ଖରା ଆରମ୍ଭରୁ ଜଳ କଷ୍ଟର ଅଭାବନୀୟ ଚିତ୍ର : ଗଂଜାମ ଛତ୍ରପୁରରେ ପାଣି ପାଇଁ ଲାଗୁଛି ମହିଳାଙ୍କ ଲମ୍ବା ଧାଡ଼ି; ଲଟେରି ଉଠିଲେ ମିଳୁଛି ପାଣି
ନହେଲେ ଖାଲି ହାତରେ ଘରକୁ ଫେରୁଛନ୍ତି ମହିଳା
କନକ ବ୍ୟୁରୋ : ଖରା ଆରମ୍ଭରୁ ଜଳକଷ୍ଟର ସାଙ୍ଗାତିକ ଚିତ୍ର ସାମ୍ନାକୁ ଆସିଛି । ପାଣି ପାଇଁ ଲୋକେ କିଭଳି ଡହଳ ବିକଳ ହେଉଛନ୍ତି, ନଦେଖିଲେ ବିଶ୍ୱାସ କରିପାରିବେନି । ଗଞ୍ଜାମ ଛତ୍ରପୁରରେ ଘରର ମହିଳାମାନେ ପାଣି ପାଇଁ ଧାଡି ଲଗାଉଛନ୍ତି । ପାଣି ଷ୍ଟାଣ୍ଡପୋଷ୍ଟ ନିକଟରେ ସକାଳୁ ସକାଳୁ ମହିଳାମାନଙ୍କ ଧାଡି ଲାଗି ଯାଉଛି ।
Kanak News is now on WhatsApp
Join and get latest news updates delivered to you via WhatsApp
ହେଲେ ବିଡମ୍ବନାର କଥାହେଲା, ଦିନକୁ ମାତ୍ର ଥରୁଟିଏ ଷ୍ଟାଣ୍ଡପୋଷ୍ଟରେ ପାଣି ଆସୁଥିବାରୁ ଏଠାରେ ମହିଳାଙ୍କ ଭିତରେ ପାଣିପାଇଁ ଗଣ୍ଡଗୋଳ ଲାଗୁଥିଲା । ଏହାକୁ ଦେଖି ଲଟେରି କରି ସିରିଏଲ ନମ୍ବର ଅନୁସାରେ ପାଣି ଦିଆଯାଉଛି । ଅର୍ଥାତ ଯାହାର ପାଳି ପ୍ରଥମେ ପଡିଲା ସେ ପ୍ରଥମେ ପାଣିନେବ । ଆଉ ଧାଡିରେ ଛିଡା ହୋଇ ପାଳି ପଡିନଥିଲେ ଏବଂ ପାଣି ସରିଗଲେ ନିରାଶ ହୋଇ ଫେରିବାକୁ ପଡୁଛି ।