ଭାରତରେ ଭୋଟ ଦେଲେ ଇଟାଲି, ସ୍ୱିଡେନ, ଇଣ୍ଡୋନେସିଆ, ଥାଇଲାଣ୍ଡ ।
ନିର୍ବାଚନରେ ନେତାଙ୍କୁ ନେଇ ସର୍ବଦା ଚର୍ଚ୍ଚା ଲାଗି ରହିଥାଏ, କିନ୍ତୁ ମେଘାଳୟରେ ନେତାଙ୍କ ଅପେକ୍ଷା ଭୋଟର ମାନେ ଅଧିକ ଲାଇମ ଲାଇଟରେ ରହିଥାନ୍ତି । ଏହି ଚର୍ଚ୍ଚା ପଛରେ ରହିଛି ଭୋଟରଙ୍କ ନିଆରା ନାଁ । ଯେଉଁ ମାନଙ୍କ ନାଁ ଶୁଣିଲେ ଆପଣ ମଧ୍ୟ ଆଶ୍ଚର୍ଯ୍ୟ ହେବେ । ମେଘାଳୟର ଲୋକସଭା ନିର୍ବାଚନରେ ଇଟାଲୀ, ସ୍ୱିଡେନ, ଇଣ୍ଡୋନେସିଆ, ଥାଇଲାଣ୍ଡ, ନାଇଜେରିଆ, ତିବତ୍ତ ନାଁ ଥିବା ଭୋଟର ମାନେ ମତଦାନ କରିଛନ୍ତି । ଏଭଳି ନାଁ ନିଶ୍ଚୟ କିଛି ଲୋକଙ୍କୁ ଅଜବ ଲାଗିବ କିନ୍ତୁ ମେଘାଳୟରେ ବିଭିନ୍ନ ଦେଶର ନାଁ ରଖିଥିବା ଭୋଟର ରହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପ୍ରଥମ ପର୍ଯ୍ୟାୟରେ ଏଭଳି ଅଜବ ଗଜବ ନାଁ ଥିବା ଭୋଟର ମାନେ ନିଜର ମତଦାନ ଅଧିକାର ସାବ୍ୟସ୍ତ କରିଛନ୍ତି । ତେବେ ସବୁଠୁ ଅଜବ ନାଁ ରଖିଥିବା ଭୋଟର ଇଣ୍ଡୋ-ବାଂଲାଦେଶ ସୀମାବର୍ତ୍ତୀ ଅଞ୍ଚଳରେ ଦେଖିବାକୁ ମିଳିଥାନ୍ତି । କାରଣ ଏଠାକାର ବାସିନ୍ଦା ମାନେ ବେଶି ପାଠ ପଢୁନଥାନ୍ତି । ତେଣୁ ଯେତେବେଳେ ସେମାନଙ୍କର ଭୋଟର ଆଇଡି ପଞ୍ଜୀକରଣ ହୋଇଥାଏ ସେତେବେଳେ ବିଭିନ୍ନ ଦେଶର ନାଁ ଏମାନେ ଭୋଟର ଆଇଡି କାର୍ଡରେ ପଞ୍ଜୀକରଣ କରିଥାନ୍ତି ।
ସୀମାବର୍ତ୍ତୀ ଅଞ୍ଚଳରେ ରହୁଥିବା ଲୋକମାନେ ଇଂରାଜୀ କହିବାକୁ ଶୌକ ରଖୁଥିଲେ ମଧ୍ୟ ତାହାର ଅର୍ଥ ଜାଣନ୍ତି ନାହିଁ । ତେଣୁ ଯେଉଁ ଇଂରାଜୀ ଶବ୍ଦ ଲୋକଙ୍କ ପାଟିକୁ ଆସେ ତାହାକୁ ନିଜର ନାଁ ରଖିଥାନ୍ତି । ଏଠାରେ ଜଣେ ବାପାଙ୍କ ନାଁ ସ୍ୱିଡେନ ରହିଥିବା ବେଳେ ପୁଅ ନାଁ ସ୍ୱେଟର ରହିଛି । ଦେଶର ନାଁ ଛଡା, ଆଗ୍ରିମେଣ୍ଟ, ରିକ୍ୱେଷ୍ଟ, ଲାୟର, ୱାଇରଲେସ, ସ୍ପଟ, ସିମ୍ବଲ, ଇନଚାର୍ଜ, ଇଭିନିଙ୍ଗ, କରେକ୍ସନ ଭଳି ଇଂରାଜୀ ନାଁ ଲୋକମାନଙ୍କର ରହିଛି ।