କୌଣସି ବି ସ୍ଥାନରେ ଏକାଠି ହେବେନାହିଁ ୭ ଜଣରୁ ଅଧିକ ବ୍ୟକ୍ତି: ନିର୍ଦ୍ଦେଶନାମା ଜାରି କଲେ ଓଡିଶା ସରକାର; ବନ୍ଦ ରହିବ କଫି ସପ, ରେଷ୍ଟୁରାଣ୍ଟ ଏବଂ ବାର
କନକ ବ୍ୟୁରୋ: କରୋନା ମୁକାବିଲା ପାଇଁ ଅଂଟା ଭିଡିଛନ୍ତି ରାଜ୍ୟ ସରକାର । ରାଜ୍ୟବାସୀଙ୍କ ସୁରକ୍ଷାକୁ ନଜରରେ ରଖି ସରକାରଙ୍କ ପକ୍ଷରୁ ନିଆଯାଉଛି ଅନେକ ସତର୍କତା ମୂଳକ ପଦକ୍ଷେପ । ତେବେ ରାଜ୍ୟରେ କରୋନା ଭୂତାଣୁର ସଂକ୍ରମଣ ସତର୍କତା ଭିତରେ ଆଜି ପୁଣି ଥରେ ରାଜ୍ୟ ସରକାରଙ୍କ ତରଫରୁ ଜାରି କରାଯାଇଛି ନୂଆ ନିର୍ଦ୍ଦେଶନାମା । ଲୋକଙ୍କ ମଧ୍ୟରେ ସାମାଜିକ ଦୂରତା ରଖିବା ପାଇଁ କୌଣସି ବି ସ୍ଥାନରେ ୭ରୁ ଅଧିକ ଲୋକ ଏକାଠି ନହେବାକୁ ପରାମର୍ଶ ଦେଇଛନ୍ତି ରାଜ୍ୟ ସରକାରଙ୍କ ମୁଖ୍ୟ ମୁଖ୍ୟପାତ୍ର ସୁବ୍ରତ ବାଗଚୀ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ସମସ୍ତ ରେଷ୍ଟୁରାଂଟ, କଫି ସପ୍, ବାର କ୍ୟାଂଟିନ ଭଳି ଜନଗହଳି ହେଉଥିବା ସ୍ଥାନଗୁଡିକୁ ମଧ୍ୟ ତୁରନ୍ତ ବନ୍ଦ କରିବାକୁ ରାଜ୍ୟ ସରକାର ନିର୍ଦ୍ଦେଶ ଦେଇଛନ୍ତି । ଏହାଛଡା ସମସ୍ତ ହୋଟେଲକୁ ସାମାଜିକ ଦୂରତ୍ୱ ବଜାୟ ରଖିବା ନିର୍ଦ୍ଦେଶ ଦିଆଯାଇଥିବା କହିଛନ୍ତି ରାଜ୍ୟ ସରକାରଙ୍କ ମୁଖ୍ୟ ମୁଖପାତ୍ର ସୁବ୍ରତ ବାଗଚୀ । ତେବେ ବଜାର ଏବଂ ମାର୍କେଟ କମ୍ପେ୍ଲକ୍ସ ବନ୍ଦ କରିବାର ନିଷ୍ପତି ସ୍ଥାନୀୟ ପ୍ରସାଶନ ନେବେ ବୋଲି କୁହାଯାଇଛି ।
ସେହିପରି କରୋନାର ଆତଙ୍କ ଭିତରେ ଧର୍ମାନୁଷ୍ଠାନ ବନ୍ଦ ପାଇଁ ନିଷ୍ପତି ନେଇଥିବା ସଂପୃକ୍ତ ଧର୍ମାନୁଷ୍ଠାନମାନଙ୍କର ମୁଖ୍ୟଙ୍କୁ ଧନ୍ୟବାଦ ଜଣାଇଛନ୍ତି ମୁଖ୍ୟମନ୍ତ୍ରୀ । ଏହାସହ କରୋନା ମୁକାବିଲା ପାଇଁ ୨୪ ଘଂଟଆ ସେବା ଯୋଗାଉଥିବା ସ୍ୱାସ୍ଥ୍ୟକର୍ମୀଙ୍କୁ ମଧ୍ୟ ଧନ୍ୟବାଦ ଜଣାଇଛନ୍ତି ଏବଂ ସ୍ୱାସ୍ଥ୍ୟକ୍ରମୀଙ୍କୁ ବିଚଳିତ ନକରିବାକୁ ଏବଂ ତାଙ୍କ କାମରେ ବାଧା ନପହଂଚାିବାକୁ ଜନତାଙ୍କୁ ମୁଖ୍ୟମନ୍ତ୍ରୀ ନିବେଦନ କରିଥିବା କହିଛନ୍ତି ରାଜ୍ୟ ସରକାରଙ୍କ ମୁଖ୍ୟ ମୁଖପାତ୍ର ସୁବ୍ରତ ବାଗଚୀ ।