କରୋନା କଟକଣା ଭିତରେ ଆରମ୍ଭ ହେଲା ଗଂଜାମର ଦଣ୍ଡଯାତ୍ରା । ସାଂସ୍କୃତିକ କାର୍ଯ୍ୟକ୍ରମ ହେବ ନାହିଁ । ୨ ଶହ ଲୋକଙ୍କୁ ନେଇ ଅନୁଷ୍ଠିତ ହେବ ପାରମ୍ପରିକ ଦଣ୍ଡନାଚ ।
କନକ ବ୍ୟୁରୋ: ବହୁ ପୁରୁଣା ପାରାମ୍ପରା ଗଞ୍ଜାମ ଜିଲ୍ଲାର ଦଣ୍ଡନାଚ । ଗତବର୍ଷ କୋରନା କଟକଣା ଯୋଗୁଁ ବନ୍ଦ ରଖିବା ଦଣ୍ଡନାଚ ଏ ବର୍ଷ ଆରମ୍ଭ ହୋଇଛି । ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ କରୋନା କଟକଣା ଭିତରେ ୨୧ ଦିନ ଧରି ଦଣ୍ଡ ନାଚ ଚାଲିବ । ଦଣ୍ଡନାଚରେ କରାଯାଉଥିବା ସାଂସ୍କୃତିକ କାର୍ଯ୍ୟକ୍ରମକୁ ବନ୍ଦ କରାଯାଇଛି । କମ୍ ସଂଖ୍ୟକ ଲୋକଙ୍କୁ ନେଇ ଦିନ ୩ଟା ପରେ ଦଣ୍ଡନାଚ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ଏହାସହ ଦଣ୍ଡୁଆଙ୍କ ପାଇଁ କରାଯାଇଥିବା ଭୋଗ କେବଳ ଦଣ୍ଡୁଆମାନେ ଖାଇବେ ବୋଲି ଜିଲ୍ଲା ପ୍ରଶାସନର କଡା ତାଗିଦ୍ ରହିଛି । ମାନସିକଧାରୀ ଦଣ୍ଡ କରିବାକୁ ହେଲେ ସ୍ଥାନୀୟ ତହସିଲଦାରଙ୍କ ଠାରୁ ଅନୁମତି ନେବେ । ଦଣ୍ଡନାଚ ବେଳେ ସର୍ବାଧିକ ୨୦୦ ଲୋକଙ୍କୁ ଏକାଠି ହେବାକୁ ଅନୁମତି ଦିଆଯାଇଛି ।
ଗଂଜାମର ଦଣ୍ଡନାଚ ଓ ଦୋଳଯାତ୍ରା ପାଇଁ ରାଜ୍ୟ ବାହାରୁ ପ୍ରବାସୀ ଓଡିଆ ଜିଲ୍ଲାକୁ ଫେରିବାର ଆଶଙ୍କା ରହିଛି । ଗତବର୍ଷ ସୁରତରୁ ପ୍ରବାସୀ ଫେରିବା ପରେ ଜିଲ୍ଲାରେ ସ୍ଥିତି ବିଗିଡି ଯାଇଥିଲା । ଏବେ ଯେମିତି ସେହି ଘଟଣାର ପୁନରାବୃତି ନହୁଏ ସେଥିପ୍ରତି ନଜର ରଖିଛି ଜିଲ୍ଲା ପ୍ରସାଶନ । ଯାତ୍ରା ପାଇଁ ଘରରୁ ଫେରିବାକୁ ଚାହୁଁଥିବା ପ୍ରବାସୀଙ୍କୁ ନଆସିବା ପାଇଁ ପରାମର୍ଶ ଦେଇଛନ୍ତି ଜିଲ୍ଲାପାଳ । ଦ୍ୱ୍୍ୱନ୍ଦ୍ୱ ଭିତରେ ଗଂଜାମ ଦଣ୍ଡନାଚ ଆରମ୍ଭ ହୋଇଥିବା ବେଳେ ମାନସିକଧାରୀ ମାନେ ଏହାକୁ ସ୍ୱାଗତ କରିଛନ୍ତି । କିନ୍ତୁ ପ୍ରବାସୀଙ୍କ ଫେରିବା ନେଇ ଏବେ ବି ଅନିଶ୍ଚିତତା ଲାଗିରାହିଛି ।