ସେପାରିରେ ବଲିଉଡ ଅଭିନେତା ସୁଶାନ୍ତ ସିଂ ରାଜପୁତ । ଆତ୍ମହତ୍ୟା କରି ହାରିଲେ ଜୀବନ, ମୃତ୍ୟୁର କାରଣ ଅସ୍ପଷ୍ଟ । ଟ୍ୱିଟ୍ କରି ପ୍ରଧାମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ ଶୋକ ପ୍ରକାଶ ।
କନକ ବ୍ୟୁରୋ: ଅଭିନେତା ସୁସାନ୍ତ ସିଂ ରାଜପୁତଙ୍କ ଦେହାନ୍ତ । ମୁମ୍ବାଇ ବାନ୍ଦ୍ରାସ୍ଥିତ ତାଙ୍କ ବାସଭବନରେ ବେକରେ ଫାଶୀ ଲଗାଇ ଆତ୍ମହତ୍ୟା କରିବା ଖବର ଏବେ ସାରା ଦେଶକୁ ଦୋହଲାଇ ଦେଇଛି । ଆଉ ଏହାକୁ ନେଇ ଟ୍ୱିଟ କରି ଦୁଃଖ ପ୍ରକାଶ କଲେ ପ୍ରଧାନମନ୍ତ୍ରୀ । ଅଭିନେତା ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ଖବର ବଡ଼ ଦୁଖ ଦାୟକ ବୋଲି ଟ୍ୱିଟରେ ଲେଖିଛନ୍ତି ମୋଦୀ । ଏହା ସହ ସେ ଲେଖିଛନ୍ତି ଜଣେ ଯୁବ ତାରକା ଖୁବ୍ ଶୀଘ୍ର ବିଦାୟ ନେଇଛନ୍ତି । ଟିଭି ଏବଂ ଚଳଚ୍ଚିତ୍ରରେ ଦୁନିଆରେ ତାଙ୍କ ଅଭିନୟ ବେଶ ପ୍ରଶଂସାନୀୟ ଥିଲା । ତାଙ୍କ ମୃତ୍ୟୁରେ ମୋଦୀ ଚକିତ ଥିବା ମଧ୍ୟ ଲେଖିିଛନ୍ତି । ଏପରି ଦୁଃଖ ସମୟରେ ତାଙ୍କ ପରିବାରକୁ ଭଗବାନ ସାହା ହୁଅନ୍ତୁ ବୋଲି ଟ୍ୱିଟରେ ଲେଖିଛନ୍ତି ମୋଦୀ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ସୁଶାନ୍ତଙ୍କ ମୃତ୍ୟୁରେ ଟ୍ୱିଟ କରି ଦୁଃଖ ପ୍ରକାଶ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ଖବର ବଲିଉଡ ଜଗତ ସମେତ ଦର୍ଶକ ମହଲରେ ଶୋକର ଛାୟା ଖେଳାଇ ଦେଇଛି । ବଲିଉଡ ଅଭିନେତା ଅନୁପମ ଖେର ଟୁଇଟ କରି ସୁଶାନ୍ତଙ୍କ ବିୟୋଗକୁ ଗ୍ରହଣ କରିପାରି ନାହାନ୍ତି । ଏଭଳି ଚରମ ପଦେକ୍ଷପ କାହିଁକି ନେଲ ବୋଲି ପ୍ରଶ୍ନ କରିଛନ୍ତି ଅନୁପମ ଖେର । ସେହିପରି ଅଭିନେତା ସଂଜୟ ଦତ, କ୍ରିକେଟର ଶିଖର ଧାୱନ, ବିଜେପି ନେତ୍ରୀ ସ୍ମୃତିଇରାନୀ ଟୁଇଟ କରି ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ନେଇ ଶୋକ ପ୍ରକାଶ କରିଛନ୍ତି ।
ସେହିପରି କେନ୍ଦ୍ରମନ୍ତ୍ରୀ ରାଜନାଥ ସିଂ, ରବିଶଙ୍କର ପ୍ରସାଦ, କ୍ରିକେଟର ସଚ୍ଚିନ ତେନ୍ଦୁଲକର, ବିରାଟ କୋହଲି, ବଲିଉଡ ଅଭିନେତା ଅଜୟ ଦେବଗନ, ଅଭିଷେକ ବଚ୍ଚନ, ଅଭିନେତ୍ରୀ ଉର୍ମିଲା ମାତୋଣ୍ଡକର ଟୁଇଟ କରି ଶୋକ ପ୍ରକାଶ କରିଛନ୍ତି । ତେବେ ପୁଲିସର ପ୍ରାଥମିକ ଅନୁସନ୍ଧାନରୁ ଜଣାପଡିଛି, ସୁଶାନ୍ତ ସିଂ ରାଜପୁତ ଗତ ୬ ମାସ ହେଲା ମାନସିକ ଅବସାଦଗ୍ରସ୍ତ ହୋଇଥିଲେ । ଗତକାଲି ରାତିରେ ତାଙ୍କ ବାସଭବନରେ କିଛି ବନ୍ଧୁଙ୍କ ସହ ରହିଥିଲେ ସୁଶାନ୍ତ । ତେବେ ରାତିରେ ବନ୍ଧୁମାନେ ଚାଲିଯାଇଥିବା ଜଣାପଡିଛି । ଅନ୍ୟପଟେ ପାଟନାରେ ଥିବା ତାଙ୍କ ପରିବାର ଲୋକ ଆତ୍ମହତ୍ୟା ଘଟଣାକୁ ସହଜରେ କେହି ଗ୍ରହଣ କରିପାରୁ ନାହାନ୍ତି । କ୍ରିକେଟର ମହେନ୍ଦ୍ର ସିଂ ଧୋନୀଙ୍କ ବାୟୋପିକ୍ରେ ମୁଖ୍ୟ ଭୁମିକାରେ ଅଭିନୟ କରିଥିଲେ ସୁସାନ୍ତ ସିଂ ରାଜପୁତ । ଏହି ଫିଲ୍ମ ଦର୍ଶକଙ୍କ ପାଖରେ ତାଙ୍କୁ ବେଶ ଲୋକପ୍ରିୟ କରାଇଥିଲେ । କାୟପୋଛେ ଫିଲ୍ମ ଜରିଆରେ ବଲିଉଡକୁ ପ୍ରବେଶ କରିଥିଲେ ସୁଶାନ୍ତ ରାଜପୁତ । ସେହିପରି ଡିଟେକ୍ଟିଭ ବ୍ୟୋମକେଶ, ଛିଛୋରେ, ସୁଦ୍ଧ ଦେଶୀ ରୋମାନ୍ସ, କେଦାରନାଥ, ରାଫତା, ଡ୍ରାଇଭ ଭଳି ଫିଲ୍ମରେ ସେ ନିଜ ଅଭିନୟର ଛାପ ଛାଡି ଯାଇଛନ୍ତି । ନିଜ ଅଭିନୟ ପାଇଁ ସୁଶାନ୍ତ ସିଂ ରାଜପୁତ, ଫିଲ୍ମଫେୟାର ଆୱାର୍ଡ ସହ ବିଭିନ୍ନ ଅନ୍ତର୍ଜାତୀୟ ପୁରସ୍କାର ପାଇଛନ୍ତି । ଉଭୟ ଛୋଟ ଓ ବଡ ପରଦାର ଲୋକପ୍ରିୟ ଅଭିନେତା ଥିଲେ ସୁଶାନ୍ତ ସିଂ ରାଜପୁତ ।