ଏମିତି ବି ଅଛି ରାସ୍ତା : ପୋଲ ନଥିବାରୁ ନଈ ପାଣି ଭିତରେ ଯିବା ଆସିବା କରୁଛନ୍ତି ଲୋକେ; ଅଂଟାଏ ପାଣି ଦେଇ ଫେରିବାକୁ ପଡ଼େ ଘରକୁ, ପୋଲ ତିଆରି ପାଇଁ ସ୍ଥାନୀୟ ଲୋକଙ୍କ ଦାବି
କନକ ବ୍ୟୁରୋ : ନଈ ପାଲଟିଛି ରାସ୍ତା । ପୋଲ ନଥିବାରୁ ଲୋକେ ଅଂଟାଏ ପାଣିରେ ନଦୀ ଭିତରେ ନଦୀ ପାର ହେଉଛନ୍ତି । ଗଞ୍ଜାମ ଜିଲ୍ଲାରୁ ଆସିଛି ଏଭଳି ଚିତ୍ର । ମଣ୍ଡ ମରେଇ ଗାଁକୁ ଯିବାକୁ ଆସ୍କା ଓ ଧରାକୋଟ ବ୍ଲକର ସାତଖଣ୍ଡ ପଂଚାୟତର ପଚାଶରୁ ଅଧିକ ଗାଁ ଲୋକଙ୍କୁ ଋଷିକୁଲ୍ୟା ନଦୀ ପାର ହେବାକୁ ପଡ଼ୁଛି । ମଣ୍ଡ ମରେଇରେ କଲେଜ ହସ୍ପିଟାଲ ଏବଂ ବ୍ୟାଙ୍କ ଥିବାରୁ ଯାତାୟତ ଏବେ ବି ସମସ୍ୟା ରହିଛି । ଏଠାକାର ଲୋକେ ଯିବାଆସିବା ପାଇଁ ଋଷିକୂଲ୍ୟା ନଦୀ ଉପରେ ନିର୍ଭର କରିଥାନ୍ତି । ପାଠ ପଢିବା, ସ୍କୁଲ, କଲେଜ ଯିବା ସହ ଅନ୍ୟାନ୍ୟ କାମରେ ଲୋକେ ଅସୁବିଧାର ସମ୍ମୁଖୀନ ହେଉଛନ୍ତି । ପୋଲଟିଏ ପାଇଁ ଦାବି କରିଥିଲେ ବି କେହି ଶୁଣୁନଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp