ଆଫ୍ରିକୀୟ ୟୁନିଅନ ହେଲା G-20 ଗୋଷ୍ଠୀର ସ୍ଥାୟୀ ସଦସ୍ୟ

G-20 ଶିଖର ସମ୍ମିଳନୀରେ ପ୍ରଧାନମନ୍ତ୍ରୀ ମୋଦୀ ଆଫ୍ରିକୀୟ ୟୁନିଅନକୁ ସ୍ଥାୟୀ ସଦସ୍ୟ ଭାବେ ଘୋଷଣା କରିଛନ୍ତି ।

ଦିଲ୍ଲୀରେ ଆୟୋଜିତ G-20 ଶିଖର ସମ୍ମିଳନୀରେ ଆଫ୍ରିକୀୟ ୟୁନିଅନକୁ ସ୍ଥାୟୀ ସଦସ୍ୟ ଭାବରେ G-20ରେ ଅନ୍ତର୍ଭୁକ୍ତ କରାଯାଇଛି ।

ପ୍ରଧାନମନ୍ତ୍ରୀ ମୋଦୀ ତାଙ୍କର ସ୍ବାଗତ ଭାଷଣରେ କହିଛନ୍ତି ଯେ “ଆପଣଙ୍କ ସମସ୍ତଙ୍କ ସହମତିରେ ଏହି ସମ୍ମିଳନୀ ପ୍ରକ୍ରିୟା ଆରମ୍ଭ କରିବା ପୂର୍ବରୁ ମୁଁ ଆଫ୍ରିକୀୟ ୟୁନିଅନର ଚେୟାରମ୍ୟାନଙ୍କୁ G-20 ର ସ୍ଥାୟୀ ସଦସ୍ୟ ଭାବରେ ତାଙ୍କ ଆସନ ଗ୍ରହଣ କରିବାକୁ ନିମନ୍ତ୍ରଣ କରୁଛି ।"

କିଏ କିଏ ଏହି ଗୋଷ୍ଠୀର ସଦସ୍ୟ ?

G-20 ଗୋଷ୍ଠୀରେ ୧୯ ଟି ଦେଶ ଅନ୍ତର୍ଭୁକ୍ତ - ଆର୍ଜେଣ୍ଟିନା, ଅଷ୍ଟ୍ରେଲିଆ, ବ୍ରାଜିଲ, କାନାଡା, ଚୀନ୍, ଫ୍ରାନ୍ସ, ଜର୍ମାନୀ, ଭାରତ, ଇଣ୍ଡୋନେସିଆ, ଇଟାଲୀ, ଜାପାନ, ରିପବ୍ଲିକ୍ ଅଫ୍ କୋରିଆ, ମେକ୍ସିକୋ, ରୁଷ, ସାଉଦି ଆରବ, ଦକ୍ଷିଣ ଆଫ୍ରିକା, ତୁର୍କୀ, ବ୍ରିଟେନ ଏବଂ ଆମେରିକା। ଏହି ଗୋଷ୍ଠୀର ୨୦ତମ ସଦସ୍ୟ ହେଉଛନ୍ତି ୟୁରୋପୀୟ ୟୁନିଅନ୍ ।

ଆଫ୍ରିକୀୟ ୟୁନିଅନ୍ ଏହି ସଂଗଠନରେ ସ୍ଥାୟୀ ସଦସ୍ୟ ଭାବରେ ଯୋଗଦେବା ପରେ ବର୍ତ୍ତମାନ ୧୯ ଟି ଦେଶ ଏବଂ ଦୁଇଟି ସଂଘ ଏହାର ସଦସ୍ୟ ହୋଇଛନ୍ତି ।