କନକ ବ୍ୟୁରୋ : ବୟସ ମାତ୍ର ୧୭ ।ହେଲେ କାର୍ଯ୍ୟ ଏପରି ଯାହାକୁ ପ୍ରଶଂସା କରୁଛି ସାରା ବିଶ୍ୱ । ଏପରି କିଛି କରି ଦେଖାଇଲେ ଯାହାକୁ ସାରା ବିଶ୍ୱ କରୁଛି ପ୍ରଶଂସା । ରାଜସ୍ଥାନ ଅଲୱାର ଜିଲ୍ଲାର ୧୭ ବର୍ଷିୟା ପାୟଲ ଜାନଗିତ ବାଲ୍ୟ ବିବାହ ଓ ଶିଶୁ ଶ୍ରମିକ ପ୍ରଥା ବିରୋଧରେ ସ୍ୱର ଉଠାଇ ସମାଜରେ ଆଣିପାରିଛନ୍ତି ଏକ ବଡ ପରିବର୍ତ୍ତନ । ତାଙ୍କର ଏହି ଅଭିଯାନ ଯୋଗୁଁ ତାଙ୍କ ଗାଁ ହିନସିଲା ଓ ଅନ୍ୟ ପାଖ ଅଂଚଳରେ ମହିଳା ଶିକ୍ଷା କ୍ଷେତ୍ରରେ ମଧ୍ୟ ଅନେକ ସୁଧାରକ କାର୍ଯ୍ୟ କରିଛନ୍ତି । ଏଥିପାଇଁ ୨୦୧୯ରେ ତାଙ୍କୁ ଆମରିକାର ବିଲ ମିଲିଣ୍ଡା ଫାଉଣ୍ଡେସନ୍ ପକ୍ଷରୁ ‘ଗୋଲ କିପର୍ସ ଗ୍ଲୋବାଲ ଗୋଲ୍ସ ଆୱାର୍ଡ’ ସମ୍ମାନରେ ସମ୍ମାନୀତ କରାଯାଇଛି । ଏଥିରେ ପ୍ରାୟଲଙ୍କୁ ଆମେରିକାବାସୀ ଗେମ୍ ଚେଂଜର ଭାବେ ସମ୍ବୋଧନ କରିଥିଲେ । ଏହି ସମ୍ମାନ ପାଇବାରେ ପାୟଲ ହେଉଛି ପ୍ରଥମ ଭାରତୀୟ ମହିଳା ।
Kanak News is now on WhatsApp
Join and get latest news updates delivered to you via WhatsApp
କଥା ହେଉଛି ଏପରି, ପାୟଲଙ୍କୁ ମାତ୍ର ୧୧ ବର୍ଷ ହୋଇଥିବାବେଳେ ତାଙ୍କର ବିବାହ ଠିକ୍ କରିଥିଲେ ପରିବାର ଲୋକେ । ଏହାକୁ କଡା ବିରୋଧ କରିଥିଲେ ପାୟଲ । ଏହାପରେ ତାଙ୍କ ମନରେ ଦୃଢ ହୋଇଥିଲା ଏହି ସାମାଜିକ ବ୍ୟାଧି ବିରୋଧରେ ଲଢିବାକୁ । ତାଙ୍କ ମନର ଭାବନାକୁ ସାକାର ରୂପ ମଧ୍ୟ ଦେଇଥିଲେ । ସମାଜର କୌଣସିି କୁସଂସ୍କାରକୁ ମୂଳୋତ୍ପାଟନ କରିବାକୁ ପ୍ରଥମେ ଲୋକଙ୍କୁ ଶିକ୍ଷିତ କରିବାକୁ ପଡିବ ବୋଲି ଅନୁଭବ କରିଥିଲେ ପାୟଲ । ଆଉ ନିଜ ଅଭିଯାନରେ ବାହାରି ପଡିଥିଲେ । ପ୍ରଥମେ ନିଜ ଗାଁରୁ ଆରମ୍ଭ କରିଥିବା ଏହି ଅଭିଯାନରେ ଅନେକ ଲୋକଙ୍କ ମନ ପରିବର୍ତ୍ତନ ହେବା ଲକ୍ଷ୍ୟ କରିବା ପରେ ତାଙ୍କର ଏହି ଅଭିଯାନ ଆଖପାଖ ଇଲାକାରେ ଲୋକଙ୍କୁ ପ୍ରଭାବିତ କରିଥିଲା । ପ୍ରଥମେ ତାଙ୍କର ଏହି କାର୍ଯ୍ୟ ପାଇଁ ତାଙ୍କୁ ଅନେକ ଥଟ୍ଟା ଟାପରାର ସମ୍ମୁଖୀନ ହେବାକୁ ପଡିଥିଲା । ହେଲେ ନିଜ ଲକ୍ଷ୍ୟ ପଥରୁ ଓହରି ନଥିଲେ ପାୟଲ । ଶେଷରେ ତାଙ୍କର ଦୃଢ ଇଚ୍ଛା ଶକ୍ତି ଆଗରେ ହାର ମାନିଥିଲା ସମାଜର କଳଙ୍କିତ ରୀତି । କ୍ରମେ ଲୋକେ ତାଙ୍କର କଥାକୁ ଗୁରୁତ୍ୱ ଦେବାକୁ ଲାଗିଲେ । ତାଙ୍କର ଏହି ଅଭିଯାନ ପରେ ଘରେ ଅବଦ୍ଧ କରି ରଖୁଥିବା ଝିଅ ମାନଙ୍କୁ ପାଠ ପଢିବାକୁ ସ୍କୁଲ ପଠାଉଛନ୍ତି । ଏତେ କମ୍ ବିଷୟରେ ରକ୍ଷଣଶିଳ ସମାଜରେ ପାୟଲଙ୍କ ଏପରି କାମରେ ଖୁସି ହୋଇ ଆମେରିକାର ପୂର୍ବତନ ରାଷ୍ଟ୍ରପତି ବିଲ ଗେଟ୍ସ ତାଙ୍କୁ ପ୍ରଶଂସା କରିଥିଲେ ।
ପାୟଲଙ୍କ ଅଭିଯାନରେ ଧିରେ ଧିରେ କିଛି ମହିଳା ସ୍ୱେଚ୍ଛାକୃତ ଭାବେ ସହଯୋଗର ହାତ ବଢାଇଲେ । ବାଲ୍ୟ ବିବାହ, ମହିଳାଙ୍କ ଶିକ୍ଷା ଓ ସେମାନଙ୍କ ପାଇଁ ଏକ ସ୍ୱଚ୍ଛ ବାତାବରଣ ସୃଷ୍ଟି ଦିଗରେ ଲୋକଙ୍କୁ ସଚେତନ କରିବାକୁ ପାୟଲ ବିଭିନ୍ନ ସ୍ଥାନରେ ରାଲି କରିବା ସହ ସ୍ଲୋଗାନ ଭରା ପୋଷ୍ଟର ମଧ୍ୟ ଲଗାଇଲେ । କେବଳ ରାଜସ୍ଥାନ କାହିଁକି ସାରା ବିଶ୍ୱରେ ଯେପରି ଝିଅ ମାନଙ୍କୁ ସେମାନଙ୍କର ନାଯ୍ୟ ଅଧିକାର ମିଳୁ ସେଥିପାଇଁ ପ୍ରତି ବାପାଙ୍କୁ ସେ ଅନୁରୋଧ ପୂର୍ଣ୍ଣ ବାର୍ତ୍ତା ଦିଅନ୍ତି । ତାଙ୍କର ଏହି ମାତ କାର୍ଯ୍ୟର ପ୍ରଶଂସାରେ ଶତମୁଖ ହୋଇଛନ୍ତି ନୋବେଲ ପୁରସ୍କାର ବିଜେତା କୈଳାଶ ସତ୍ୟାର୍ଥୀ ।ତାଙ୍କର ଏହିି କାର୍ଯ୍ୟକୁ ସାରା ବିଶ୍ୱ ଦେଇଛି ସ୍ୱୀକୃତି ।