ଗଞ୍ଜାମରେ କରୋନାକୁ ବଳିଗଲା ଥଣ୍ଡା ଜ୍ୱର ଆତଙ୍କ : ୨୦ ଦିନରେ ମେଡିକାଲ ନ ଆସି ଗଲାଣି ୨୭ରୁ ଅଧିକ ଜୀବନ; ପ୍ରଶାସନ ପାଖରେ ନାହିଁ ହିସାବ
କନକ ବ୍ୟୁରୋ : କରୋନାର କଟକଣା ସମୟରେ ଗଂଜାମରେ କରୋନାକୁ ବଳିଗଲାଣି ଥଣ୍ଡା ଜ୍ୱର । ଡାକ୍ତରଖାନା ନଆସି ୨୦ ଦିନରେ ଗଲାଣି ୨୭ରୁ ଅଧିକ ଜୀବନ । କରୋନା ବର୍ତମାନ ଗଂଜାମ ଜିଲ୍ଲାର ସ୍ଥିତି ଦୋହଲାଇଦେଇଥିବା ବେଳେ ନିୟନ୍ତ୍ରଣ ଭିତରକୁ ଆସିପାରୁନି ସ୍ଥିତି । ଏପରି ସ୍ଥିତିରେ ଚିନ୍ତାବଢାଇଲାଣି ଥଣ୍ଡାଜ୍ୱର । ତାଲାବନ୍ଦର କଟକଣା ଭିତରେ ଲୋକେ ଜ୍ୱର, ଥଣ୍ଡାକାଶ ପରି ସାଧାରଣ ଲୋକଙ୍କୁ ମିଳିପାରୁନି ଉପଯୁକ୍ତ ସୁବିଧା । ଋତୁ ବଦଳୁଥିବାରୁ ଜ୍ୱର , ଥଣ୍ଡା ଆକ୍ରାନ୍ତ ସଂଖ୍ୟା ବି ବଢୁଛି । ଏପରି ସ୍ଥିତିରେ ଥଣ୍ଡା ଜ୍ୱରରେ ୨୭ରୁ ଅଧିକ ଲୋକଙ୍କ ମୃତ୍ୟୁ ଘଟିବା ଉଦବେଗର ବିଷୟ ହୋଇଛି । ଏହି ମୃତକଙ୍କ ତାଲିକା ଡାକ୍ତରଖାନାରେ ନାହିଁ । ଏମାନେ ସନ୍ଦିଗ୍ଧ କୋଭିଡ୍ ମୃତକରେ ବି ଆସୁନାହାନ୍ତି । ବର୍ତମାନ କରୋନା ମହାମାରୀ ବ୍ୟାପିଥିବା ବେଳେ ଜ୍ୱର, ଥଣ୍ଡା ହେବା କ୍ଷଣି ଲୋକେ ଭୟରେ ଥରୁଛନ୍ତି । କରୋନା ଭାବି ଲୋକେ ଜ୍ୱର ଓ ଥଣ୍ଡାକୁ ଲୁଚାଉଛନ୍ତି । ଉପଯୁକ୍ତ ଚିକିତ୍ସା ପାଇନପାରି ଶେଷରେ ଜୀବନ ହରାଉଛନ୍ତି ଲୋକେ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ ବର୍ତ୍ତମାନ ଜିଲ୍ଲାରେ ପ୍ରତ୍ୟହ ଜ୍ବର, ଥଣ୍ଡା ,କାଶ ଆଦିରେ ଲୋକଙ୍କ ମୃତ୍ୟୁ ଘଟୁଛି। ଜ୍ବର, ଥଣ୍ଡା, କାଶରେ ଅଦ୍ୟାବଧି ଜିଲ୍ଲାରେ କେତେଜଣଙ୍କ ମୃତ୍ୟୁ ଘଟିଛି ତାହା ଜିଲ୍ଲା ପ୍ରଶାସନ ସ୍ପଷ୍ଟ କରୁନାହିଁ । ଗତ କିଛି ଦିନ ତଳେ ଜିଲ୍ଲାପାଳ ସମସ୍ତ ବିଡିଓ ଓ ତହସିଲଦାରମାନଙ୍କୁ ଏକ ଚିଠି ଲେଖି ଜିଲ୍ଲାରେ ଯେ କୌଣସି ମୃତ୍ୟୁ ଘଟିଲେ ଜିଲ୍ଲା ପ୍ରଶାସନ ନଜରକୁ ଆଣିବାକୁ ନିର୍ଦ୍ଦେଶ ଦେଇଛନ୍ତି। ଅନ୍ୟପକ୍ଷରେ ପ୍ରତି ଗ୍ରାମରେ ଅଙ୍ଗନବାଡ଼ି କର୍ମୀ ଓ ଆଶା କର୍ମୀ ରହିଛନ୍ତି । ପ୍ରତ୍ୟହ ଜିଲାରେ କେତେ ଜଣଙ୍କ ମୃତ୍ୟୁ ଘଟୁଛି ସେମାନଙ୍କ ଦ୍ବାରା ପ୍ରଶାସନ ତଥ୍ୟ ହାସଲ କରିପାରିବ । କିନ୍ତୁ ପ୍ରଶାସନ ବଦନାମ ହେବା ଭୟରେ ଜ୍ବର, ଥଣ୍ଡା ଓ କାଶ ଜନିତ ମୃତ୍ୟୁ ଲୁଚାଇଥିବା ଅଭିଯୋଗ ହେଉଛି ।