ମୁହଁ ଖୋଲିଲେ ଗୌତମ ଗମ୍ଭୀର । ବିରାଟ କୋହଲୀଙ୍କ ସହ କେମିତି ଅଛି ସମ୍ପର୍କ, ସ୍ପଷ୍ଟ କଲେ ଟିମ୍ ଇଣ୍ଡିଆ ମୁଖ୍ୟ କୋଚ

କନକ ବ୍ୟୁରୋ : ଟିମ୍ ଇଣ୍ଡିଆର ଶ୍ରୀଲଙ୍କ ଗସ୍ତ ପୂର୍ବରୁ ଦଳର ମୁଖ୍ୟ କୋଚ ଦାୟିତ୍ବ ସମ୍ଭାଳିଛନ୍ତି ଗୌତମ ଗମ୍ଭୀର । ଏଥିସହିତ ପ୍ରଥମ ପ୍ରେସମିଟ କରି ଦଳକୁ ନେଇ ପ୍ରସ୍ତୁତି ସମ୍ପର୍କରେ କହିଛନ୍ତି । ବିଶେଷ କରି କୋହଲୀଙ୍କୁ ନେଇ ଦେଇଛନ୍ତି ନିଜ ମତ । ଆଇପିଏଲ ୨୦୨୩ ସମୟରେ ବିରାଟ କୋହଲି ଏବଂ ଗୌତମ ଗମ୍ଭୀରଙ୍କ ମଧ୍ୟରେ ବିବାଦ ଥିବା ସମସ୍ତେ ଜାଣନ୍ତି। ଏବେ ଗମ୍ଭୀର ନିଜେ ବିରାଟଙ୍କ ସହ ସମ୍ପର୍କ ପ୍ରକାଶ କରିଛନ୍ତି।

ଟିମ ଇଣ୍ଡିଆର ମୁଖ୍ୟ କୋଚ ହେବା ପରେ ଗମ୍ଭୀର ପ୍ରଥମ ଥର ପାଇଁ ଗଣମାଧ୍ୟମକୁ ସମ୍ବୋଧିତ କରିଥିଲେ। ଗମ୍ଭୀର କହିଛନ୍ତି- ଟିଆରପି ପାଇଁ ବିରାଟ କୋହଲିଙ୍କ ସହ ମୋର କୌଣସି ସମ୍ପର୍କ ନାହିଁ।୨୭ ଜୁଲାଇରୁ ହେବାକୁ ଥିବା କ୍ରିକେଟ୍ ସିରିଜ ପାଇଁ ସୋମବାର ଶ୍ରୀଲଙ୍କା ଗସ୍ତ କରିଛି ଟିମ୍ ଇଣ୍ଡିଆ । ନୂତନ କୋଚ୍ ଗୌତମ ଗମ୍ଭୀରଙ୍କ ନେତୃତ୍ବରେ ଟିମ ଶ୍ରୀଲଙ୍କା ଗସ୍ତ କରିଛି । ସେଠାରେ ଦଳ ୩ଟି ଟି-୨୦ ଓ ୩ଟି ଏକଦୀବସୀୟ ମ୍ୟାଚ ଖେଳିବା । ପ୍ରଥମ ଥର ପାଇଁ କୋଚ୍ ଗମ୍ଭୀରଙ୍କ ନେତୃତ୍ବରେ ଭାରତ ଖେଳିବ ମ୍ୟାଚ୍ ।

ଟି-୨୦ ବିଶ୍ବକପ ଓ ଜିମ୍ବାୱେ ସିରିଜରେ ଦମଦାର ପ୍ରଦର୍ଶନ ପରେ ଶ୍ରୀଲଙ୍କାରେ ବୀଜୟ ବାନା ଉଡାଇବା ଲକ୍ଷ୍ୟରେ ରହିଛି ଟିମ୍ ଇଣ୍ଡିଆ ।