ଗମ୍ଭୀରଙ୍କୁ ପୁଣି ମିଳିଲା ହତ୍ୟା ଧମକ । ପୋଲିସରେ ଆମ ଗୁପ୍ତଚର ଅଛନ୍ତି, ଆଇପିଏସ ଶ୍ୱେତା ବି କିଛି କରିପାରିବେନି ।
କନକ ବ୍ୟୁରୋ : ବିଜେପି ସାଂସଦ ତଥା ପୂର୍ବତନ ଭାରତୀୟ କ୍ରିକେଟର ଗୌତମ ଗମ୍ଭୀରଙ୍କୁ ହତ୍ୟା ଧମକ । ଗୋଟିଏ ସପ୍ତାହରେ ଗମ୍ଭୀରଙ୍କ ନିକଟକୁ ଏଭଳି ୩ଥର ଧମକ ଆସିଲାଣି । ଆଇଏସଆଇଏସ କାଶ୍ମୀର ନାଁରେ ଗୌତମ ଗମ୍ଭୀରଙ୍କ ନିକଟକୁ ଏଭଳି ଏକ ଧମକପୂର୍ଣ୍ଣ ମେଲ ଆସିଛି । ଯେଉଁଥିରେ କୁହାଯାଇଛି ଯେ, ତୁମ ସୁରକ୍ଷାରେ ଥିବା ପୋଲିସ ବି କିଛି କରିପାରିବେ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ସୋସିଆଲ ମିଡ଼ିଆରେ ଗୌତମ ଗମ୍ଭୀର ଏହି ଟ୍ୱିଟ୍ ସେୟାର କରିଥିବା ବେଳେ ଏଥିରେ ଲେଖାଯାଇଛି ଯେ, ତୁମ ଦିଲ୍ଲୀ ପୋଲିସ ଓ ଆଇପିଏସ ଶ୍ୱେତା ବି କିଛି କରିପାରିବେନି । କାରଣ ଦିଲ୍ଲୀ ପୋଲିସରେ ଆମର ବି ଗୁପ୍ତଚର ଅଛନ୍ତି । ତୁମ ବାବଦରେ ଆମ ପାଖରେ ସବୁ ତଥ୍ୟ ରହିଛି । ଏହି ଇମେଲରେ ଆଇପିଏସ ଅଫିସର ଶ୍ୱେତାଙ୍କ କଥା ଉଲ୍ଲେଖ ଅଛି । ଯିଏ ଏବେ ଦିଲ୍ଲୀର ସେଣ୍ଟ୍ରାଲ ଅଞ୍ଚଳର ଡିସିପି ରହିଛନ୍ତି ।
ଗୌତମ ଗମ୍ଭୀରଙ୍କ ନିକଟକୁ ପ୍ରଥମଥର ପାଇଁ ଏଭଳି ଧମକପୂର୍ଣ୍ଣ ମେଲ ଆସିନାହିଁ । ବରଂ ଗୋଟିଏ ସପ୍ତାହ ମଧ୍ୟରେ ୩ ଥର ଏଭଳି ଧମକପୂର୍ଣ୍ଣ ଇମେଲ ଆସିଲାଣି । ଆଉ ପ୍ରତିଥର ଆଇଏସଆଇଏସ କାଶ୍ମୀର ନାଁରେ ଏଭଳି ମେଲ ଆସୁଛି । ଯାହା ଦିଲ୍ଲୀ ପୋଲିସର ଚିନ୍ତା ବଢାଇଛି । ଖାସକରି ଯେତେବେଳେ ଦିଲ୍ଲୀ ପୋଲିସରେ ମଧ୍ୟ ଗୁପ୍ତଚର ଥିବା କଥା ଆଇଏସଆଇଏସ କାଶ୍ମୀର ଉଲ୍ଲେଖ କରିଛି ସେତେବେଳେ ଏହି ଧମକକୁ ଆହୁରି ଗୁରୁତର ସହ ନେଇଛି ଦିଲ୍ଲୀ ପୋଲିସ ।
