ବିଶ୍ୱରେ ସବୁଠୁ ଦ୍ରୁତ ଗତିରେ ଆଗକୁ ବଢ଼ୁଛି ଭାରତ : ବିମୁଦ୍ରାକରଣ ସମୟରେ ବି ୭ପ୍ରତିଶତ ଅଭିବୃଦ୍ଧି
କନକ ବ୍ୟୁରୋ : ବିଶ୍ୱରେ ସବୁଠୁ ଦ୍ରୁତ ଗତିରେ ଆଗକୁ ବଢ଼ୁଛି ଭାରତ । ବିମୁଦ୍ରାକରଣ ସତ୍ୱେ ଦେଶର ମୋଟ ଘରୋଇ ଉତ୍ପାଦ( ଜିଡିପି) ଅଭିବୃଦ୍ଧି ୭ପ୍ରତିଶତ ହୋଇଛି । ଭାରତ ବିଶ୍ୱର ସବୁଠାରୁ ଅଭିବୃଦ୍ଧିଶୀଳ ରାଷ୍ଟ୍ରର ମାନ୍ୟତା ବଜାୟ ରଖିଛି । ଭାରତର ଅଭିବୃଦ୍ଧି ହାର ଚୀନଠାରୁ ଅଧିକ ରହିଛି ।
Kanak News is now on WhatsApp
Join and get latest news updates delivered to you via WhatsApp
୨୦୧୬ର ଶେଷ ତିନି ମାସରେ ଚୀନର ଅଭିବୃଦ୍ଧି ହାର ୬.୮ପ୍ରତିଶତ ରହିଥିବାବେଳେ ଭାରତ ୭ପ୍ରତିଶତ ହାରରେ ଆଗକୁ ବଢ଼ିଛି । ଗତବର୍ଷର ଶେଷ ଦୁଇ ମାସରେ ବିମୁଦ୍ରାକରଣ ଯୋଗୁଁ ଅର୍ଥନୈତିକ କାର୍ଯ୍ୟକଳାପ ପ୍ରଭାବିତ ହୋଇଥିଲା । ଏହା ସତ୍ୱେ ଦେଶର ଜିଡିପି ହାର ୭ପ୍ରତିଶତ ବଢ଼ିଛି ।
ସେହିପରି ଏହାର ପୂର୍ବ ୩ମାସରେ ଜିଡିପି ଅଭିବୃଦ୍ଧି ହାର ୭.୪ପ୍ରତିଶତ ଥିଲା । ତେବେ ମାର୍ଚ୍ଚ ୩୧ରେ ଶେଷ ହେବାକୁ ଯାଉଥିବା ୨୦୧୬-୧୭ ଅର୍ଥିକ ବର୍ଷରେ ଜିଡିପି ହାର ୭.୧ ପ୍ରତିଶତ ରହିବ ବୋଲି କେନ୍ଦ୍ରୀୟ ପରିସଂଖ୍ୟାନ ସଂସ୍ଥା ଆକଳନ କରିଛି । ଏହାକୁ ସମର୍ଥନ କରିଛି ପ୍ୟାରିସଠାରେ ଥିବା ଅର୍ଥନୈତିକ ସହଯୋଗ ଓ ବିକାଶ ସଂଗଠନ ବା ଓଇସିଡି ।