କନକ ବ୍ୟୁରୋ: ପ୍ରାଇଭେଟ୍ ହସ୍ପିଟାଲରେ ଟଙ୍କା ଦେଇ କୋଭିଡର ଟିକାର ପ୍ରଥମ ଡୋଜ୍ ନେଇଥିଲେ ମଧ୍ୟ, ଜଣେ ବ୍ୟକ୍ତି ଦ୍ୱିତୀୟ ଡୋଜ୍ ସରକାରୀ ହସ୍ପିଟାଲରେ ମାଗଣାରେ ନେଇପାରିବେ । ଏନେଇ ଆଜି ପ୍ରେସମିଟ୍ କରି ସୂଚନା ଦେଇଛନ୍ତି ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ ମହାପାତ୍ର ।
Kanak News is now on WhatsApp
Join and get latest news updates delivered to you via WhatsApp
୩୦ ଏପ୍ରିଲ ସୁଦ୍ଧା ଘରୋଇ ହସ୍ପିଟାଲରେ ପ୍ରଥମ ଡୋଜ ନେଇଥିଲେ, ସେମାନେ ସରକାରୀ ହସ୍ପିଟାଲରେ ୨ୟ ଡୋଜ୍ ଟିକା ମାଗଣାରେ ନେବେ । କୋଭିସିଲ୍ଡ ଟିକା ଯୋଗାଇବା ପାଇଁ କେନ୍ଦ୍ରକୁ ବାରମ୍ବାର ଚିଠି ଯାଇଛି । ୧୫ ଲକ୍ଷ କୋଭିସିଲ୍ଡ ଟିକା ତୁରନ୍ତ ଦେବାକୁ କେନ୍ଦ୍ରକୁ କୁହାଯାଇଛି । #covid19 #Odisha pic.twitter.com/ATvYSJzOZE
— Kanak News (@kanak_news) May 6, 2021
ତାଙ୍କ କହିବା ମୁତାବକ, ଯେତେବେଳେ ସାରା ଦେଶରେ ୪୫ ବର୍ଷରୁ ଅଧିକ ବୟସ୍କଙ୍କର ଟିକାକରଣ ଆରମ୍ଭ ହେଲା ସେତେବେଳେ ଅନେକ ଲୋକ ପ୍ରାଇଭେଟ୍ ହସ୍ପିଟାଲରେ ଅନେକ ଲୋକ ଟଙ୍କା ଦେଇ ଟିକା ନେଇଛନ୍ତି । ହେଲେ ଏବେ ପ୍ରାଇଭେଟ୍ ହସ୍ପିଟାଲରେ ଟିକାର ଅଭାବ ଦେଖାଦେଇଛି । ହେଲେ ସାଧାରଣ ଲୋକ କିନ୍ତୁ ଏଥିପାଇଁ ଚିନ୍ତା କରନ୍ତୁ ନାହିଁ । ସେମାନେ ମାଗଣାରେ ଦ୍ୱିତୀୟ ଡୋଜ୍ ସରକାରୀ ହସ୍ପିଟାଲରୁ ନେଇପାରିବେ ।
ଏହାବାଦ୍ ଟିକାକରଣ ସମୟରେ ସବୁବେଳେ ଯେଉଁମାନେ ପ୍ରଥମ ଡୋଜ୍ ଟିକା ନେଇଛନ୍ତି ସେମାନଙ୍କୁ କିଭଳି ଦ୍ୱିତୀୟ ଡୋଜ୍ ଦିଆଯିବ ସେନେଇ ପ୍ରାଥମିକତା ଦିଆଯାଉଛି । ରାଜଧାନୀ ଭୁବନେଶ୍ୱରରେ ମଧ୍ୟ ଟିକାର ଅଭାବ ନାହିଁ । ଲୋକମାନେ ସୁରୁଖୁରୁରେ ଆସି ଟିକା ନେଇପାରିବେ ବୋଲି ସ୍ୱାସ୍ଥ୍ୟ ବିଭାଗ ପକ୍ଷରୁ ଅତିରିିକ୍ତ ମୁଖ୍ୟ ଶାସନ ସଚିବ ସୂଚନା ଦେଇଛନ୍ତି । ଏଥିପାଇଁ କେନ୍ଦ୍ର ସରକାର ଓ ଟିକା କମ୍ପାନିମାନଙ୍କୁ ରାଜ୍ୟ ସରକାର ବାରମ୍ବାର ଚିଠି ଲେଖିଛନ୍ତି । ଖୁବଶୀଘ୍ର ଓଡିଶାରେ ଆଉ ଟିକା ଆସି ପହଞ୍ଚିପାରେ । ଟିକାକରଣ ଉପରେ ରାଜ୍ୟ ସରକାର ନଜର ରଖିବା ସହିତ ଏନେଇ ଲଗାତାର କେନ୍ଦ୍ର ଓ ଟିକା କମ୍ପାନି ସହ ସମ୍ପର୍କରେ ଅଛନ୍ତି ବୋଲି ସେ କହିଛନ୍ତି ।