BJP MP Gautam Gambhir has allegedly received a third threat e-mail from ‘ISIS Kashmir’, Delhi Police also mentioned in the mail: Delhi Police
— ANI (@ANI) November 28, 2021
ଏହାପୂର୍ବରୁ ଗତ ମଙ୍ଗଳବାର ଓ ବୁଧବାର ଦିନ ଗୌତମ ଗମ୍ଭୀରଙ୍କୁ ଜୀବନରୁ ମାରିବାକୁ ଧମକପୂର୍ଣ୍ଣ ମେଲ୍ ଆସିଥିଲା । ମଙ୍ଗଳବାର ଏହି ମେଲ ଆସିବା ପରେ ଏବାବଦରେ ପୋଲିସରେ ଅଭିଯୋଗ କରିଥିଲେ । ଆଉ ଅଭିଯୋଗ ମିଳିବା ମାତ୍ରେ ପୋଲିସ ମଧ୍ୟ ଏହି ମେଲ କେଉଁଠି ଆସିଛି ଓ କିଏ ପଠାଇଛି ତାହାର ଯାଞ୍ଚ କରିଥିଲା । ସେହିଭଳି ବୁଧବାର ଦିନ ମଧ୍ୟ ଗମ୍ଭୀରଙ୍କ ନିକଟକୁ ଉକ୍ତ ଆଇଏସଆଇଏସ କାଶ୍କୀର ନାଁରେ ଆଉ ଏକ ଧମକପୂର୍ଣ୍ଣ ମେଲ ଆସିଥିଲା । ଯେଉଁଥିରେ ସିଧାସଳଖ ଧମକ ଦିଆଯାଇଥିଲା ଯେ, ମଙ୍ଗଳବାର ତୁମକୁ ମାରିବାକୁ ଚାହୁଁଥିଲୁ, କିନ୍ତୁ ତୁମେ ବଞ୍ଚିଗଲା । ଏବେ କାଶ୍ମୀର ଠାରୁ ଦୂରେଇ ରୁହ । ଏହି ମେଲରେ ଗମ୍ଭୀରଙ୍କ ଘରର ବାହାର ଭିଡ଼ିଓ ମଧ୍ୟ ରହିଥିଲା । ଆଉ ଏହାପରେ ସଜାଗ ହୋଇ ଉଠିଥିଲା ପୋଲିସ । ଗମ୍ଭୀରଙ୍କ ଘରର ବାହାରେ ସୁରକ୍ଷା ବ୍ୟବସ୍ଥାକୁ ବଢାଇ ଦିଆଯାଇଥିଲା ।
ପୋଲିସ ଯାଞ୍ଚ କରିବା ପରେ ଏହି ମେଲ ପାକିସ୍ତାନରୁ ଆସିଥିବା ଜାଣିବାକୁ ମିଳିଥିଲା । କାରଣ ଯେଉଁ କମ୍ପ୍ୟୁଟରରୁ ଏହି ମେଲ ପଠାଯାଇଥିଲା ତାହାର ଆଇପି ଆଡ୍ରେସ ପାକିସ୍ତାନରେ ଥିବା ଜାଣିବାକୁ ମିଳିଥିଲା । ଗୁଗୁଲ ପକ୍ଷରୁ ଏହି ସୂଚନା ଦିଲ୍ଲୀ ପୋଲିସକୁ ମିଳିଥିଲା । ଏପରିକି ମେଲ ପଠାଇଥିବା ବ୍ୟକ୍ତିଙ୍କ ବାବଦରେ ମଧ୍ୟ ସୂଚନା ହାସଲ କରିଥିଲା ଦିଲ୍ଲୀ ପୋଲିସ । ପାକିସ୍ତାନରେ ବସି ଶାହିଦ ହାମିଦଙ୍କ ଆକାଉଣ୍ଟରୁ ଏହି ମେଲ ଆସିଥିବା ଜାଣିବାକୁ ମିଳିଥିଲା ।