ଆସନ୍ତାକାଲି ସାଧାରଣ ବଜେଟ । ଦିନକ ପୂର୍ବରୁ ଆସିଲା ଅର୍ଥନୈତିକ ସର୍ଭେ ରିପୋର୍ଟ ।
୨୦୨୩-୨୪ ଆର୍ଥିକ ବର୍ଷରେ ୬.୫ ପ୍ରତିଶତ ଜିଡିପି ଅଭିବୃଦ୍ଧି ରହିବା ଆକଳନ
କନକ ବ୍ୟୁରୋ: ବଜେଟ୍ ପୂର୍ବରୁ ଲୋକସଭାରେ ଅର୍ଥନୈତିକ ସର୍ଭେ ରିପୋର୍ଟ ଉପସ୍ଥାପନ କରିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ । ୨୦୨୩-୨୪ ଆର୍ଥିକ ବର୍ଷରେ ୬.୫ ପ୍ରତିଶତ ଜିଡିପି ଅଭିବୃଦ୍ଧି ରହିବା ନେଇ ଆକଳନ କରାଯାଇଛି । ବିଶ୍ୱର ବିଭିନ୍ନ ରାଷ୍ଟ୍ର ମାନ୍ଦାବସ୍ତାର ସମ୍ମୁଖୀନ ହେବାର ଆକଳନ କରାଯାଇଥିବା ବେଳେ ଭାରତ, ବିଶ୍ୱର ପ୍ରମୁଖ ଦ୍ରୁତତମ ଅର୍ଥନୀତି ଭାବେ ସ୍ଥାନ ବଜାଇ ରଖିବ ବୋଲି କହିଛନ୍ତି ଅର୍ଥମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
- ଚଳିତ ଆର୍ଥିକ ବର୍ଷରେ କେମିତି ଥିଲା ବିକାଶ?
- କେଉଁ କ୍ଷେତ୍ରରେ କେତେ ହୋଇଛି ନିବେଶ ?
ସଂସଦରେ ଉପସ୍ଥାପିତ ହୋଇଛି ଅର୍ଥନୈତିକ ସର୍ଭେକ୍ଷଣ ରିପୋର୍ଟ । ସାଧାରଣ ବଜେଟରେ ଗୋଟିଏ ଦିନ ପୂର୍ବରୁ ଦେଶର ଆର୍ଥିକ ହାଲଚାଲ କିଭଳି ଅଛି ତାର ବିବରଣୀ ପ୍ରସ୍ତୁତ କରିଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ।
ଅର୍ଥନୈତିକ ସର୍ଭେ ରିପୋର୍ଟରେ…
- ଦେଶର ବିକାଶ ଦର ବା ଜିଡିପି ୬.୫% ରହିବା ଅନୁମାନ
- ଏହାସତ୍ତ୍ୱେ ଭାରତର ଅର୍ଥନୀତି ୭% ହିସାବରେ ଅଭିବୃଦ୍ଧି ଘଟିବ
- ବିଶ୍ୱର ପ୍ରମୁଖ ଦ୍ରୁତତମ ଅର୍ଥନୀତି ଭାବେ ସ୍ଥାନ ବଜାୟ ରଖିବ ଭାରତ
- କୋଭିଡ ପରେ ଦେଶର ଅର୍ଥନୀତିରେ ଦ୍ରୁତ ଅଭିବୃଦ୍ଧି ଘଟିଛି
- ଋଷ-ୟୁକ୍ରେନ ଯୁଦ୍ଧ ଯୋଗୁଁ ମହଙ୍ଗାମାଡ ଅଧିକ ହୋଇଛି
- ଭାରତୀୟ ଅର୍ଥବ୍ୟବସ୍ଥାରେ ବ୍ୟାପକ ସଂସ୍କାର ଆସିଛି
- ୨୦୨୨ ଏପ୍ରିଲରୁ ନଭେମ୍ବର ମଧ୍ୟରେ ପ୍ରତ୍ୟକ୍ଷ ଟିକସ ସଂଗ୍ରହ ବଢିଛି
ନିର୍ମଳା ବଜେଟ ଉପରେ ଦେଶର ନଜର
କଣ ଶସ୍ତା ହେବ , କଣ ହେବ ମହଙ୍ଗା?
ଆୟକର ସୀମା ବଢିବ ନା କମିବ ?
ପାର୍ଲାମେଣ୍ଟରେ ଅର୍ଥନୈତିକ ସର୍ଭେ ରିପୋର୍ଟ ଉପସ୍ଥାପିତ ହେବା ପରେ ଏବେ ସାରା ଦେଶର ନଜର ରହିଛି କେନ୍ଦ୍ର ବଜେଟ ଉପରେ । ଏଥର ବଜେଟରେ ଅନେକ କିଛି ଆଶା ରଖିଛନ୍ତି ଜନତା ।
- କୃଷକଙ୍କୁ ଖୁସି କରିବା ପାଇଁ ବଡ ଘୋଷଣା ହୋଇପାରେ
- ଆୟକର ସୀମାରେ ପରିବର୍ତ୍ତନ ହେବ ନା ନାହିଁ ସେ ଉପରେ ରହିବ ନଜର
- ମଧ୍ୟବିତ୍ତ ଶ୍ରେଣୀକୁ ଖୁସି କରିବା ପାଇଁ ହୋଇପାରେ ବଡ ଘୋଷଣା
- ବିଦେଶରୁ ଆମଦାନୀ ହେଉଥିବା କିଛି ଜିନିଷ ଉପରେ କଷ୍ଟମ ଡ୍ୟୁଟି ବଢିପାରେ
- ସବୁ ବର୍ଗକୁ ଖୁସି କରିବା ପାଇଁ ବଡ ଘୋଷଣା ସମ୍ଭାବନା
- ଯୁବଗୋଷ୍ଠୀଙ୍କୁ ଅଧିକ ନିଯୁକ୍ତି ସମ୍ଭାବନା
- ଗୃହ ଋଣରେ ରିହାତି ମିଳିପାରେ
- ମୁଦ୍ରାସ୍ପୀତି କମାଇବାକୁ ହୋଇପାରେ ଉଦ୍ୟମ
- ସ୍ୱାସ୍ଥ୍ୟ ବୀମା କ୍ଷେତ୍ରରେ ପରିବର୍ତ୍ତନ ହୋଇପାରେ
ବୁଧବାର ପାର୍ଲାମେଣ୍ଟରେ ଉପସ୍ଥାପିତ ହେବାକୁ ଥିବା ବଜେଟରେ ଓଡିଶାକୁ ଅଧିକ ଅନୁଦାନ ନେଇ ଆଶା ବଢିଛି । ଭିତ୍ତିଭୂମି, ଶିଳ୍ପ ଓ ରେଳବାଇ କ୍ଷେତ୍ରରେ ଓଡିଶାକୁ ଅଧିକ ପ୍ରାଥମିକତା ଦେବେ କି କେନ୍ଦ୍ର ସରକାର । ମିଳିଥିବା ସୂଚନା ଅନୁସାରେ, ୨୦୨୩-୨୪ ପାଇଁ ୮ହଜାର ୪ ଶହ କୋଟି ଟଙ୍କାର ରେଳପ୍ରକଳ୍ପ ପାଇଁ ରାଜ୍ୟ କେନ୍ଦ୍ର ସରକାରଙ୍କୁ ପ୍ରସ୍ତାବ ଦେଇଛିନ୍ତି । ଏଥିରେ ରହିଛି, ଚାଲୁଥିବା ପ୍ରକଳ୍ପକୁ ଅନୁଦାନ, ନୂଆ ରେଳଲାଇନ, ଷ୍ଟେସନ ଆଧୁନିକୀକରଣ । ନୂଆ ଟ୍ରେନ ଚଳାଚଳ, ଟ୍ରେନ ଗତିପଥର ସଂପ୍ରସାରଣ, ଯାତ୍ରୀ ସୁବିଧା ବଢାଇବା । ୨୦୨୪ ସାଧାରଣ ନିର୍ବାଚନ ପୂର୍ବରୁ ମୋଦି ସରକାରଙ୍କ ଏହା ହେବ ଶେଷ ପୂର୍ଣ୍ଣାଙ୍ଗ ବଜେଟ । ତେଣୁ ସବୁବର୍ଗଙ୍କୁ ଖୁସି କରିବା ପାଇଁ ଅର୍ଥମନ୍ତ୍ରୀ ଉଦ୍ୟମ କରିବେ ବୋଲି ଆଶା କରାଯାଉଛି ।