ଗଲୱାନ ଘାଟିରେ ଲଢେଇର ୩ ଦିନ ପରେ ୧୦ ଭାରତୀୟ ଯବାନଙ୍କୁ ଛାଡିଲା ଚୀନ: ରାତି ଅଧିଆ ନଦୀ ଭିତରେ ଆକ୍ରମଣ ପରେ ବନ୍ଧକ ରଖିଥିଲା ଡ୍ରାଗନ ସେନା
୨ ଦେଶର ପ୍ରତିରକ୍ଷା ଅଧିକାରୀ ସ୍ତରୀର ଆଲୋଚନା ପରେ ମୁକୁଳିଲେ ଯବାନ
କନକ ବ୍ୟୁରୋ: ଭାରତ ଓ ଚୀନର କୂଟନୈତିକ ଏବଂ ପ୍ରତିରକ୍ଷା ସ୍ତରୀୟ ୩ଟି ପର୍ଯ୍ୟାୟର କଥାବାର୍ତା ପରେ ଭାରତର ବନ୍ଧକ ଥିବା ୧୦ ସେନା ଜବାନଙ୍କୁ ମୁକ୍ତ କରିଛି ଚୀନ । ଗତ ୧୫ ତାରିଖ ରାତିରେ ଗଲୱନ ଘାଟିର ପାଟ୍ରେଲିଂ ପଏଂଟ ୧୪ରେ ଭାରତୀୟ ସେନା ଉପରେ ଆକ୍ରମଣ ଘଟଣାରେ ଏହି ୧୦ ଜବାନଙ୍କୁ ଚୀନ୍ ସେନା ବନ୍ଧକ ରଖିଥିଲା । ଦୀର୍ଘ ୩ ଦିନର ଆଲୋଚନା ପରେ ଭାରତର ୨ ଜଣ ମେଜର ଜେନେରାଲଙ୍କ ସମେତ ୧୦ ଜଣ ଜବାନଙ୍କୁ ମୁକ୍ତ କରିଛି ଚୀନ । ବନ୍ଧକ ଭାରତୀୟ ଜବାନଙ୍କ ସୁରକ୍ଷାକୁ ନଜରରେ ରଖି ପ୍ରଥମେ ଏହି ଘଟଣାକୁ ସତର୍କତାର ସହ ଗ୍ରହଣ କରାଯାଇଥିବା ନେଇ ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଚୀନ୍ ଭାରତର ୧୦ ଜବାନଙ୍କୁ ମୁକ୍ତ କରିଥିବା ସମ୍ପର୍କିତ ଖବର ଜାତୀୟ ସଂବାଦ ସରବରାହ ସଂସ୍ଥା ପିଟିଆଇ ସୂତ୍ରରୁ ଜାରି ହୋଇଛି । ଏନେଇ ଜାତୀୟ ଗଣମାଧ୍ୟମରେ ଖବର ପ୍ରକାଶିତ ହୋଇଛି । ଗତ ୧୫ ତାରିଖ ରାତିରେ ଗଲୱନ ଘାଟିରେ ଚୀନର ବର୍ବରତା ପରେ ସେନା ପ୍ରଥମେ କୌଣସି ଭାରତୀୟ ସୈନ୍ୟ ନିଖୋଜ ନଥିବା ସ୍ପଷ୍ଟ କରିଥିଲା । ଏହାର ୩ ଦିନ ପରେ ଚୀନ୍ ବନ୍ଧକ ରଖିଥିବା ଭାରତୀୟ ସୈନ୍ୟଙ୍କୁ ମୁକ୍ତ କରିଥିବା ସୂଚନା ଆସିଛି । ଶେଷ ଥର ପାଇଁ ୧୯୬୨ ମସିହା ଯୁଦ୍ଧ ବେଳେ ଦେଖିବାକୁ ମିଳିଥିଲା ଏପରି ଘଟଣା । ସେତେବେଳେ ଚୀନ୍ ଭାରତର ୨୦ ଜଣ ଜବାନଙ୍କୁ ବନ୍ଧକ ବନେଇଥିଲା ।
ଯାହାଙ୍କୁ ପରେ ମୁକ୍ତ କରାଯାଇଥିଲା । ସୀମାନ୍ତ ଗଲୱନ ଘାଟିରେ ଶାନ୍ତି ଓ ସ୍ଥିରତା ବଜାୟ ରଖିବା ଏବଂ ଚୀନ୍ ସେନାର ଭାରତୀୟ ଜବାନଙ୍କ ଉପରେ ଆକ୍ରମଣ ଘଟଣାକୁ ନେଇ ଗତ ୩ ଦିନ ଧରି ଭାରତର ମେଜର ଜେନେରାଲ ଅଭିଜିତ୍ ବାପଟ୍ , କାରୁ ବେସ୍ ହେଡକ୍ୱାର୍ଟରର ଇନଫ୍ରାଂଟରୀ ୩ର କମାଣ୍ଡର ଏବଂ ତାଙ୍କର ଚୀନ ପ୍ରତିପକ୍ଷ୍ଙ୍କ ମଧ୍ୟରେ ଆଲୋଚନା ଜାରି ରହିଛି । ଗତ ମେ ୧୫ ତାରିଖ ରାତିର ହିଂସାକାଣ୍ଡ ଘଟଣାରେ ୪୭ ଚୀନ୍ ସୈନ୍ୟ ମୃତାହତ ହୋଇଥିବା ନେଇ ସୂଚନା ରହିଛି ।