କନକ ବ୍ୟୁରୋ : ଗ୍ୟାଙ୍ଗଷ୍ଟର ଦେଖୁଥିଲା ଗ୍ୟାଙ୍ଗଷ୍ଟର ଏନକାଉଂଟର ଖବର । ଟିଭିରେ ଆସୁଥିଲା ଜଣେ ଗ୍ୟାଙ୍ଗଷ୍ଟର ଏନକାଉଂଟରର ଖବର, ଆଉ ସେହି ଖବରକୁ ଜେଲରେ ବସି ଦେଖୁଥିଲା ଆଉ ଜଣେ ଗ୍ୟାଙ୍ଗଷ୍ଟର। ହାଇଦର ଏନକାଉଂଟରର ଖବରକୁ ଦେଖୁଥିଲା ଗ୍ୟାଙ୍ଗଷ୍ଟର ଟିଟୋ । ଏବେ ବ୍ରହମପୁର ଜେଲରେ ଅଛି ଟିଟୋ । ହାଇଦର ଏନକାଉଂଟର ଦିନ ଜେଲ କୋଠରୀରେ ବସି ଟିଭିରେ ହାଇଦର ଏନକାଉଂଟର ଖବର ଉପରେ ନଜର ରଖିଥିଲା ଟିଟୋ । ହାଇଦରକୁ ନେଇ କ’ଣ ନୂଆ ଖବର ଆସୁଛି ତାକୁ ଭାରି ଆଗ୍ରହର ସହ ଦେଖୁଥିଲା ଗ୍ୟାଙ୍ଗଷ୍ଟର ଟିଟୋ ।
Kanak News is now on WhatsApp
Join and get latest news updates delivered to you via WhatsApp
ହାଇଦର ଏକକାଉଂଟର ଘଟଣା ପରେ ଟିଟୋ ସେଦିନ କମନ ହଲରେ ଲାଗିଥିବା ଟିଭିରେ ପୁରା ନ୍ୟୁଜ୍ ଦେଖଇଥିଲା । ଏନକାଉଂଟର ଘଟଣା ପ୍ରସାରିତ ହେବା ପରେ ପରବର୍ତ୍ତୀ ଘଟଣାକ୍ରମ ଉପରେ ଲଗାତର ନଜର ରଖିଥିଲା ଟିଟୋ । ହାଇଦର ଓ ଟିଟୋ ଗୋଟିଏ ସମୟରେ ଏକାଠି କାମ କରୁଥିଲେ । ୧୯୮୦-୮୧ରେ କେନ୍ଦ୍ରାପଡ଼ା ଜିଲ୍ଲାରେ ହାଇଦର ଓ ଟିଟେ।। ଅପରାଧ ସାମ୍ରାଜ୍ୟ ମୁଣ୍ଡ ଟେକିଥିଲା । ଉଭୟ ନିଜ ନିଜର ଗ୍ୟାଙ୍ଗ ଗଠନ କରି ନାନା ଅପରାଧ ଘଟାଇ ଚାଲିଥିଲେ । ପରେ ଏମାନେ ପାଲଟିଯାଇଥିଲେ ଗ୍ୟାଙ୍ଗଷ୍ଟର ।
ଅଂଚଳ ଭାଗବଂଟାକୁ ନେଇ ଉଭୟ ମୁହାଁମୁହିଁ ହୋଇଥିଲେ । କିନ୍ତୁ ପରେ ଉଭୟ ଗ୍ୟାଙ୍ଗ ମଧ୍ୟରେ ବୁଝାମଣା ହୋଇଥିଲା । ହାଇଦରର ଏନକାଉଂଟର ପରେ ଟିଟୋ ଏବେ ଭୟଭୀତ ଅବସ୍ଥାରେ ଥିବା ସୂଚନା ମିଳିଛି । ଏମିତିକି ତାର ବ୍ୟବହାରରେ ମଧ୍ୟ ପରିବର୍ତନ ଆସିଥିବା ଲକ୍ଷ୍ୟ କରାଯାଉଥିବାର ସୂଚନା ମିଳିଛି । ଅନ୍ୟ ବନ୍ଦୀମାନଙ୍କ ସହ ବେଶୀ କିଛି କଥାବର୍ତା କରୁ ନାହିଁ ଟିଟୋ । ତାକୁ କଡ଼ା ସୁରକ୍ଷାରେ ରଖାଯାଇଥିବା ବେଳେ ୨୪ ଘଂଟିଆ ସିସିଟିଭି କ୍ୟାମରୋ ନଜରରେ ଟିଟୋକୁ ରଖାଯାଇଛି ।