ପୁଣି ବଢିବ ସୁନା ଗହଣା ଦର । ଜୁନ ପହିଲାରୁ ହଲ ମାର୍କୀଙ୍ଗ ବାଧ୍ୟତା ମୂଳକ
କନକ ବ୍ୟୁରୋ : ସୁନା ଗହଣାରେ ଶୁଦ୍ଧତାର ମାପକାଡି ଗୋଲ୍ଡ ହଲ ମାର୍କୀଙ୍ଗ ବାଧ୍ୟତା ମୂଳକ ହେବ । ଏହାଦ୍ୱାରା ସୁନା ଗହଣା କାରବାରରେ ଚାଲିଥିବା ଠକାମୀ ବନ୍ଦ ହେବ ବୋଲି କୁହାଯାଇଥିବା ବେଳେ ଏଭଳି ହଲ ମାର୍କୀଙ୍ଗ ଦ୍ୱାରା ଗହଣାର ଦାମ ବଢିବ ବୋଲି ଆଶା କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଏନେଇ ଆସନ୍ତୁ ଜାଣିବା କ’ଣ ଏହି ହୋଲମାର୍କ : ହଲ ମାର୍କ ହେଉଛି ସୁନା ଶୁଦ୍ଧତାର ମାପକାଠି । ଜୁନ ୧ ଠାରୁ ଆପଣ କିଣୁଥିବା ସମସ୍ତ ସୁନା ଗହଣା ଉପରେ ହୋଲମାର୍କ ଲେଖା ରହିବ । ଅର୍ଥାତ ଆପଣଙ୍କ ଗହଣା କେତେ କ୍ୟାରେଟର ତାହା ସ୍ପଷ୍ଟ ହୋଇଥିବ । ଏହାଦ୍ୱାରା ଆପଣ ଯେଉଁଠାରୁ କିଣନ୍ତୁ ବା ଯେଉଁଠାରେ ବିକନ୍ତୁ ଆପଣଙ୍କୁ କୌଣସି ଅସୁବିଧାରେ ସମ୍ମୁଖୀନ ହେବାକୁ ପଡିବ ନାହିଁ ।
କେଉଁ କେଉଁ କ୍ୟାରେଟର ସୁନା ମାର୍କେଟରେ ଉପଲବ୍ଧ ହେବ : ସୁନା ଗହଣା ବା ସୁନାର ମୂର୍ତ୍ତୀ ୧୪,୧୮ ଓ ୨୨ କ୍ୟାରେଟରେ ମିଳିବ । ହେଲେ ୨୦ କ୍ୟାରେଟର ସୁନା ଗହଣା ବିକ୍ରି ପାଇଁ ବ୍ୟବସାୟୀ ମାନେ ଦାବି କରିଛନ୍ତି ।
ଗହଣା ଉପରେ ହଲ ମାର୍କ ବାଧ୍ୟତାମୂଳକ ହେବା ପରେ ଗହଣା ଦୋକାନୀ ସୁନାର ଗୁରବତ୍ତା ନେଇ ଗ୍ରାହକ ମାନଙ୍କୁ ଠକି ପାରିବେ ନାହିଁ । ଏହାଦ୍ୱାରା ଆପଣ କିଣୁଥିବା ଗହଣା ଉପରେ ୪ ଟି ଚିହ୍ନ ରହିବ । ବିଆଇଏସ୍ ମାର୍କ, କ୍ୟାରେଟ, ହୋଲମାର୍କିଙ୍ଗ୍ ସେଣ୍ଟରର ନମ୍ବର ଓ ଗହଣା ଦୋକାନର ପରିଚୟପତ୍ର ନମ୍ବର ।