କନକ ବ୍ୟୁରୋ : କୋଭିସିଲ୍ଡ ଟିକା ପାଇଁ ଆସିଲା ନୂଆ ଗାଇଡଲାଇନ । ସବୁ ଜିଲ୍ଲାପାଳ ଓ ସିଡିଏମଓଙ୍କୁ ଗାଇଡଲାଇନ ନେଇ ସ୍ୱାସ୍ଥ୍ୟ ବିଭାଗ ଚିଠି ଲେଖିଛି । ପ୍ରଥମ ଡୋଜ ନେବାର ୮୪ଦିନ ପରେ ଦ୍ୱିତୀୟ ଡୋଜ ନେଇପାରିବେ । ପ୍ରଥମ ଡୋଜ ନେବାର ୧୨ ସପ୍ତାହ ବା ୮୪ଦିନ ଭିତରେ ଅନଲାଇନ ସ୍ଲଟ ବୁକିଂ ହୋଇପାରିବ ନାହିଁ । ତେବେ ପ୍ରଥମରୁ କୋୱିନରେ ସ୍ଲଟ ବୁକିଂ ହୋଇଥିଲେ ତାକୁ ବାତିଲ କରିବ ନାହିଁ କୋୱିନ । ତେଣୁ ପ୍ରଥମ ଡୋଜ ନେବାର ୮୪ଦିନ ପରେ ଦ୍ୱିତୀୟ ଡୋଜ ନେବାକୁ କୁହାଯିବା ସହ ସ୍ଲଟକୁ ରିସିଡ୍ୟୁଲ କରିବା ପାଇଁ ବିଭାଗ ପକ୍ଷରୁ କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଟିକା ନେଇଥିବା ବ୍ୟକ୍ତି ଜଣକ ଯଦି ୮୪ଦିନ ପୁରିବା ପୂର୍ବରୁ ସ୍ଲଟ ବୁକିଂ କରିଥିବେ ତେବେ ସେ ଚାହିଁଲେ ସେହି ସିଡ୍ୟୁଲ ଅନୁଯାୟୀ ଟିକା ନେଇପାରିବେ । ଏହି ନୂଆ ନିୟମ ଅନୁସାରେ ଆଉ ଦ୍ୱିତୀୟ ଡୋଜ ନେବାକୁ ଭିଡ ହେବନାହିଁ । ଏଭଳି କ୍ଷେତ୍ରରେ ଏବେ ପ୍ରଥମ ଡୋଜ ନେବାକୁ ଥିବା ବ୍ୟକ୍ତିଙ୍କୁ ଅଗ୍ରାଧିକାର ଦିଆଯିବ । କୋଭିସିଲ୍ଡ ଟିକାର ଦୁଇଟି ଡୋଜ ମଧ୍ୟରେ ବ୍ୟବଧାନ ବଢାଇବା ନେଇ ଗୁରୁବାର ଘୋଷଣା ହୋଇଥିଲା । ୧୨ରୁୁ୧୬ ସପ୍ତାହ ମଧ୍ୟରେ ଦ୍ୱିତୀୟ ଡୋଜ୍ ନେବା ନେଇ ହୋଇଥିଲା ଘୋଷଣା ।