କନକ ବ୍ୟୁରୋ: ଗହମ ରପ୍ତାନୀ ଉପରେ ରୋକ ଲଗାଇଛନ୍ତି କେନ୍ଦ୍ର ସରକାର । ସରକାରଙ୍କ ବିନା ଅନୁମତିରେ ଅନ୍ୟ ଦେଶମାନଙ୍କୁ ଏଣିକି ଗହମ ଦେଶ ବାହାରକୁ ପଠାଯାଇ ପାରିବନି । ଅର୍ନ୍ତଜାତୀୟ ବଜାରରେ ଦିନକୁ ଦିନ ଗହମର ଅଭାବ ଦେଖାଯିବା ପରେ ମୂଲ୍ୟ ବି ଆକାଶଛୁଆଁ ହୋଇଛି । ଏଭଳି ସ୍ଥିତିକୁ ନଜରରେ ରଖି ସରକାର ଅସ୍ଥାୟୀ କଟକଣା ଲଗାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ମେ ୧୩ ପୂର୍ବରୁ ଗହମ ରପ୍ତାନୀ ପାଇଁ ଯେଉଁ ଅର୍ଡର ରହିଛି, ସେଥିରେ ଏହି କଟକଣା ଲାଗିବ ନାହିଁ । ରୁଷ-ୟୁକ୍ରେନ ମଧ୍ୟରେ ଚାଲଥିବା ଯୁଦ୍ଧର ପ୍ରଭାବ ଅର୍ନ୍ତଜାତୀୟ ବଜାରରେ ଉପରେ ପଡୁଛି । ବିଶ୍ୱ ବଜାରକୁ ଉଭୟ ରୁଷ ଓ ୟୁକ୍ରେନ ଗହମର ଏକ ବଡ ପ୍ରତିଶତ ଯୋଗାଉଥିବାବେଳେ ଏବେ ତାହା ବନ୍ଦ ରହିଛି । ଏପଟେ ଭାରତରେ ପ୍ରବଳ ଗ୍ରୀଷ୍ମ ପ୍ରଭାବ ଯୋଗୁଁ ଗହମ ଫସଲ ଉପରେ ପ୍ରଭାବ ପକାଇଛି । ଦରବୃଦ୍ଧି ନିୟନ୍ତ୍ରଣ ଓ ଖାଦ୍ୟ ସୁରକ୍ଷା ଯୋଜନାରେ ଗହମ ଯୋଗାଣକୁ ଦୃଷ୍ଟିରେ ରଖି ଏବେ ରପ୍ତାନୀ ଉପରେ ରୋକ ଲଗାଇଛନ୍ତି କେନ୍ଦ୍ର ସରକାର ।
ଭାରତର ଏପରି ନିଷ୍ପତିର ସମାଲୋଚନା କରିଛନ୍ତି ଜି-୭ ରାଷ୍ଟ୍ର ସମୁହ । ବିଶେଷ କରି ରୁଷ-ୟ୍ରୁକ୍ରେନ ଯୁଦ୍ଧ ଯୋଗୁଁ ବିଶ୍ୱରେ ଗହମ ଅଭାବ ଦେଖା ଦେଇଥିବା ବେଳେ ଭାରତର ଏପରି ନିଷ୍ପତି ଆହୁରି ଅଡୁଆ ପରିସ୍ଥିତି ସୃଷ୍ଟି କରିବ ବୋଲି କୁହାଯାଇଛି । ଜି-୭ ରାଷ୍ଟ୍ରର କୃଷିମନ୍ତ୍ରୀଙ୍କ ବୈଠକରେ ଏହି ନିଷ୍ପତି ଉପରେ ଭାରତ ପୁନର୍ବିଚାର କରୁ ବୋଲି ମତ ପ୍ରକାଶ ପାଇଛି । ଆସନ୍ତା ମାସରେ ଥିବା ଜି-୭ ବୈଠକରେ ଏହା ଉପରେ ଆଲୋଚନା କରିବାକୁ ମତ ପାଇଛି । ଏହି ବୈଠକରେ ଯୋଗ ଦେବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ନିମନ୍ତ୍ରଣ କରାଯାଇଛି ।