କୋରାପୁଟ ମାଛକୁଣ୍ଡ ପୁଲିସକୁ ବଡ଼ ସଫଳତା : ପଇଡ଼ ଗାଡ଼ିରେ ଗଂଜେଇ ଚୋରାଚାଲାଣ ଧରିଲା ପୋଲିସ

 ୭୦ ଲକ୍ଷ ଟଙ୍କାର ଗଂଜେଇ ସହ ଗାଡ଼ି ଜବତ, ୨ ଗିରଫ 

127

କନକ ବ୍ୟୁରୋ : ଅଭିନବ ଢଙ୍ଗରେ ଗଂଜେଇ ଚୋରାଚାଲାଣ  । ପଇଡ ବୋଝେଇ ଟ୍ରକରେ ଚାଲାଣ ହେଉଥିଲା ଗଂଜେଇ  । ରାତିରେ ପାଟ୍ରୋଲିଂ ବେଳେ ଜବତ କଲା କୋରାପୁଟ ଜିଲ୍ଲା ମାଛକୁଣ୍ଡ ପୋଲିସ  । ଏକ ୧୦ ଚକିଆ ପଇଡ ବୋଝେଇ ଟ୍ରକରେ ଗଂଜେଇ ଚାଲାଣ ହେଉଥିଲା  । କୋରାପୁଟ କଂଚନା ଅଂଚଳରୁ ଦ୍ରୁତ ଗତିରେ ଆସୁଥିବା ଏହି ଟ୍ରକକୁ ପୋଲିସ ଅଟକାଇ ଯାଂଚ କରିଥଲା  । ଜବତ ଗାଡିର ୨୮ଟି ବ୍ୟାଗରୁ ୭୦ କେଜି ୪୦୦ ଗ୍ରାମର ଗଂଜେଇ ଜବତ ହୋଇଛି  । ଯାହାର ଆନୁମାନିକ ମୂଲ୍ୟ ୭୦ ଲକ୍ଷରୁ ଅଧିକ ଟଙ୍କା ହେବ  । ଏହା ସହ ଦୁଇ ଜଣଙ୍କୁ ଗିରଫ କରିଛି ମାଛକୁଣ୍ଡ ପୋଲିସ  । ଗିରଫ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି  ।