କୋଭିଡ୍ ହସ୍ପିଟାଲ ବୁଲିଲେ ଗଞ୍ଜାମ ଜିଲ୍ଲାପାଳ । ପ୍ରଥମ ଥର ପାଇଁ କୋଭିଡ୍ ହସ୍ପିଟାଲ ବୁଲି ସ୍ଥିତି ଅନୁଧ୍ୟାନ କଲେ ବିଜୟ ଅମୃତ କୁଲାଙ୍ଗେ ।

159

କନକ ବ୍ୟୁରୋ: ଜିଲ୍ଲାପାଳ ବୁଲିଲେ କୋଭିଡ ହସ୍ପିଟାଲ । ପ୍ରଥମ ଥର ପାଇଁ କୋଭିଡ ହସ୍ପିଟାଲ ବୁଲି ସ୍ଥିତି ଅନୁଧ୍ୟାନ କରିଛନ୍ତି ଗଂଜାମ ଜିଲ୍ଲାପାଳ । ପିପିଇ କିଟ୍ ପିନ୍ଧି ଏମକେସିଜି କୋଭିଡ୍ ହସ୍ପିଟାଲରେ ରୋଗୀଙ୍କ ସ୍ୱାସ୍ଥ୍ୟବସ୍ଥା ପଚାରି ବୁଝିଛନ୍ତି ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ । ଏନେଇ ଟ୍ୱିଟ୍ କରି ସୂଚନା ଦେଇଛି ଗଂଜାମ ଜିଲ୍ଲା ପ୍ରଶାସନ ।

କୋଭିଡ୍ ହସ୍ପିଟାଲରେ ଗଞ୍ଜାମ ଜିଲ୍ଲାପାଳ ରୋଗୀଙ୍କୁ ଭେଟିଛନ୍ତି ଏବଂ ରୋଗୀ ସେବା ସଂପର୍କରେ ପଚାରି ବୁଝିଛନ୍ତି । ତେବେ ଏମକେସିଜିରେ କରୋନା ରୋଗୀଙ୍କୁ ଉତ୍ତମ ଚିକିତ୍ସା ମିଳୁଥିବା ବେଳେ ଉତ୍ତମ ଖାଦ୍ୟ ଦିଆଯାଉଛି । ତା ସହିତ ଅମ୍ଳଜାନର ଅଭାବ ନଥିବା ମଧ୍ୟ ଜିଲ୍ଲାପାଳ କହିଛନ୍ତି । ରାଜ୍ୟରେ ଏବେ ଦୈନିକ ସଂକ୍ରମଣ ୬ ହଜାର ଉପରେ ରହିଛି । ସେ ଭିତରୁ ଆଜି ଗଞ୍ଜାମରୁ ଗତ ୨୪ ଘଂଟା ଭିତରେ ଚିହ୍ନଟ ହୋଇଛନ୍ତି ୧୬୧ କୋଭିଡ୍ ପଜିଟିଭ୍ ।