ବଜାରରେ ଗଞ୍ଜେଇ ଚକୋଲେଟ୍ । ଚକଲେଟରେ ଗଞ୍ଜେଇ ବିକ୍ରି କରିି ହାଇଦ୍ରାବାଦରୁ ଓଡ଼ିଆ ଯୁବକ ଗିରଫ ।ଟାର୍ଗେଟରେ ଦିନ ମଜୁରିଆ ଓ ସ୍କୁଲ ଛାତ୍ରଛାତ୍ରୀ ।
କନକ ବ୍ୟୁରୋ: ବଜାରରେ ବିକ୍ରି ହେଉଛି ଗଞ୍ଜେଇ ଚକୋଲେଟ୍ । ହାଇଦ୍ରାବାଦରେ ଏହିପରି ଗଞ୍ଜେଇ ଚକୋଲେଟ ପାନ ଦୋକାନରେ ବିକ୍ରି ହେଉଛି । ପୋଲିସ ଏବେ ଏହି ଗଞ୍ଜେଇ ବେପାରୀକୁ ଗିରଫ କରିଛି । ଗିରଫ ବ୍ୟକ୍ତି ଜଣଙ୍କ ବାଲେଶ୍ୱରର ଅନନ୍ତ ବାରିକ । ହାଇଦ୍ରାବାଦର ବାଲାନଗର ଅଞ୍ଚଳରୁ ଅନନ୍ତ ବାରିକକୁ ପୋଲିସ ଗିରଫ କରିଛି ।
Kanak News is now on WhatsApp
Join and get latest news updates delivered to you via WhatsApp
୧୪୦ଟି ଗଞ୍ଜେଇ ଚକୋଲେଟ୍ ପୋଲିସ ଅନନ୍ତଙ୍କ ନିକଟରୁ ଜବତ ହୋଇଛି । ସେହିପରି ଅନ୍ୟ ଜଣେ ବ୍ୟକ୍ତି ସୌମ୍ୟ ମଲ୍ଲିକଙ୍କଠାରୁ ୪ କିଲୋ ଗଞ୍ଜେଇ ଜବତ ହୋଇଛି । କଲେଜ ଛାତ୍ରଛାତ୍ରୀଙ୍କ ମଧ୍ୟରେ ଏହି ଗଞ୍ଜେଇ ଚକୋଲେଟ ଆଦୃତ ବୋଲି ଜଣାପଡିଛି । ଯାହା ଚାରମିନାର ଗୋଲ୍ଡ ମୁନାକ୍କା ନାମରେ ପରିଚିତ । ୨୦ ଟଙ୍କାରେ ୫ ଗ୍ରାମର ଚକୋଲେଟ୍ ବିକ୍ରି ହେଉଛି । ଏହି ସବୁ ଚକୋଲେଟ ବାଲେଶ୍ୱରରେ ତିଆରି ହେଉଥିବା ଜଣାପଡିଛି । ଯାହା ଦାଦନ ଶ୍ରମିକଙ୍କ ଜରିଆରେ ହାଇଦ୍ରାବାଦକୁ ଚାଲାଣ ହେଉଥିବା ଜଣାପଡିଛି । ଗତ କିଛି ଦିନ ମଧ୍ୟରେ ହାଇଦ୍ରାବାଦର ଭିନ୍ନ ଭିନ୍ନ ସ୍ଥାନରେ ଚଢାଉ କରି ପୋଲିସ ଓଡିଆ ଦାଦନ ଶ୍ରମିକଙ୍କ ନିକଟରୁ ୪୧.୫ କିଲୋ ଗଞ୍ଜେଇ ଚକୋଲେଟ ଜବତ କରିଛି । ଏକ ସ୍କୁଲ ନିକଟରୁ ୩ ଜଣ ଓଡିଆଙ୍କୁ ଗଞ୍ଜେଇ ଚକୋଲେଟ୍ ବିକ୍ରି ଅଭିଯୋଗରେ ଗିରଫ କରାଯାଇଥିଲା ।