ବାଲେଶ୍ୱର ବ୍ୟୁରୋ, କନକ ନ୍ୟୁଜ୍ : ମଶାଣୀରେ ଶବ ପୋଡ଼ିବାକୁ ବିରୋଧ ହେବାରୁ ଘର ସମ୍ମୁଖରେ ମୃତଦେହ ପୋଡ଼ିଲେ ପରିବାର ଲୋକ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ସୋର ବ୍ଲକ ତେଂଟେଇ ଗାଁରେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ବାଲେଶ୍ୱର ଜିଲ୍ଲା ସୋର ଥାନା ତେଂଟେଇ ଗାଁର ନବଘନ ମଲ୍ଲିକ ଏଡ୍ସ ରୋଗରେ ଆକ୍ରାନ୍ତ ଥିଲେ । ତେବେ ଶୁକ୍ରବାର ଦିନ ତାଙ୍କର ମୃତ୍ୟୁ ହେବାରୁ ପରିବାର ଲୋକେ ମୃତଦେହକୁ ସଂସ୍କାର ପାଇଁ ଗାଁ ମଶାଣୀକୁ ନେଇଥିଲେ ।
ହେଲେ ଗାଁର କିଛି ଏହାକୁ ବିରୋଧ କରିଥିଲେ । ଏଡ୍ସରେ ନବଘନର ମୃତ୍ୟୁ ହୋଇଥିବାରୁ ଶବ ଦାହ କରିବାକୁ ଦିଆଯାଇନଥିବା ପରିବାର ଲୋକ ଅଭିଯୋଗ କରିଛନ୍ତି । ତେବେ ଘଟଣାସ୍ଥଳରେ ପ୍ରଶାସନ ପକ୍ଷରୁ ପୁଲିସ ଓ ତହସିଲଦାର ଉପସ୍ଥିତ ରହି ମଧ୍ୟ ସମାଧାନ ହୋଇପାରିନଥିଲା । ଶେଷରେ ବାଧ୍ୟ ହୋଇ ପରିବାର ଲୋକ ଘର ସାମ୍ନାରେ ଶବ ଦାହ କରିଥିବା ଅଭିଯୋଗ ହୋଇଛି । ସେପଟେ ସରକାରଙ୍କ ହରିଶଚନ୍ଦ୍ର ଯୋଜନା ଅନୁଯାଇ ପରିବାର ଲୋକଙ୍କୁ ସରପଂଚ ୨୦୦୦ ଟଙ୍କା ସହାୟତା ରାଶି ପ୍ରଦାନ କରିଛନ୍ତି ।