ପଇଡ ବୋଝେଇ ଟ୍ରକରୁ ବିପୁଳ ଗଞ୍ଜେଇ ଜବତ : ଉତ୍ତରପ୍ରଦେଶକୁ ହେଉଥିଲା ଚୋରା ଚାଲାଣ
କନକ ବ୍ୟୁରୋ : ଅଭିନବ ଉପାୟରେ ପଇଡ ବୋଝେଇ ଟ୍ରକରେ ଗଞ୍ଜେଇ ଚୋରା ଚାଲାଣ । କୋରାପୁଟ ଜିଲ୍ଲା ପଡୁଆ ଅଂଚଳରୁ ଉତରପ୍ରଦେଶ ଚାଲାଣ ବେଳେ ନନ୍ଦପୁର ପୋଲିସ ହାତରେ ଧରା ପଡିଛି ବିପୁଳ ଗଞ୍ଜେଇ । ବିଶେଷ ସୂତ୍ରରୁ ଖବର ପାଇ କୋରାପୁଟ ଏସପିଙ୍କ ନିର୍ଦ୍ଦେଶକ୍ରମେ ନନ୍ଦପୁର ଥାନା ପୋଲିସ ନାକାବନ୍ଦୀ କରି ଗାଡି ଯାଂଚ କରୁଥିଲେ । ଏହି ସମୟରେ ହିକିମପୁଟ ଅଂଚଳରରୁ ଦ୍ରୁତ ଗତିରେ ଆସୁଥିବା ଟ୍ରକକୁ ଅଟକାଇଥିଲା ପୋଲିସ । କିନ୍ତୁ ଟ୍ରକରେ ପଇଡ ବୋଝେଇ ଥିବାରୁ ପୋଲିସ ଦେଖି ପ୍ରଥମେ ଗାଡିକୁ ଛାଡିଦେଉଥିଲା । କିନ୍ତୁ ଗାଡି ନମ୍ବର ମେଳ ଖାଉ ନ ଥିବାରୁ ଟ୍ରକରେ ଥିବା ୩ ଜଣଙ୍କୁ କାବୁ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ପଇଡ ଗୁଡିକୁ ବାହାର କରି ଟ୍ରକକୁ ଯାଂଚ କରିବା ବେଳେ ବିପୁଳ ପରିମାଣର ଗଞ୍ଜେଇ ଥିବା ଜଣାପଡିଥିଲା । ଗଞ୍ଜେଇ ଚାଲାଣ ବେଳେ ବ୍ୟବହୃତ ହୋଇଥିବା ଟ୍ରକକୁ ଜବତ କରିଛି ପୋଲିସ । ଏଥିରେ ୨୨ଟି ବସ୍ତାରେ ପ୍ରାୟ ୪କୁଇଂଟାଲ ୫୬ କେଜି ଗଞ୍ଜେଇ ଥିଲା । ଏହାର ଆନୁମାନିକ ମୂଲ୍ୟ ପ୍ରାୟ ୪୫ ଲକ୍ଷ ଟଙ୍କା ହେବ ବୋଲି ପୋଲିସ ସୂଚନା ଦେଇଛି । ଗିରଫ ଗଞ୍ଜେଇ ମାଫିଆମାନେ ହେଲେ ଉତର ପ୍ରଦେଶର ବିପେନ୍ଦ୍ର ସିଂ, ନିତୀଶ ସିଂ ଏବଂ ବିହାରର ରାଜୁ କୁମାର । ଗଞ୍ଜେଇ ମାଫିଆମାନେ ଏହି ଅଂଚଳରୁ ଅନେକ ଥର ଗଞ୍ଜେଇ ନେଇଥିବା ପୋଲିସ ଆଗରେ ସ୍ୱୀକାର କରିଥିବା ବେଳେ ଏଥିରେ ଅନ୍ୟ କେଉଁମାନେ ସମ୍ପୃକ୍ତ ଅଛନ୍ତି ପୋଲିସକୁ ସୂଚନା ମିଳିଛି ।