ନଭେମ୍ବରରେ କେମିତି ଚାଲିବ ସରକାରୀ କାର୍ଯ୍ୟାଳୟ? ରାଜ୍ୟ ସରକାରଙ୍କ ନିର୍ଦ୍ଦେଶନାମା ଜାରି: ୫୦% କର୍ମଚାରୀରେ ଚାଲିବ ଟ୍ୱିନସିଟିରେ ଥିବା ଅଫିସ; କେଉଁ କର୍ମଚାରୀ ଅଫିସ ଆସିବେ, ନିଷ୍ପତି ନେବେ ବିଭାଗୀୟ ମୁଖ୍ୟ
କନକ ବ୍ୟୁରୋ: ନଭେମ୍ବର ମାସରେ କେମିତି ଚାଲିବ ସରକାରୀ କାର୍ଯ୍ୟାଳୟ, ଏ ନେଇ ନିର୍ଦ୍ଦେଶନାମା ଜାରି କରିଛନ୍ତି ରାଜ୍ୟ ସରକାର । ଭୁବନେଶ୍ୱର ଓ କଟକରେ ଥିବା ଅଫିସଗୁଡିକ ୫୦ ପ୍ରତିଶତ କର୍ମଚାରୀରେ ଚାଲିବ । କେଉଁ କର୍ମଚାରୀ ଅଫିସ ଆସିବେ, ସେ ନିଷ୍ପତି ନେବେ ବିଭାଗୀୟ ମୁଖ୍ୟ । ତେବେ ଅଫିସ କାମ ଯେପରି ପ୍ରଭାବିତ ନହେବ, ଏଥିପ୍ରତି ଦୃଷ୍ଟି ଦେବାକୁ କୁହାଯାଇଛି । ଯେଉଁମାନେ ଅଫିସ ଆସିବେ ନାହିଁ, ଘରୁ ଅଫିସ କାର୍ଯ୍ୟ କରିବେ । ସମସ୍ତେ ଫୋନରେ ଉପଲବ୍ଧ ହେବେ ଏବଂ ଜରୁରୀ ଆବଶ୍ୟକତା ପଡ଼ିଲେ ଅଳ୍ପ ସମୟ ମଧ୍ୟରେ ଅଫିସ କାର୍ଯ୍ୟରେ ଯୋଗଦେବେ ।
Kanak News is now on WhatsApp
Join and get latest news updates delivered to you via WhatsApp
ଆଉ ଏକ ଗୁରୁତ୍ୱପୂର୍ଣ୍ଣ କଥା ହେଉଛି, ରାଜ୍ୟରେ ଥିବା ସମସ୍ତ ସରକାରୀ କାର୍ଯ୍ୟାଳୟ ଶନିବାର ଦିନ ବନ୍ଦ ରହିବ । ଅନ୍ୟପଟେ ସ୍ୱତନ୍ତ୍ର ରିଲିଫ କମିସନର ଓ ଓସଡମା କାର୍ଯ୍ୟାଳୟ ସହ ପୁଲିସ, ଅଗ୍ନିଶମ, ସ୍ୱାସ୍ଥ୍ୟ, ପୌର ସେବା ଭଳି ଅତ୍ୟାବଶ୍ୟକ ସେବା ଯୋଗାଉଥିବା କାର୍ଯ୍ୟାଳୟ ପୂରା କର୍ମଚାରୀକୁ ନେଇ କାର୍ଯ୍ୟ କରିବେ । ଅଫିସଗୁଡିକରେ କୋଭିଡ୍ କଟକଣା କଡାକଡ଼ି କାର୍ଯ୍ୟକାରୀ କରାଯିବ । କୌଣସି କର୍ମଚାରୀ କରୋନା ଆକ୍ରାନ୍ତ ହେଲେ ସରକାରୀ ପ୍ରୋଟୋକଲ ଅନୁଯାୟୀ ପଦକ୍ଷେପ ନେବେ ବିଭାଗୀୟ ଅଧିକାରୀ ।