ପ୍ରେମିକକୁ ପାଇବାକୁ ବାଲେଶ୍ୱର ଆସିଲେ ବାଂଲାଦେଶୀ ଯୁବତୀ । ହେଲେ ପ୍ରେମିକ କରିସାରିଲେଣି ଦ୍ୱିତୀୟ ବିବାହ । ନ୍ୟାୟ ପାଇଁ ଥାନାର ଦ୍ୱାରସ୍ଥ ।
କନକ ବ୍ୟୁରୋ: ସ୍ୱାମୀକୁ ଖୋଜି ଖୋଜି ବାଲେଶ୍ୱରରେ ପହଞ୍ଚିଛନ୍ତି ବାଂଲାଦେଶୀ ଝିଅ । ଫେସବୁକରେ ବନ୍ଧୁତା, ବନ୍ଧୁତାରୁ ସଂପର୍କ ଆଗକୁ ବଢି ପ୍ରେମ ଓ ପରେ ବିବାହ । ହେଲେ ବାଂଲାଦେଶରୁ ବାଲେଶ୍ୱର ଫେରିଆସି ସ୍ୱାମୀ ଏବେ ଦ୍ୱିତୀୟ ବିବାହ କରି ଚିହ୍ନିବାକୁ ରାଜି ନୁହଁନ୍ତି । ଏଭଳି ପ୍ରତାରଣାର ଶିକାର ହୋଇଥିବା କହିଛନ୍ତି ବାଂଲାଦେଶ କୁଆକଟା ଅଂଚଳର ଝିଅ ରୁମା ମାରିଆମ୍ । ବାଲେଶ୍ୱରର କମରଦା ଥାନା ଅଂଚଳର ଭୁଦକୁସମୀ ଗାଁର ରାଜ ଓରଫ ପ୍ରତାପ ଭଞ୍ଜ ତାଙ୍କୁ ବିବାହ କରି ପ୍ରତାରଣା କରିଥିବା ସେ ଅଭିଯୋଗ ଆଣିଛନ୍ତି । ଅନ୍ୟପଟେ ପ୍ରତାପଙ୍କ ପରିବାର ଲୋକେ ତାଙ୍କୁ ଘରୁ ତଡି ଦେଇଥିବାରୁ ସେ ଏବେ ଆଇନର ଆଶ୍ରୟ ନେଇଛନ୍ତି । ପ୍ରତାପଙ୍କ ଅନ୍ତରଙ୍ଗ ମୂହୂର୍ତର ଫୋଟ, ଭିଡିଓ ଦେଖାଇ ସ୍ତ୍ରୀ ଅଧିକାର ପାଇବାକୁ ସେ ଦାବି କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୁରା କାହାଣୀ ଏହି ପରି ଫେସବୁକରେ ଭୁଦକୁସମୀ ଗାଁର ପ୍ରତାପ ଭଞ୍ଜଙ୍କ ସହ ୨୦୧୮ରେ ରୁମାଙ୍କ ବନ୍ଧୁତା ହୋଇଥିଲା । କିଛି ଦିନର ବନ୍ଧୁତା ପରେ ଦୁହେଁ ପ୍ରେମରେ ପଡିଥିଲେ । ଏହାପରେ ପ୍ରତାପ ବାଂଲାଦେଶ ଯାଇ ସେଠାକାର ଏକ ମସଜିଦରେ ମୌଲାନଙ୍କ ଉପସ୍ଥିତିରେ ରୁମାଙ୍କୁ ବିବାହ କରିଥିଲେ । କିଛି ଦିନ ବାଂଲାଦେଶରେ ରହି ପ୍ରତାପ ପୁଣି ବାଲେଶ୍ୱର ଫେରି ଆସିଥିଲେ । ଏପଟେ ପ୍ରତାପ ଘରକୁ ଫେରି ଦ୍ୱିତୀୟ ବିବାହ କରିଥିଲେ । ଏହି ଖବର ପାଇବା ପରେ ଭିସା ନଥିବାରୁ ତୁରନ୍ତ ଆସିନପାରିନଥିଲେ ରୁମା । ଏପଟେ ପୁଣି ପ୍ରତାପ ରୁମାଙ୍କୁ ଦୀଘାକୁ ଡାକିବାରୁ ୬ ମାସର ଭିସା ନେଇ ଆସିଥିଲେ । ଦୀଘାର ଏକ ହୋଟେଲ ରୁମାଙ୍କୁ ସ୍ତ୍ରୀର ପରିଚୟ ଦେଇ ପ୍ରତାପ କିଛି ଦିନ ରଖି ଘରକୁ ଫେରିଯିବାକୁ କହିଥିବା ଅଭିଯୋଗ ହୋଇଛି ।