ସାଙ୍ଗ ସାଥୀଙ୍କ ସହ ହ୍ୱାଟ୍ସଆପରେ ଖେଳୁଥିଲା ‘ରୁସି ରୁଲେ’ । ନିଜକୁ ମାରିଲା ଗୁଳି, ତା’ପରେ… ଗେମ୍ ଓଭର୍
ମଧ୍ୟପ୍ରଦେଶର ଗ୍ୱାଲିୟରରେ ଜଣେ ୨୧ ବର୍ଷୀୟ ଯୁବତୀଙ୍କ ମୃତ୍ୟୁ ହୋଇଯାଇଛି । ତାଙ୍କର ମୃତ୍ୟୁ ନିଜ ପିତାଙ୍କ ଲାଇସେନ୍ସ ପ୍ରାପ୍ତ ରିଭଲଭରରୁ ବାହାରିଥିବା ଗୁଳିରୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ପୁଲିସ ସୂତ୍ରରୁ ଜଣାପଡିଛି କି ଯୁବତୀ ଜଣକ ନିଜ ସାଙ୍ଗମାନଙ୍କ ସହିତ ହ୍ୱାଟ୍ସଆପ୍ ଭିଡିଓ ଚ୍ୟାଟରେ ଘାତକ ଅନଲାଇନ୍ ଗେମ୍ ‘ରୁସି ରୁଲେ’ ଖେଳୁଥିଲେ । ଖେଳିବା ସମୟରେ ସେ ତାଙ୍କ ବାପାଙ୍କ ରିଭଲଭରରେ ଗୁଳି ଭର୍ତ୍ତି କରି ନିଜକୁ ଗୁଳି କରିଦେଲେ । ମୃତକ କରିଶ୍ମା ଯାଦବ ନିଜ ପରିବାର ସହିତ ଗ୍ୱାଲିୟରର ନାରାୟଣ ବିହାର କଲୋନିରେ ରହୁଥିଲେ । ତାଙ୍କ ପିତା ଅରବିନ୍ଦ ଯାଦବ ସୁବେଦାର ପୋଷ୍ଟରୁ ୪ ମାସ ହେବ ଅବସର ନେଇଥିଲେ । ଘଟଣା ସମୟରେ ଯୁବତୀଙ୍କ ମାତା-ପିତା ଚିତ୍ରକୂଟ ଯାଇଥିଲେ । ତାଙ୍କ ବଡ ଭାଇ ମାର୍କେଟ ଯାଇଥିଲେ ।
କରିଶ୍ମା ତାଙ୍କ ଦିଲ୍ଲୀର ସାଙ୍ଗ ସହିତ ଭିଡିଓ କଲ କରି କଥାବାର୍ତ୍ତା କରୁଥିଲେ । ଏହି ସମୟରେ ସେ ରିଭଲଭର ବାହାର କରି ଗୋଟିଏ ଗୁଳି ଚାମ୍ବରରେ ଭର୍ତ୍ତି କଲେ ଓ ତାକୁ ବୁଲାଇଲେ । ତା’ପରେ ସେ କହିଲେ କି ଚାଲ ଦେଖିବା ତାଙ୍କ ଭାଗ୍ୟ କେମିତି ? ଏହା କହି ଟ୍ରିଗର ଦବାଇ ଦେଲେ । କରିଶ୍ମାର ଭାଇ ଯେତେବେଳେ ଘରେ ପହଂଚିଲେ ରକ୍ତ ଜୁଡୁବୁଡୁ ଅବସ୍ଥାରେ ତାଙ୍କୁ ହସପିଟାଲ ନେଇକି ଗଲେ । ଚିକିତ୍ସା ସମୟରେ ତାଙ୍କର ମୃତ୍ୟୁ ହୋଇଗଲା ।
‘ରୁସି ରୁଲେ’ କ’ଣ ? : ଏହା ଏକ ଘାତକ ଖେଳ । ଏଥିରେ ରିଭଲଭର ଭିତରେ ସମସ୍ତ ଚାମ୍ବର ଖାଲି କରି କେବଳ ଗୋଟିଏ ଗୁଳି ରଖାଯାଏ । ପୁଣି ରିଭଲଭରର ସିଲିଣ୍ଡରକୁ ବୁଲାଇ ଦିଆଯାଏ । ଗୁଳି କରୁଥିବା ଲୋକଙ୍କୁ ଜଣା ନଥାଏ ଯେ, ଗୁଳି କେଉଁଠି । ଟ୍ରିଗର ଦବାଇଲାପରେ ଯଦି ଗୁଳି ନ ଚାଲିବ, ତେବେ ତାହାକୁ ଭାଗ୍ୟଶାଳୀ ଧରାଯାଏ ।