ବଦଳିବନି ଆପଣଙ୍କ ଇଏମଆଇ : ରେପୋରେଟ ଓ ରିଭର୍ସ ରେପୋରେଟ ଅପରିବର୍ତିତ ରଖିଲା ଆରବିଆଇ
ମୁଦ୍ରାନୀତି କମିଟି ବୈଠକ ପରେ ଘୋଷଣା କଲେ ଆରବିଆଇ ଗଭର୍ଣ୍ଣର
କନକ ବ୍ୟୁରୋ : ବଦଳିବନି ଆପଣଙ୍କ ଇଏମଆଇ । ଭାରତୀୟ ରିଜର୍ଭ ବ୍ୟାଙ୍କ ଆଜି ମୁଦ୍ରାନୀତି ଘୋଷଣା କରିଛି । ରେପୋ ଓ ରିଭର୍ସ ରୋପୋ ରେଟ ଅପରିବର୍ତିତ ରହିଛି । ରିଜର୍ଭ ବ୍ୟାଙ୍କ ଗଭର୍ଣ୍ଣର ଲଗାତାର ଅଷ୍ଟମ ଥର ଲାଗି ସୁଧହାରରେ କୌଣସି ପରବର୍ତନ କରାଯାଇନାହାନ୍ତି । ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ କହିଛନ୍ତି, ଆସନ୍ତା ୩ ମାସରେ ରେପୋ ରେଟ୍ ୪ ପ୍ରତିଶତ ରହିବ । ସେହିଭଳି ରିଭର୍ସ ରେପୋ ରେଟ୍ ୩.୫୫ ପ୍ରତିଶତ ରହିବ । ମାର୍ଜିନାଲ ଷ୍ଟାଣ୍ଡିଙ୍ଗ ସୁବିଧା ହାର ଏବଂ ବ୍ୟାଙ୍କ ହାର ୪.୨୫ ପ୍ରତିଶତ ରହିବ । ୩ଦିନର ବୈଠକ ପରେ ରିଜର୍ଭ ବ୍ୟାଙ୍କର ୬ ସଦସ୍ୟ ବିଶିଷ୍ଟ ମୁଦ୍ରାନୀତ କମିଟି ଏହି ଘୋଷଣା କରିଛି ।
Kanak News is now on WhatsApp
Join and get latest news updates delivered to you via WhatsApp
‘ମନିଟାରି ପଲିସି କମିଟି’ର ବିଗତ ୭ଟି ସମୀକ୍ଷା ବୈଠକରେ ଭାରତୀୟ ରିଜର୍ଭ ବ୍ୟାଙ୍କ୍ ରେପୋ ରେଟ୍ ଅପରିବର୍ତ୍ତିତ ରଖିଥିଲା। ଗତ ବୁଧବାର ଦିନ ଆରମ୍ଭ ହୋଇଥିବା ୩ ଦିନିଆ ‘ମନିଟାରି ପଲିସି କମିଟି’ର ୮ମ ବୈଠକରେ ମଧ୍ୟ ପ୍ରମୁଖ ରେଟ୍ଗୁଡ଼ିକରେ ପରିବର୍ତ୍ତନ କରାଯାଇନାହିଁ । ଏହାର ଅଧ୍ୟକ୍ଷତା କରିଥିଲେ ରିଜର୍ଭ ବ୍ୟାଙ୍କ୍ର ଗଭର୍ଣ୍ଣର୍ ଶକ୍ତିକାନ୍ତ ଦାସ । ସୁଧ ହାର ଅପରିବର୍ତ୍ତିତ ରଖିବା ଲାଗି ୬ ସଦସ୍ୟବିଶିଷ୍ଟ ‘ଏମ୍ପିସି’ ସର୍ବସମ୍ମତିକ୍ରମେ ମତ ଦେଇଥିଲେ ।
ଦେଶର ଅଭିବୃଦ୍ଧିକୁ ଆବଶ୍ୟକ ଯାଏଁ ସମର୍ଥନ ଯୋଗାଇ ଦେବା ଓ ମୁଦ୍ରାସ୍ଫିତିକୁ ନିର୍ଦ୍ଧାରିତ ଲକ୍ଷ୍ୟ ମଧ୍ୟରେ ସୀମିତ ରଖିବା ଲାଗି ଏହା ଆବଶ୍ୟକ ବୋଲି ‘ଏମ୍ପିସି’ କହିଛି । ଗୃହ ଏବଂ ଗାଡ଼ି ଋଣକର୍ତ୍ତାମାନଙ୍କ ପାଇଁ ଏବେ ପ୍ରଚଳିତ ଥିବା ‘ଇଏମ୍ଆଇ’ ପୂର୍ବ ପରି କାଏମ ରହିବ ବୋଲି ‘ମନିଟାରି ପଲିସି କମିଟି’ ଘୋଷଣା କରିଥିବା ଫଳାଫଳରୁ ଜଣାପଡ଼ିଛି ।