ଆତ୍ମାହୂତି ଉଦ୍ୟମ କରିଥିବା ଗଂଜାମ ଯୁବକ ମୃତ । ଚିକିତ୍ସାଧୀନ ଅବସ୍ଥାରେ ଗଲା ଜୀବନ ।
କନକ ବ୍ୟୁରୋ: ନ୍ୟାୟ ଦାବିରେ ଯୁବକଙ୍କ ଆତ୍ମହୂତି ଉଦ୍ୟମ କରିଥିବା ଯୁବକ ଶେଷରେ ପ୍ରାଣ ହରାଇଛନ୍ତି । ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ଗତକାଲି ଗଂଜାମ ଏସପି ଅଫିସ ଆଗରେ ଘଟିଥିଲା ଏହି ଅଭାବନୀୟ ଘଟଣା । ଦେହରେ ପେଟ୍ରୋଲ ଢାଳି ହୋଇ ଯୁବକ ଜଣକ ଆତ୍ମହତ୍ୟା ଉଦ୍ୟମ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଉପସ୍ଥିତ ପୁଲିସ କର୍ମଚାରୀ ଯୁବକ ଜଳିଯାଉଥିବା ବେଳେ ଏକ କମ୍ବଳ ଘୋଡେଇ ନିଆଁକୁ ଆୟତ କରିିଥିଲେ । ଗୁରୁତର ଅବସ୍ଥାରେ ତାଙ୍କୁ ଏମକେସିଜି ମେଡିକାଲରେ ଭର୍ତ୍ତି କରାଯାଇଥିଲା । ଆତ୍ମହୂତି ଉଦ୍ୟମ କରିଥିବା ଯୁବକ ଛତ୍ରପୁର ନିକଟ ବୋରଗାଁର ବାଦଲ ସାହୁ ବୋଲି ଜଣାପଡିଛି । ଗାଁରେ ତାଙ୍କୁ ବାସନ୍ଦ କରାଯାଇଥିବାରୁ ସେ ନ୍ୟାୟ ପାଇଁ ବାରମ୍ବାର ଗଂଜାମ ଏସପି ଆସୁଥିଲେ । ହେଲେ ପୁଲିସ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ନିଆଯାଉନଥିବାରୁ ହତାଶ ହୋଇ ବାଦଲ ନିଜ ଦେହରେ ପେଟ୍ରୋଲ ଢାଳି ହୋଇ ନିଆଁ ଲଗାଇ ଦେଇଥିଲେ ।