ବିଧବା ପରିବା ବିକାଳିଙ୍କୁ ଟେକି ନେଇ ଗଣଦୁଷ୍କର୍ମ ଅଭିଯୋଗ : ଗିରଫ ହେଲେ ୩ଦୁଷ୍କର୍ମକାରୀ, ଅଭିଯୁକ୍ତଙ୍କ ଭିତରେ ଜଣେ ନାବାଳକ
କନକ ବ୍ୟୁରୋ : ବଡବିଲରେ ଜଣେ ବିଧବା ପରିବା ବିକାଳୀଙ୍କୁ ଟେକିନେଇ ୩ଜଣ ଦୁର୍ବୃତ ଗଣଦୁଷ୍କର୍ମ କରିଥିବା ଅଭିଯୋଗ ହୋଇଛି । ଗତ ଗୁରୁବାର ଦିନ ପୀଡିତା ଜଣକ ସୁନ୍ଦରଗଡ କୋଇଡା ହାଟରେ ପରିବା ବିକ୍ରି କରି ବଡବିଲ ଫେରିବାବେଳେ ଗୁରୁଦ୍ୱାରା ଛକ ନିକଟରୁ ଏକ ସ୍କର୍ପିଓ ଗାଡିରେ ଆସି ୩ ଜଣ ଦୁର୍ବୃତ ମହିଳାଙ୍କୁ ଜୋରଜବରଦସ୍ତ ଉଠାଇ ନେଇଥିଲେ । ଗୁରୁବାର ଓ ଶୁକ୍ରବାର ଦୁଇଦିନ ଧରି ପୀଡିତାଙ୍କୁ ଏକ କାଜୁ ଜଙ୍ଗଲରେ ବାରମ୍ବାର ଦୁଷ୍କର୍ମ କରିଥିଲେ ଏହି ୩ ଦୁର୍ବୃତ ।
Kanak News is now on WhatsApp
Join and get latest news updates delivered to you via WhatsApp
ତେବେ କୌଶଳକ୍ରମେ ପୀଡିତା ଜଣକ ଶୁକ୍ରବାର ବିଳମ୍ବିତ ରାତିରେ ସେଠାରୁ ଖସିଆସିବା ପରେ ଶନିବାର ଏନେଇ ଥାନାରେ ଅଭିଯୋଗ କରିଥିଲେ । ଅଭିଯୋଗ ଆଧାରରେ ମହିଳାଙ୍କ ଡାକ୍ତରୀ ମାଇନା କରିବା ସହ ପୋଲିସ ତଦନ୍ତ ଆରମ୍ଭ କରିଥିଲା । ଜଣେ ନାବାଳକଙ୍କ ସହ ୩ ଜଣଙ୍କୁ ପୋଲିସ ଗିରଫ କରିବାରେ ସମର୍ଥ ହୋଇଛି । ପୋଲିସ ଆଗରେ ପ୍ରକାଶ କଲେ ଜୀବନରୁ ମାରିଦେବାକୁ ଧମକ ଦେଇଥିଲେ ଦୁଷ୍କର୍ମକାରୀ ।
ତଥାପି ସାସହ କରି ପୋଲିସରେ ଅଭିଯୋଗ କରିଥିଲେ ପୀଡିତା ଜଣକ । ଦୁଷ୍କର୍ମ ପରେ ୧୩ ହଜାର ଟଙ୍କା ମଧ୍ୟ ଛଡାଇ ନେଇଥିବା ମଧ୍ୟ ପାଡିତା ତାଙ୍କ ଅଭିଯୋଗ ଫର୍ଦ୍ଦରେ ଦର୍ଶାଇଛନ୍ତି । ପୋଲିସ ଏବେ ସମସ୍ତ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି । ତାଙ୍କ ଉପରେ ହୋଇଥିବା ଅମାନୁଷିକ ଅତ୍ୟାଚାର ବାବଦରେ ଅନ୍ୟଜଣେ ମହିଳାଙ୍କ ସହ ପୀଡିତା କଥାହେବାର ଫୋନେ ରେକର୍ଡ ଆମର ହସ୍ତଗତ ହୋଇଛି ।