ରାଜଧାନୀରେ ଆପଣଙ୍କ ମୋବାଇଲ ନେଟୱାର୍କ କାମ କରୁନି କି? ତାହେଲେ ଅନ୍ୟ ନେଟୱାର୍କ ସହାଯ୍ୟରେ ପାଇପାରିବେ ସବୁ ସୁବିଧା, ଜାଣନ୍ତୁ କିପରି...

କନକ ବ୍ୟୁରୋ: ବାତ୍ୟା ‘ଫୋନି’ ପରେ ମୋବାଇଲ ସେବା ଯୋଗାଯୋଗ ନେଇ ଛଟପଟ ହେଉଥିବା ରାଜଧାନୀବାସୀଙ୍କ ପାଇଁ ଖୁସି ଖବବର । ବାତ୍ୟା ‘ଫୋନି’କୁ ୬ ଦିନ ବିତିଯିବାପରେ ମୋବାଇଲ ସେବା ଯୋଗାଯୋଗ ନେଇ ସମସ୍ତ ଟେଲିକମ୍ କମ୍ପାନୀମାନେ ବଡ଼ ପଦକ୍ଷେପ ନେଇଛନ୍ତି । ‘ଫୋନି’ ପ୍ରଭାବିତ ଭୁବନେଶ୍ୱରର ସମସ୍ତ ସ୍ଥାନରେ ଯଦି ଆପଣଙ୍କ ପଞ୍ଜିକୃତ ନେଟୱାର୍କ କାମ କରୁନାହିଁ ତେବେ ଅନ୍ୟ ସବୁ ନେଟୱାର୍କ ସାହାଯ୍ୟରେ କଥା ହେବାସହ ଇଣ୍ଟରନେଟର ସୁବିଧା ଉଠାଇପାରିବେ । ଏନେଇ ଭୁବନେଶ୍ୱର ସ୍ମାର୍ଟ ସିଟି ଲିମିଟେଡ୍ ପକ୍ଷରୁ ଟ୍ୱିଟ୍ କରି ସୂଚନା ଦିଆଯାଇଛି ।

Now you can use any available mobile network by searching mobile network manually in settings. Turn DataRoaming 4 Internet. All mobilenetwork BSNL, Airtel, Vodafone, Idea & Jio have merged to give uninterrupted serving in Cyclone affected areas. A big Thanks to Telecom companies.

— Smart Bhubaneswar (@BSCL_BBSR) May 8, 2019

କିପରି ଅଲଗା ନେଟୱାର୍କରୁ ପାଇବେ ସୁବିଧା ?

-ପ୍ରଥମେ ଆପଣଙ୍କ ମୋବାଇଲର ସେଟିଙ୍ଗ ଅପସନକୁ ଯାଆନ୍ତୁ

-ଏହାପରେ ସିମ୍ କାର୍ଡ୍ସ ଆଣ୍ଡ୍ ମୋବାଇଲ୍ ନେଟୱାର୍କ ଅପସନରେ କ୍ଲିକ୍ କରି ଆପଣଙ୍କ ବ୍ୟବାର ଆବଶ୍ୟକୀୟ ସିମରେ କ୍ଲିକ୍ କରନ୍ତୁ

-ଏହାପରେ ମୋବାଇଲ ନେଟୱାର୍କସ ଅପସନରେ କ୍ଲିକ୍ କରି ମାନୁଆଲ ନେଟୱାର୍କ କରନ୍ତୁ,

-ଏହାପରେ ମୋବାଇଲ୍ ସ୍କ୍ରିନରେ ଦେଖାଉଥିବା ବିଭିନ୍ନ ନେଟୱାର୍କ ମଧ୍ୟରୁ ଆପଣ ଚାହୁଁଥିବା ମନମୁତାବକ ନେଟୱାର୍କ ସର୍ଭରରୁ ଯୋଗାଯୋଗ କରିପାରିବା ସହ ସମସ୍ତ ସୁବିଧା ପାଇପାରିବେ ।