁ ଚାହିଁବୁକି ଗୋଟିଏ ବର୍ଷରେ ୧୨ ଏଲପିଜି ସିଲିଣ୍ଡର ଉପରେ ସବସିଡ୍ ଦେଇଥାନ୍ତି ସରକାର ଆଉ ଏହି ସବସିଡ ରାଶି ପ୍ରତି ମାସରେ ଭିନ୍ନ ଭିନ୍ନ ହୋଇଥାଏ । ଏହାପରେ ଯଦି ଆପଣ ସିଲିଣ୍ଡର ନିଅନ୍ତି ତେବେ ଏହାକୁ ଆପଣଙ୍କୁ ବଜାର ମୂଲ୍ୟରେ କିଣିବାକୁ ପଡିବ ।
Kanak News is now on WhatsApp
Join and get latest news updates delivered to you via WhatsApp
ବିନା ସବସିଡ ଏଲପିଜିରେ ବି ମିଳିବ ରିହାତି
ସବସିଡ ବିନା ବି ଗ୍ୟାସ ସିଲିଣ୍ଡର ଉପରେ ଉପଭୋକ୍ତାଙ୍କୁ ରିହାତି ମିଳିଥାଏ । ଯଦିଓ ସରକାରଙ୍କ ତରଫରୁ ଆପଣଙ୍କୁ ଏହି ସବସିଡ ନମିଳିପାରେ କିନ୍ତୁ ହିନ୍ଦୁସ୍ଥାନ ପେଟ୍ରୋଲିୟମ, ଇଣ୍ଡିଆନ ଅଏଲ ଏବଂ ଭାରତ ପେଟ୍ରୋଲିୟମ ଭଳି ତୈ÷ଳ କଂପାନୀମାନେ ଏଭଳି ଗ୍ରାହକଙ୍କୁ ଅନଲାଇନ ପେମେଂଟ ଉପରେ ରିହାତି ପ୍ରଦାନ କରିଥାନ୍ତି । ତେବେ ଡିଜିଟାଲ ପେମେଂଟ ଅଭିଯାନକୁ ପ୍ରୋତ୍ସାହିତ କରିବା ପାଇଁ ସରକାର ଏହି ଡିସକାଉଂଟ ପ୍ରଦାନ କରିଥାନ୍ତି । ତେବେ ତେଲ କଂପାନୀମାନେ ଏହି ରିହାତି କ୍ୟାସବ୍ୟାକ, ଇନଷ୍ଟାଂଟ ଡିସକାଉଂଟ, କୁପନ ଭଳି ତରିକାରେ ପ୍ରଦାନ କରିଥାନ୍ତି । ତେଣୁ ଯେତେବେଳେ ଆପଣ ଏଲପିଜି ସିଲିଣ୍ଡର ବୁକ କରୁଛନ୍ତି ସେତେବେଳେ ତାର ପେମେଂଟ କ୍ୟାସ୍ ବଦଳରେ ଡିଜିଟାଲରେ ହିଁ କରିବେ । ଯାହା ଫଳରେ ଆପଣ ଡିସକାଉଁଟର ସୁବିଧା ଉଠାଇପାରିବେ ।
କିଭଳି କରିବେ ଡିଜିଟାଲ ପେମେଂଟ୍?
ଗ୍ୟାସ ବୁକିଂ କଲା ପରେ ପେମେଂଟ ସମୟରେ ଆପଣ କ୍ୟାସ୍ ପରିବର୍ତ୍ତେ ଅନଲାଇନ ପେମେଂଟ ତଥା ପେଟିଏମ, ଫୋନପେ, ୟୁପିଆଇ, ଭିମ, ଗୁଗଲ ପେ ଭଳି ଡିଜିଟାଲ ପ୍ଲାଟଫର୍ମରୁ ହିଁ ପେମେଂଟ କରନ୍ତୁ । ଏହାଦ୍ୱାରା ତୈଳକଂପାନୀମାନେ ଆପଣଙ୍କୁ ଡିସକାଉଁଟ ଦେଇଥାନ୍ତି । ଏହଛଡା ଅନଲାଇନ ଡେବିଟ୍ କାର୍ଡ, କ୍ରେଡିଟ କାର୍ଡ , ଇଂଟରନେଟ ବ୍ୟାଙ୍କିଂ , ମୋବାଇଲ ବ୍ୟାଙ୍କିଂ ଇତ୍ୟାଦି ଜରିଆରେ ମଧ୍ୟ ଆପଣ ଏହି ରିହାତିର ଫାଇଦା ଉଠାଇପାରିବେ ।