କନକ ବ୍ୟୁରୋ : ରାସ୍ତା ଉପରେ ଚାଲୁଥିବା ନାଳର ପ୍ରଖର ସୁଅରେ ବାଇକ ସହ ଭାସିଗଲେ ଦମ୍ପତି । ଗୁରୁତର ଅବସ୍ଥାରେ ସ୍ୱାମୀ ଉଦ୍ଧାର ହୋଇଥିବା ବେଳେ ଆଜି ସ୍ତ୍ରୀର ମୃତଦେହ ଉଦ୍ଧାର ହୋଇଛି । ଗଞ୍ଜାମ-କନ୍ଧମାଳ ସୀମାନ୍ତ ଭଞ୍ଜନଗର ବ୍ଲକ ନାରିଗୋଚ୍ଛା ଗାଁ ନିକଟରେ ଘଟିଛି ଏହି ଅଘଟଣ । ଗତକାଲି ସନ୍ଧ୍ୟାରେ ଲଘୁଚାପ ଜନିତ ବର୍ଷା ହେଉଥିବା ବେଳେ ଚିଙ୍ଗୁଡିଝୋଳା ଗାଁର ରଞ୍ଜିତ ନାୟକ, ପତ୍ନୀ ସହ ବାଇକରେ ଗାଲେରୀ ଆସୁଥିଲେ ।
Kanak News is now on WhatsApp
Join and get latest news updates delivered to you via WhatsApp
ନାରିଗୋଚ୍ଛା ଗାଁ ନିକଟରେ ଏକ କଲଭର୍ଟ ପାରି ହେବା ବେଳେ ହଠାତ୍ ଦୁଇରୁ ତିନି ଫୁଟ ଉଚ୍ଚର ନାଳ ପାଣି ମାଡି ଆସିଥିଲା । ଆଉ ପାଣିର ପ୍ରଖର ସ୍ରୋତରେ ବାଇକ ସହ ଦମ୍ପତି ଭାସି ଯାଇଥିଲେ । ତେବେ ରଞ୍ଜିତ ଏକ ଗଛର ଡାଳକୁ ଧରି ଜୀବନ ବଞ୍ଚାଇଥିବା ବେଳେ ନାଳ ପାଣିରେ ଭାସି ଯାଇଥିଲେ । ଖବର ପାଇ ଅଗ୍ନିଶମ ବାହିନୀ ଓ ଗାଲେରୀ ପାଣ୍ଡି ପୁଲିସ ପହଞ୍ଚି ରଞ୍ଜିତଙ୍କୁ ଉଦ୍ଧାର କରିଥିଲେ । ଆଉ ନିଖୋଜ ପତ୍ନୀଙ୍କୁ ଉଦ୍ଧାର ଉଦ୍ୟମ କରିଥିଲେ । ଆଜି ନାଳରୁ ରଂଜିତଙ୍କ ପତ୍ନୀଙ୍କ ମୃତଦେହ ଉଦ୍ଧାର କରାଯାଇଛି ।