ଫୋନି ପାଇଁ ସହାୟତାର ହାତ ବଢ଼ାଇଲା ଗଜପତି ପୋଲିସ୍ ! ପାରଳାଖେମୁଣ୍ଡିରେ ଏସପିଙ୍କ ନେତୃତ୍ୱରେ ଶୋଭାଯାତ୍ରା କରି ଥାଳ ଧରି ମାଗିଲେ ସାହାଯ୍ୟ ।
ଭୟଙ୍କରୀ ବାତ୍ୟା ଫୋନିରେ ପୁରୀ, ଖୋର୍ଦ୍ଧା ଅଞ୍ଚଳ ବିଶେଷ ଭାବେ କ୍ଷତିଗ୍ରସ୍ତ ହୋଇଛି । ଫୋନି ପ୍ରଭାବରେ ଉପକୂଳ ଓଡିଶାରେ ହୋଇଥିବା କ୍ଷତିଗ୍ରସ୍ତ ଅଞ୍ଚଳକୁ ସହାୟତାର ହାତ ବଢାଇଛନ୍ତି ବିଭିନ୍ନ ଅନୁଷ୍ଠାନ ଓ ବ୍ୟକ୍ତିବିଶେଷ । ଏମିତିକି ବଲିଉଡ୍ ତାରକା ମଧ୍ୟ ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠିକୁ ଟଙ୍କା ଡୋନେଟ୍ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ସମୟରେ ଗଜପତି ଜିଲ୍ଲା ପୋଲିସର ପ୍ରଂଶସନୀୟ କାମ ସାମ୍ନାକୁ ଆସିଛି । ବିପନ୍ନଙ୍କ ସହାୟତା ପାଇଁ ସହାୟତାର ହାତ ବଢାଇଛନ୍ତି ପୋଲିସ ପ୍ରଶାସନ । ଏସପି ସାରା ଶର୍ମା ନିଜ ଅଫିସିଆଲ ଟିମର ସହଯୋଗରେ ସହରରେ ଏକ ଶୋଭାଯାତ୍ରା କରିଛନ୍ତି । ପୋଲିସ ଥାଳ ଧରି ସହର ପରିକ୍ରମା କରି ସହାୟତା ପାଇଁ ନିବେଦନ କରିଛନ୍ତି । ଏହା ସହ ଏସପି ନିଜେ ୧୦ ହଜାର ଟଙ୍କା ଓ ୪ ଦିନର ଦରମା ଦେବେ ବୋଲି କହିଛନ୍ତି । ପୋଲିସ୍ ବିଭାଗର ଏଭଳି କାମକୁ ସବୁ ମହଲରେ ଖୁବ୍ ପ୍ରଶଂସା କରାଯାଇଛି ।
