କନକ ବ୍ୟୁରୋ : ପଞ୍ଜାବ ଆଣ୍ଡ ମହାରାଷ୍ଟ୍ର କୋଅପରେଟିଭ ବ୍ୟାଙ୍କ (ପିଏମସି),ୟେସ ବ୍ୟାଙ୍କ, ଲକ୍ଷ୍ମୀବିଳାସ ବ୍ୟାଙ୍କ ଭଳି ବ୍ୟାଙ୍କରେ ଟଙ୍କା ଜମା ରଖିଥିବା ଗ୍ରାହକଙ୍କୁ ସରକାର ଏବେ ସହାୟତାର ହାତ ବଢାଇଛନ୍ତି । ବୁଧବାର ଦିନ ହୋଇଥିବା କେନ୍ଦ୍ର ମନ୍ତ୍ରୀମଣ୍ଡଳ ବୈଠକରେ ଡିଆଇସିଜିସି ନିୟମର ପରିବର୍ତନ ପାଇଁ ମଞ୍ଜୁରୀ ପ୍ରଦାନ କରିଛନ୍ତି । ଏବେ ଏନେଇ ଏକ ବିଲ ସଂସଦରେ ଉପସ୍ଥାପନ କରାଯିବ । ଏହି ବିଲ୍ ମୁତାବକ ଯଦି କୌଣସି ବ୍ୟାଙ୍କ କୌଣସି କାରଣରୁ ବନ୍ଦ ହୋଇଯାଏ ତେବେ ବୀମା ଆଧାରରେ ଗ୍ରାହକଙ୍କୁ ୯୦ ଦିନ ମଧ୍ୟରେ ସର୍ବାଧିକ ୫ ଲକ୍ଷ ଟଙ୍କା ପର୍ଯ୍ୟନ୍ତ ଫେରସ୍ତ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ଏନେଇ ବୈଠକ ପରେ ସୂଚନା ଦେଇଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ । ସେ କହିଛନ୍ତି କି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ବସିଥିବା ବୈଠକରେ ଡିପୋଜିଟ ଇନସ୍ୟୁରାନ୍ସ ଆଣ୍ଡ କ୍ରେଡିଟ୍ ଗ୍ୟାରେଣ୍ଟି କର୍ପୋରେଶନ (ଡିଆଇସିଜିସି) ଆଇନର ସଂଶୋଧନ ପାଇଁ ମଞ୍ଜୁରୀ ପ୍ରଦାନ କରିଛନ୍ତି । ସେ କହିଛନ୍ତି କି ଏହି ବିଲକୁ ସଂସଦର ମୌସୁମୀ ଅଧିବେଶନରେ ଆଗତ କରାଯିବ ।
Deposit Insurance Credit Guarantee Corporation was created in case people faced difficulties after RBI imposes moratoriums on banks. Today’s Cabinet meeting has decided that within 90 days, depositors will receive Rs 5 lakhs of their money: Union Minister Anurag Thakur pic.twitter.com/c89YYsHbZf
— ANI (@ANI) July 28, 2021
ଡିଆଇସିଜିସି ଆଇନରେ ସଂଶୋଧନ ହେଲେ ନିବେଶକଙ୍କୁ ଜମା ଟଙ୍କାର ସୁରକ୍ଷା ମିଳିବ । ଏହି ଆଇନ ସଂସଦରେ ପାରିତ ହେବା ପରେ କୌଣସି ବି ବ୍ୟାଙ୍କ ବୁଡିଗଲେ ୯୦ ଦିନ ମଧ୍ୟରେ ଖାତାଧାରକଙ୍କୁ ସର୍ବାଧିକ ୫ ଲକ୍ଷ ଟଙ୍କା ମିଳିବ ବୀମା ଆଧାରରେ ମିଳିବ । ସୀତାରମଣ କହିଛନ୍ତି କି, ଏହି ନିୟମ ଅଧିନରେ କମରର୍ସିଆଲ ଅପରେଟେଡ ସବୁ ବ୍ୟାଙ୍କ ଆସିବେ । ସୀତାରମଣ ଆହୁରି କହିଛନ୍ତି କି ଏଭଳି ବୀମା ପାଇଁ ଗ୍ରାହକ ମାନଙ୍କ ପାଇଁ ବ୍ୟାଙ୍କ ଟଙ୍କା ଜମାକରିଥାଏ ।
ଡିଆଇସିଜିସି ମୁଖ୍ୟତ ଭାରତୀୟ ରିଜର୍ଭବ୍ୟାଙ୍କର ସବସିଡାରୀ ଓ ଏହା ବ୍ୟାଙ୍କ ଜମା ଉପରେ ବୀମା ଉପଲବ୍ଧ କରାଇଥାଏ । ବର୍ତମାନ ପର୍ଯ୍ୟନ୍ତ ଏଭଳି ନିୟମ ଥିଲା କି ଜମାକାରୀଙ୍କ ୫ ଲକ୍ଷ ଟଙ୍କାର ବୀମା ଥିଲେ ବି ତାଙ୍କୁ ତାଙ୍କର ଜମାଟଙ୍କା ମିଳୁନଥିଲା । ରିଜର୍ଭବ୍ୟାଙ୍କର ଲମ୍ବା ପ୍ରକ୍ରିୟା ପରେ ଜମାକାରୀମାନେ ଟଙ୍କା ଫେରିପାଇବା ନେଇ ଆଶଂକା ସୃଷ୍ଟି ହେଉଥିଲା ।