ଗଣଧର୍ଷଣ ପରେ ୭ ଦିନ ନିଖୋଜ ଥିଲେ ପୀଡିତା ! ଉନ୍ନାଓ ଗଣଧର୍ଷଣର ଲୋମଟାଙ୍କୁରା ସତ ।
ଉନ୍ନାଓ ଗଣଧର୍ଷଣ କେସରେ ଆରୋପୀ ବିଜେପି ବିଧାୟକ କୁଲଦୀପ ସେଙ୍ଗରଙ୍କ ବିପକ୍ଷରେ କେସ ହେବା ପରେ ୟୁପି ସରକାର ମୁଣ୍ଡରେ ଏବେ ଚେତା ପସିଛି । ଏହି କେସ ସିବିଆଇକୁ ହସ୍ତାନ୍ତର କରିବାକୁ ସବୁ ବ୍ୟବସ୍ଥା କରାଯାଉଛି । ଏହା ପୂର୍ବରୁ ହୋଇଥିବା ଏସଆଇଟି ଜାଞ୍ଚ୍ ଦ୍ୱାରା ପୋଲିସ,ପ୍ରଶାସନ ଏବଂ ଡାତ୍ତରଖାନା ପକ୍ଷରୁ ବହୁତ ବଡ ତ୍ରୁଟି ହୋଇଥିବା କଥା ସାମ୍ମାକୁ ଆସିଛି । ଆସନ୍ତୁ ଏହି ଘଟଣା ଉପରେ ନଜର ପକାଇବା ।
Kanak News is now on WhatsApp
Join and get latest news updates delivered to you via WhatsApp
ପୀଡିତାଙ୍କ ବୟାନ ଅନୁସାରେ,୪ ଜୁନ୍ ୨୦୧୭ ତାରିଖରେ ବିଜେପି ବିଧାୟକ କୁଲଦୀପ ସେଙ୍ଗର ଏବଂ ତାଙ୍କ ଲୋକମାନେ ପୀଡିତାଙ୍କୁ ଗଣଧର୍ଷଣ କଲେ । ୧୧ ଜୁନରେ ପୀଡିତା ଘରୁ କୁଆଡେ ନିଖୋଜ ହୋଇଯାଇଥିଲେ । ୧୨ ଜୁନରେ ପୀଡିତାଙ୍କ ମା’ ଝିଅ ନିଖୋଜ ହେବା ଘଟଣାରେ ଥାନାରେ ଏଫଆଇଆର ଦେଲେ । ପୋଲିସର ସନ୍ଧାନ ପରେ ଓରେୟାଠାରୁ ପୀଡିତାଙ୍କୁ ଜବତ କରାଗଲା । ଏହାପରେ ୧୬୪ ଧାରାନୁସାରେ ଅଦାଲତରେ ତାଙ୍କର ବୟାନ ନିଆଗଲା । ୧ ଅଗଷ୍ଟରେ ଉନ୍ନାବ ପୋଲିସ କୋର୍ଟରେ ଚାର୍ଜସିଟ ଦାଖଲ କରିବା ପରେ ଦୁଇଜଣ ଆରୋପୀଙ୍କୁ ଗିରଫ କରିଥିଲା । ୧୭ ଅଗଷ୍ଟରେ ପୀଡିତା ତହରୀର ଥାନାରେ ନିଜ ଉପରେ ହୋଇଥିବା ଅତ୍ୟାଚାରକୁ ନେଇ ଏତଲା ଦେଇଥିଲେ । କିନ୍ତୁ ଏହି ସମୟରେ ସେ ବିଧାୟକଙ୍କ ନାଁ ନେଇ ନଥିଲେ । ୩ ଏପ୍ରିଲ ୨୦୧୮ରେ ପୀଡିତା ବାପାଙ୍କ ସହ ଦୁର୍ବୁତ୍ତ ମାରପିଟ କରିଥିଲେ । ଜେଲରେ ରକ୍ତବାନ୍ତି କରିବା ଏବଂ ପେଟ ଯନ୍ତ୍ରଣା ହେବାରୁ ତାଙ୍କୁ ଜିଲ୍ଲା ହସପିଟାଲକୁ ସ୍ଥାନାନ୍ତରିତ କରାଗଲା ଏବଂ ସେଠାରେ ତାଙ୍କର ମୃତ୍ୟୁ ହୋଇ ଯାଇଥିଲା । ୧୨ ଏପ୍ରିଲ ଅର୍ଥାତ୍ ଆଜିର ଦିନରେ ଡିସିପି ଲଭ୍ କୁମାର କହିଛନ୍ତି, କୁଲଦୀପ ସେଙ୍ଗରଙ୍କ ବିରୋଧରେ ଲଗାଯାଇଥିବା ଦୋଷ ଏପଯ୍ୟନ୍ତ ସତ ସାବ୍ୟସ୍ତ ହୋଇନାହିଁ । ପୀଡିତା ମା’ଙ୍କ ଅଭିଯୋଗ ଅନୁଯାୟୀ ଆଇପିସି ଧାରା ୩୬୩,୩୬୬,୩୭୬୫୦୬ ଏବଂ ପକ୍ସୋ ଆଇନ୍ ଅନୁସାରେ କେସ୍ ଦିଆଯାଇଛି । ଏହି କେସର ସମାଧାନ ଏବେ ସିବିଆଇ ହାତରେ ନ୍ୟସ୍ତ କରାଗଲା ।