ଓଡିଶା ପାଇଁ ଭଲ ଖବର । ଏକାଥରେ ସୁସ୍ଥ ହେଲେ ୧୦ କରୋନା ଆକ୍ରାନ୍ତ । ଭୁବନେଶ୍ୱରରୁ ୫ । ଭଦ୍ରକ, କଟକ, ଯାଜପୁର, ପୁରୀରୁ ଅନ୍ୟ ୫ ସୁସ୍ଥ । ସେବା ପାଇଁ ଡାକ୍ତର ଓ ସ୍ୱାସ୍ଥ୍ୟକର୍ମୀଙ୍କୁ ଛୁଟିଲା ଶୁଭେଚ୍ଛାର ସୁଅ
କନକ ବ୍ୟୁରୋ: ଓଡ଼ିଶା ପାଇଁ ଭଲଖବର । ରାଜ୍ୟରେ ଏକାସଙ୍ଗେ ସୁସ୍ଥ ହେଲେ ୧୦ କରୋନା ଆକ୍ରାନ୍ତ । ୧୦ ଆକ୍ରାନ୍ତଙ୍କ ନମୂନା ପରୀକ୍ଷା ପରେ ଆସିଲା ନେଗେଟିଭ୍ । ତେବେ ସବୁଠାରୁ ଖୁସିର କଥା ହେଲା କି, ସୁସ୍ଥ ହୋଇଥିବା ଏହି ୧୦ ଜଣଙ୍କ ମଧ୍ୟରେ ଭୁବନେଶ୍ୱର ୫ ଜଣ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
Very happy to share that another 10 COVID patients have RECOVERED and tested negative for COVID-19.
5 are of Bhubaneswar, two of Bhadrak and one each of Cuttack, Jajpur and Puri. Congratulations to the doctors and others who treated them.
— H & FW Dept Odisha (@HFWOdisha) April 10, 2020
ସେହିପରି ଭଦ୍ରକରୁ ୨ ଜଣ, କଟକରୁ ଜଣେ, ଯାଜପୁରରୁ ଜଣେ ଥିବାବେଳେ ପୁରୀରୁ ମଧ୍ୟ ଜଣେ କରୋନା ଆକ୍ରାନ୍ତ ସୁସ୍ଥ ହୋଇଥିବା ଟ୍ୱିଟ୍ କରି ସୂଚନା ଦେଇଛି ସ୍ୱାସ୍ଥ୍ୟ ବିଭାଗ ।
ତେବେ ବର୍ତ୍ତମାନ ରାଜ୍ୟର ମୋଟ ୪୮ ଆକ୍ରାନ୍ତରୁ ଆଜି ୧୦ ଜଣ ସୁସ୍ଥ ହୋଇଥିବା ବେଳେ ପୂର୍ବରୁ ୨ ଜଣ ସୁସ୍ଥ ହୋଇଥିଲେ । ଆଉ ଜଣଙ୍କର ମୃତ୍ୟୁ ହୋଇଥିଲା । ତେବେ ଏବେ ରାଜ୍ୟରେ ଆଉ ୩୫ଟି କରୋନା ଆକ୍ଟିଭ କେସ୍ ରହିଛି । ସୁସ୍ଥ ହୋଇଥିବା ସମସ୍ତ ଆକ୍ରାନ୍ତଙ୍କ ପଛରେ ଡାକ୍ତର ଓ ସ୍ୱାସ୍ଥ୍ୟକର୍ମୀଙ୍କ ବଡ ଅବଦାନ ରହିଛି । ଦିନରାତି ଏକ କରି ସେମାନେ ଆକ୍ରାନ୍ତଙ୍କ ସେବା କରିବା ପାଇଁ ନିଜକୁ ସମର୍ପିତ କରିଥିବାରୁ ସାରା ରାଜ୍ୟରୁ ସେମାନଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣାଯାଇଛି ।