ରାଜଧାନୀର ଗ୍ୟାଲେରିଆ ମଲକୁ ମିଳିଲା ଅଗ୍ନି ନିରାପତା ପ୍ରମାଣ ପତ୍ର । ବେସମେଂଟ ସହ ସବୁ ମହଲାକୁ ଅଗ୍ନିଶମ ବିଭାଗ ପ୍ରଦାନ କଲା ପ୍ରମାଣ ପତ୍ର
କନକ ବ୍ୟୁରୋ : ବହୁ ଚର୍ଚ୍ଚିତ ଭୁବନେଶ୍ୱରର ଗାଲେରିଆ ମଲକୁ ଶେଷରେ ମିଳିଲା ଅଗ୍ନି ନିରାପତା ପ୍ରମାଣ ପତ୍ର । ତିନି ବର୍ଷ ପାଇଁ ଗାଲେରିଆ ମଲକୁ ଅଗ୍ନି ନିରାପତା ପ୍ରମାଣପତ୍ର ପ୍ରଦାନ କରିଛି ଅଗ୍ନିଶମ ବିଭାଗ । ବେସମେଂଟ ସହ ଗ୍ରାଉଣ୍ଡ ଫ୍ଲୋର ଓ ସମସ୍ତ ତିନି ମହଲା ପାଇଁ ଅଗ୍ନି ନିରାପତା ପ୍ରମାଣପତ୍ର ଦିଆଯାଇଛି । ଏ ସମ୍ପର୍କୀତ କଗଜପତ୍ର ଆମର ହସ୍ତଗତ ହୋଇଛି । ଗାଲେରିଆ ମଲ ପୂର୍ବରୁ ଆବଶ୍ୟକୀୟ ସର୍ତ ପୁରଣ କରିଥିଲେ ବି ଅଗ୍ନିଶମ ବିଭାଗ ଅଗ୍ନି ନିରାପତା ପ୍ରମାଣପତ୍ର ଦେଉ ନଥିବାର ଅଭିଯୋଗ ହୋଇଥିଲା । ସ୍ଥିତି ଏମିତି ହୋଇଥିଲା କି ଏଥିପାଇଁ ବରିଷ୍ଠ ଆଇପିଏସ ବିଜୟ କୁମାର ଶର୍ମାଙ୍କୁ ଡିଜିପି ଓ ଅଗ୍ନିଶମ ଡିଜିପି ପଦ ହରାଇଥିବା ନେଇ ମଧ୍ୟ ଚର୍ଚ୍ଚା ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ସବୁ ସର୍ତକୁ ପୁରଣ କରିବା ପରେ ବି ଗାଲେରିଆ ମଲକୁ ଅଗ୍ନି ନିରାପତା ପ୍ରମାଣ ପତ୍ର ମିଳୁନଥିଲା ବୋଲି ଅଭିଯୋଗ ଆସିଥିଲା । ଏପରିକି ସ୍ଥାନୀୟ ଅଗ୍ନିଶମ କର୍ମଚାରୀଙ୍କ ସୁପାରିଶ ପରେ ବି ଫାଇଲ ତତ୍କାଳୀନ ଅଗ୍ନିଶମ ଡିଜି ତଥା ପୁଲିସ ମୁଖିଆ ରହିଥିବା ବିକେ ଶର୍ମାଙ୍କ ପାଖରେ ଅଟକି ରହିଥିବା ନେଇ ବି ଚର୍ଚ୍ଚା ହୋଇଥିଲା । ଏମିତିକି ଏହି ଘଟଣାକୁ ନେଇ ଚର୍ଚ୍ଚା ଚାଲିଥିବା ବେଳେ ବିକେ ଶର୍ମାଙ୍କୁ ଡିଜିପି ଓ ଅଗ୍ନିଶମ ଡିଜି ଦାୟିତ୍ୱରୁ ହଟାଇ ଦେବା ସହ ଅଗ୍ନି ନିରାପତା ପ୍ରମାଣ ପତ୍ରଦେବା ମାମଲାରେ ଦୁର୍ନୀତି ପାଇଁ ତଦନ୍ତ ପରିସରଭୁକ୍ତ ବି କରାଯାଇଛି ।