ସଂକଟ ଭିତରେ କେନ୍ଦ୍ର ସରକାରଙ୍କ ବଡ ଘୋଷଣା । ସୁଧ ଉପରେ ଏବେ ସୁଧ ଛାଡିବ ବ୍ୟାଙ୍କ । ତାଲାବନ୍ଦ ସମୟରେ ଇଏମଆଇ ଭରିଥିବା ଗ୍ରାହକଙ୍କୁ ମିଳିବ କ୍ୟାସବ୍ୟାକ୍ । ଋଣଗ୍ରହୀତାଙ୍କ ଆକାଉଂଟକୁ ୬ମାସର ଟଙ୍କା ଫେରାଇବ ବ୍ୟାଙ୍କ
ଜାଣନ୍ତୁ କିଭଳି ଓ କେଉଁଠି ଉଠାଇବେ ଏହି ଯୋଜନାର ଲାଭ...
କନକ ବ୍ୟୁରୋ: ଲୋନ ମୋରାଟୋରିୟମକୁ ନେଇ ଆସିଲା ବଡ ଖବର । ତାଲାବନ୍ଦ ସମୟରେ ଯଦି ଆପଣ ମୋରାଟୋରିୟମର ଲାଭ ଉଠାଇ ନାହାନ୍ତି ଏବଂ ଆପଣ ଆପଣଙ୍କର ଇଏମଆଇର ପ୍ରତିଟି କିସ୍ତିକୁ ସଠିକ୍ ସମୟରେ ପରିଶୋଧ କରିଛନ୍ତି ତେବେ ଏଥିପାଇଁ ଆପଣଙ୍କୁ ବ୍ୟାଙ୍କ ତରଫରୁ କ୍ୟାସବ୍ୟାକ୍ ମିଳିବ । ତେବେ ମୋରାଟୋଲିୟମ ଅବଧି ଭିତରେ ସୁଧ ଉପରେ ଆଦାୟ କରାଯାଉଥିବା ସୁଧକୁ ଋଣଗ୍ରହିତାଙ୍କ ଖାତାକୁ ପଠାଇବା ପାଇଁ କେନ୍ଦ୍ର ସରକାରଙ୍କ ପକ୍ଷରୁ ନିଷ୍ପତି ନିଆଯାଇଥିବା ବେଳେ ଏନେଇ ଅର୍ଥ ମନ୍ତ୍ରାଳୟ ନିର୍ଦ୍ଦେଶାମାନା ଜାରି କରିଛି ।
Kanak News is now on WhatsApp
Join and get latest news updates delivered to you via WhatsApp
ତାଲାବନ୍ଦରେ ଇଏମଆଇ ଦେଇଥିଲେ ମିଳିବ କ୍ୟାସବ୍ୟାକ୍
ଋଣଗ୍ରହୀତାଙ୍କ ଖାତାକୁ ଟଙ୍କା ଫେରାଇବ ବ୍ୟାଙ୍କ
କରୋନା ମହାମାରୀ ମୁକାବିଲା ପାଇଁ ମାର୍ଚ୍ଚ ୨୫ ତାରିଖରେ ଦେଶବ।।ପୀ ଲକଡାଉନ କଟକଣା ଘୋଷଣା କରାଯାଇଥିଲା । ଯେଉଁ କାରଣରୁ ରିଜର୍ଭ ବ୍ୟାଙ୍କ ପକ୍ଷରୁ ୧ ମାର୍ଚ୍ଚରୁ ୩୧ ଅଗଷ୍ଟ ଯାଏଁ ୩ ମାସ ପାଇଁ ଋଣ ଆଦାୟ ସ୍ଥଗିତ ସୁବିଧା ପ୍ରଦାନ କରିଥିଲା । ପରେ ମେ ୨୨ ତାରିଖରେ ଏହାକୁ ଆଉ ୩ ମାସ ଅର୍ଥାତ୍ ଅଗଷ୍ଟ ୩୧ ତାରିଖ ପର୍ଯ୍ୟନ୍ତ ବୃଦ୍ଧି କରାଯାଇଥିଲା । ଏବେ ପ୍ରଶ୍ନ ଉଠୁଛି କି, ଋଣଗ୍ରହୀତା ଲକଡାଉନ ଭଳି କଠିନ ପରିସ୍ଥିତିରେ ଋଣ ପରିଶୋଧ କରିବା ତାଙ୍କ ସହ ଏକ ପ୍ରକାର ଅନ୍ୟାୟ ହୋଇଛି । ଯାହାକୁ ନେଇ ସରକାର ସ୍ପଷ୍ଟ କରିଛନ୍ତି ଯେ, ଯଦି କୌଣସି ଋଣଗ୍ରହୀତା ମୋରାଟୋରିୟମର ଲାଭ ଉଠାଇନାହାନ୍ତି ଏବଂ ଇଏମଆଇର ସମସ୍ତ କିସ୍ତିକୁ ସଠିକ୍ ସମୟରେ ଭରିଛନ୍ତି ତେବେ ବ୍ୟାଙ୍କ ତରଫରୁ ସଂପୃକ୍ତ ବ୍ୟକ୍ତିଙ୍କୁ କ୍ୟାସବ୍ୟାକ୍ ମିଳିବ ।
ଏଠାରେ ଆମେ କହି ରଖୁଛୁ କି, ଗତ କିଛି ଦିନ ତଳେ ୨ କୋଟି ପର୍ଯ୍ୟନ୍ତ ଲୋନ ନେଇଥିବା ଗ୍ରାହକଙ୍କୁ ମୋରାଟୋରିୟମ ଅବଧିରେ ସୁଧ ଉପରେ ସୁଧ ଛାଡ ପାଇଁ ଘୋଷଣା କରାଯାଇଥିଲା । ଏସଂକ୍ରାନ୍ତରେ ସୁପ୍ରିମକୋର୍ଟରେ ସରକାର ଏକ ସତ୍ୟପାଠ ଦାଖଲ କରାଯାଇଥିଲା । ଯେଉଁଥିରେ ଏମଏସଏମଇ ଲୋନ, ଏଜୁକେସନ, ହାଉସିଂ, କନଜ୍ୟୁମର, ଅଟୋ, କ୍ରେଡିଟ୍ କାର୍ଡ ବକୟା ଏବଂ ଉପଭୋକ୍ତା ଲୋନ ଉପରେ ଲାଗୁ ଚକ୍ରବର୍ତ୍ତୀ ସୁଧକୁ ଛାଡ୍ କରିଦିଆଯିବ ବୋଲି ଉଲ୍ଲେଖ ରହିଛି ।