ଭସାଣୀ ଯାତ୍ରାରେ ମାନିଲେନି କରୋନା କଟକଣା : ଡିଜେର ତାଳେ ତାଳେ ଝୁମିଲେ ଲୋକ
ଗଂଜାମ ହିଞ୍ଜିଳିକାଟୁରୁ ଆସିଲା ଚିତ୍ର; ପୁଲିସର ବିରୋଧ ବେଳେ ଧସ୍ତାଧସ୍ତି
କନକ ବ୍ୟୁରୋ : କରୋନା କଟକଣାକୁ ଜଳାଞ୍ଜଳୀ ଦେଇ ଝୁମିଲେ ଶତାଧିକ ଲୋକ । ପୂଜାରେ ବିନା ଶୋଭାଯାତ୍ରାରେ ବିସର୍ଜନ ପାଇଁ ଅନୁମତି ରହିଥିବା ବେଳେ ଡିଜେ ବଜାଇ ମେଲୋଡି ଟିମ୍ ସହ ନାଚିଲେ ଶହ ଶହ ଲୋକେ । ଏଭଳି ଦୃଶ୍ୟ ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ହିଞ୍ଜିଳିକାଟୁରେ । ହିଞ୍ଜିଳିକାଟୁ ରାଧାକୃଷ୍ଣ ବ୍ୟବସାୟୀ ସଂଘର ଳକ୍ଷ୍ମୀ ପୂଜା ଭଷାଣୀରେ ଲୋକ ଏଭଳି ଏକାଠୀ ନାଚୁଥିବା ଦେଖିବାକୁ ମିଳିଛି । ଖବର ପାଇଁ ପୋଲିସ ଘଟଣା ସ୍ଥଳରେ ପହଂଚିବା ପରେ ପୋଲିସ ସହ ଲୋକଙ୍କ ଧସ୍ତାଧସ୍ତି ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ହିଞ୍ଜିଳିକାଟରୁ ଘୋଡାହାଟରୁ ବାହାରିଥିବା ଏହି ଶୋଭାଯାତ୍ରା ପରିବା ବଜାର ନିଟକରେ ପହଂଚିବା ପରେ ପୋଲିସ ଘଟଣା ସ୍ଥଳରେ ପହଂଚିଥିଲା । ଶେଷରେ ପୋଲିସ ଡିଜେ ଗାଡି ସହ ନାଚୁଥିବା ଡ୍ୟାନ୍ସର ଅଟକ ରଖିଛି । ପରେ ପୂଜା କମିଟି ସହ ଆଲୋଚନା ପରେ ଅଳ୍ପ ସଂଖ୍ୟକ ଲୋକଙ୍କୁ ନେଇ ମୂର୍ତି ବିସର୍ଜନ କରାଯାଇଛି । ଶୋଭାଯାତ୍ରାକୁ ବାରଣ କରାଯାଇଥିବା ବେଳେ ଏଥିପାଇଁ ଅନୁମତି କିଏ ଦେଲା ତାକୁ ନେଇ ପ୍ରଶ୍ନ ଉଠିଛି । ଯଦି ପୋଲିସ ଅନୁମତି ବିନା ସେମାନେ ଭସାଣୀ କରୁଥିଲେ ପୋଲିସ କିପରି ସୂଚନା ପାଇଲା ନାହିଁ ତାଙ୍କୁ ନେଇ ଏବେ ପ୍ରଶ୍ନ ଉଠିଛି ।