ଟିକାକରଣକୁ ପ୍ରୋତ୍ସାହିତ କରିବାକୁ ଲୋଭନୀୟ ଅଫର । ଇନ୍ଦୋରରେ ଟିକା ନେଲେ ମିଳୁଛି ଏହି ସବୁ ଦାମୀ ଉପହାର
କନକ ବ୍ୟୁରୋ: ଦେଶରେ ଏବେ କରୋନା ମହାମାରୀ ସଂକ୍ରମଣରୁ ଦୁରେଇ ରହିବା ପାଇଁ ସାର୍ବଜନିନ ଟିକାକରଣ ଜାରି ରହିଛି । ଏପରି ସ୍ଥିତିରେ ଦେଶର ସ୍ୱଚ୍ଛ ସହର ତାଲିକାରେ ଶୀର୍ଷରେ ଥିବା ଇନ୍ଦୋରରେ ଲୋକଙ୍କୁ ଆକୃଷ୍ଟ କରିବା ପାଇଁ ଲୋକଙ୍କୁ ଆକର୍ଷଣୀୟ ଉପହାର ପ୍ରଦାନ କରାଯାଉଛି । ସହରର ବିଭିନ୍ନ ପ୍ରତିଷ୍ଠିତ ବ୍ୟବସାୟୀ ଓ କମ୍ପାନୀ ପକ୍ଷରୁ ଏଭଳି ଲୋଭନୀୟ ଉପହାର ସମ୍ପର୍କରେ ଘେଶଷଣା କରାଯାଉଛି । ଏପରିକି କେତେକ ଟିକାକରଣ କେନ୍ଦ୍ରରେ ଲକି ଡ଼୍ର ଅନୁଷ୍ଠିତ ହେଉଛି ।
Kanak News is now on WhatsApp
Join and get latest news updates delivered to you via WhatsApp
ଟିକା ନେବାକୁ ଆସୁଥିବା ଲୋକଙ୍କୁ ଅତିଥି ଭାବେ ପଛୋଟି ନେଇ ଲସି, କୋଲ୍ଡ ଡ଼୍ରିଙ୍କ୍ ଏବଂ ଅନ୍ୟ ପାନୀୟ ପ୍ରଦାନ କରାଯାଉଛି । ସେହିପରି ନୱଲଖା ଟିକାକରଣ କେନ୍ଦ୍ରରେ ଟିକା ନେଇଥିବା ଲୋକଙ୍କୁ ଥରୁଟିଏ ମାଗଣାରେ ବସ ଯାତ୍ରାର ସୁଯୋଗ ମିଳୁଛି । ସେହିପରି ସପିଂ ମଲରେ କରାଯାଇଥିବା ଟିକାକରଣ କେନ୍ଦ୍ରରେ ସେଲଫି ଷ୍ଟିକ୍ ସମେତ ଅନ୍ୟ ଉପହାର ମଧ୍ୟ ପ୍ରଦାନ କରାଯାଉଛି । ଭ୍ୟାକ୍ସିନ୍ ନେବାକୁ ଲୋକଙ୍କୁ ଆକୃଷ୍ଟ କରିବା ପାଇଁ ଏଭଳି ପ୍ରୟାସ କରାଯାଉଥିବା ଜଣାପଡ଼ିଛି ।