ପ୍ରେମିକାକୁ ଉପହାର ଦେବା ପାଇଁ କଲେଜ ଛାତ୍ରଙ୍କ ଗଞ୍ଜେଇ ବେପାର! ପୋଲିସ ଆଖିରେ ଧୁଳିଦେବା ପାଇଁ ଲଗଜୁରି ହୋଣ୍ଡା ସିଟିରେ ହେଉଥିଲା ଚାଲାଣ
କନକ ବ୍ୟୁରୋ : ଗଞ୍ଜେଇ ଚୋରାଚାଲାଣର ନୂଆ ତରିକା । ବିଳାସମୟ ହୋଣ୍ଡା ସିଟି କାରରେ ଗଞ୍ଜେଇ ଚାଲାଣ । ଆଶ୍ଚର୍ଯ୍ୟର କଥା ହେଉଛି ଯୁକ୍ତ ତିନିରେ ପାଠ ପଢ଼ୁଥିବା କିଛି ଛାତ୍ର ଗଞ୍ଜେଇ ଚୋରି ପାଇଁ ଏହି କାରକୁ ବାଛି ଥିଲେ । ଭାବିଥିଲେ ହୋଣ୍ଡା ସିଟି ଗାଡିରେ ଗଞ୍ଜେଇ ନେଲେ କେହି ସନ୍ଦେହ କରିବେ ନାହିଁ, ଏବଂ ସେମାନେ ସହଜରେ ଗଞ୍ଜେଇ ଚାଲାଣ କରିବେ ।
Kanak News is now on WhatsApp
Join and get latest news updates delivered to you via WhatsApp
ମଙ୍ଗଳବାର ସକାଳ ପ୍ରାୟ ୬ଟାରେ କଟକ ଜୋବ୍ରା ଦେଇ ଯାଉଥିବା ଏହି ଗଞ୍ଜେଇ ଭର୍ତି ହଣ୍ଡା ସିଟି କାରକୁ ଧରି ପକାଇଥିଲା କଟକ ଅବକାରୀ ସ୍କାର୍ଡ । ପଚରା ଉଚରା ପରେ ପୋଲିସ୍ ଜାଣିବାବୁ ପାଇଥିଲା ଯେ ଫୁଲବାଣୀ ଟିକାବାଲି କଲେଜର ଯୁକ୍ତ ତିନିରେ ପାଠ ପଢ଼ୁଥିବା କିଛି ଛାତ୍ର ଅଧିକ ଟଙ୍କା ରୋଜଗାର କରିବାକୁ ନୂଆ କରି ଏହି ବାଟ ବାଛିଛନ୍ତି ।
ଦାମୀ ମୋବାଇଲ୍ ଧରିବା , ଗାର୍ଲଫ୍ରେଣ୍ଡ ପାଇଁ ଦାମିକା ଗିଫ୍ଟ କିଣିବା ଏହି ଛାତ୍ରଙ୍କର ମୁଖ୍ୟ ଉଦେଶ୍ୟ ଥିଲା । ଘରୁ ବାପାଙ୍କ ଠାରୁ ପାଠପଢ଼ା ପାଇଁ ଅଳ୍ପ ଟଙ୍କା ମିଳୁଥିବାବେଳେ ଏମାନଙ୍କର ଆବଶ୍ୟକତା କିନ୍ତୁ ଢ଼େର ଅଧିକ ବଢ଼ି ଯାଇଥିଲା । ଆଉ ଏଥିପାଇଁ ନୂଆ ଉପାୟରେ ଗଞ୍ଜେଇ ଚାଲାଣ ବାଟ ବାଛି ନେଇଥିଲେ ।