ଫ୍ୟାଟରୁ ଫିଟ୍ ହେଲେ ଗଣେଶ ଆଚାର୍ଯ୍ୟ ! ଦେଢ ବର୍ଷରେ କମାଇଲେ ୮୫କିଲୋ ଓଜନ
ପ୍ରଥମେ ଅଦନାନ୍ ସାମୀ ଆଉ ଏବେ ଗଣେଶ ଆଚାର୍ଯ୍ୟ । ବଲିଉଡର ଏହି ଲୋକପ୍ରିୟ କୋରିଓଗ୍ରାଫର୍ ଏବେ ହୋଇ ଯାଇଛନ୍ତି ଫ୍ୟାଟରୁ ଫିଟ୍ । ଆଉ ଯେବେଠାରୁ ସେ ନିଜ ଓଜନ କମାଇ ଦେଇଛନ୍ତି ସେବେଠାରୁ ଚର୍ଚ୍ଚାରେ ଅଛନ୍ତି । ହେଲେ ତା ଠାରୁ ଏବେ ଅଧିକ ଚର୍ଚ୍ଚାରେ ତାଙ୍କର ଏକ ବୟାନ୍ । ନିଜ ଫିଟ୍ ଲୁକକୁ ନେଇ ଗଣେଶ କହିଛନ୍ତି ଏହା ପଛରେ ଅଛି ଜଣେ ସୁନ୍ଦରୀଙ୍କ ହାତ ।
Kanak News is now on WhatsApp
Join and get latest news updates delivered to you via WhatsApp
କିଛି ଦିନ ତଳେ ନ୍ୟାସନାଲ୍ ଆୱାଡ୍ ବିଜେତା ଗଣେଶ ନିଜର ଏକ ଲ୍ୟାଟେଷ୍ଟ୍ ଫଟୋ ସୋସିଆଲ୍ ମିଡିଆରେ ସେୟାର୍ କରିଥିଲେ । ପରେ ମିଡିଆକୁ କହିଛନ୍ତି ଦେଢ ବର୍ଷରେ ସେ ନିଜର ୮୫କିଲୋ ଓଜନ କମାଇଛନ୍ତି । ଗଣେଶ ଆଗକୁ କହିଛନ୍ତି ଯେତେବେଳେ ସେ ୨୦୦କିଲୋ ହୋଇଗଲେ ସେତେବେଳେ ନିଷ୍ପତି ନେଲେ କୌଣସି ବି ଅବସ୍ଥାରେ ନିଜ ଓଜନ କମାଇ କି ହିଁ ରହିବେ । ଆଉ ଶେଷରେ ନିଜ ଲକ୍ଷରେ ସଫଳ ମଧ୍ୟ ହେଲେ । ତେବେ ଏହା ଭିତରେ କିଏ ସେହି ଯୁବତୀ ଯାହାଙ୍କ ପାଇଁ ଏତେ ବଡ ପଦକ୍ଷେପ ନେଇଛନ୍ତି ସେ ବିଷୟରେ କହି ନାହାଁନ୍ତି ।