ବୃଦ୍ଧ ପିତାମାତାଙ୍କ ପାଇଁ ସରକାରଙ୍କ ନୂଆ ଯୋଜନା, ହଇରାଣ କରିବା ବ୍ୟକ୍ତିଙ୍କୁ ୬ମାସ ଜେଲ ଦଣ୍ଡ ।
ଆଜିକାଲି ବୃଦ୍ଧ ପିତା-ମାତାଙ୍କୁ ଘରୁ କାଢିଦେବା ଏ ବଂ ହଇରାଣ କରିବା ଖବର କିଛି ନୂଆ କଥା ନୁହେଁ । ଏହିଭଳି ଅନେକ ଖବର ପ୍ରତିଦିନ ଶୁଣିବାକୁ ମିଳୁଛି ଏବଂ ସୋସିଆଲ ମିଡିଆରେ ମଧ୍ୟ ଏହାର ଝଲକ ଦେଖିବାକୁ ମିଳୁଛି । ଯଦି ଆପଣ ମଧ୍ୟ ଏହିଭଳି କିଛି କରିବା ପାଇଁ ପ୍ରୟାସ କରୁଛନ୍ତି , ତେବେ ସାବଧାନ ହୋଇଯାଆନ୍ତୁ । ମୋଦି ସରକାର ଏନେଇ କଡା ଯୋଜନା ଆରମ୍ଭ କରୁଛନ୍ତି ।ଏଥିପାଇଁ ସମ୍ପ୍ରତି ୩ ମାସ ଥିବା ଜେଲ୍ ଦଣ୍ଡକୁ ୬ ମାସ କରାଯିବାର ଯୋଜନା ରଖାଯାଇଛି ବୋଲି ଜଣେ ବରିଷ୍ଠ ଅଧିକାରୀ କହିଛନ୍ତି।
Kanak News is now on WhatsApp
Join and get latest news updates delivered to you via WhatsApp
‘ମେଣ୍ଟେନାନ୍ସ୍ ଆଣ୍ଡ୍ ଓ୍ଵଲ୍ଫେୟାର୍ ଅଫ୍ ପ୍ୟାରେଣ୍ଟ୍ସ୍ ଆଣ୍ଡ୍ ସିନିୟର୍ ସିଟିଜେନ୍ ଆକ୍ଟ୍, ୨୦୦୭’କୁ ସମୀକ୍ଷା କରୁଥିବା ସାମାଜିକ ନ୍ୟାୟ ଓ ସଶକ୍ତିକରଣ ମନ୍ତ୍ରାଳୟ ଏଥିରେ ପିଲାମାନଙ୍କ ସଂଜ୍ଞାକୁ ମଧ୍ୟ ସବିଶେଷ ସ୍ପଷ୍ଟ କରିବାକୁ ଯୋଜନା କରଛି। ପୋଷ୍ୟ, ସାବତ ପିଲା, ଜ୍ୱାଇଁ ଓ ବୋହୂ, ନାତିନାତୁଣୀ, ଆଇନଗତ ଅଭିଭାବକମାନଙ୍କ ଦ୍ୱାରା ପ୍ରତିନିଧିତ୍ୱ ହେଉଥିବା ନାବାଳ ଆଦିଙ୍କ ପ୍ରସଙ୍ଗ ଏଥିରେ ରହିଛି ବୋଲି ମନ୍ତ୍ରାଳୟର ଅଧିକାରୀ ଜଣକ କହିଛନ୍ତି।
ପ୍ରଚଳିତ ଆଇନ୍ ଅନୁସାରେ କେବଳ ଆପଣା ଜନ୍ମିତ ପିଲା ଓ ନାତିନାତୁଣୀ ଏହି ବ୍ୟବସ୍ଥା ଅଧୀନରେ ଆସୁଛନ୍ତି। ‘ମେଣ୍ଟେନାନ୍ସ୍ ଆଣ୍ଡ୍ ଓ୍ଵଲ୍ଫେୟାର୍ ଅଫ୍ ପ୍ୟାରେଣ୍ଟ୍ସ୍ ଆଣ୍ଡ୍ ସିନିୟର୍ ସିଟିଜେନ୍ ଆକ୍ଟ୍ ୨୦୧୮’ ଅନୁମୋଦନ ଲାଭ କରିବା ପରେ ଏବକାର ଆଇନ୍ ବ୍ୟବସ୍ଥାରେ ପରିବର୍ତ୍ତନ ଘଟିବ।