ଜାପାନର ନୂଆ ପ୍ରଧାନମନ୍ତ୍ରୀ ହେବେ ଫୁମିଓ କାଶିଦା । ନୂଆ ନେତାଙ୍କୁ ନେଇ ଆଶାବାଦୀ ଜାପାନବାସୀ ।
କନକ ବ୍ୟୁରୋ: ଜାପାନର ନୂଆ ପ୍ରଧାନମନ୍ତ୍ରୀ ହେବେ ଫୁମିଓ କାଶିଦା । ବୁଧବାର କ୍ଷମତାସୀନ ଦଳ ଲିବରାଲ ଡେମୋକ୍ରାଟିକ୍ ପାର୍ଟିର ବୈଠକ ଅନୁଷ୍ଠିତ ହୋଇଥିବାବେଳେ କିଶିଦା ସର୍ବସମ୍ମତିକ୍ରମେ ନେତା ନିର୍ବାଚିତ ହୋଇଛନ୍ତି । ୬୪ ବର୍ଷିୟ କିଶିଦା ହେଉଛନ୍ତି ପେସାରେ ଜଣେ କୂଟନୀତିଜ୍ଞ । ବର୍ତ୍ତମାନ ପ୍ରଧାନମନ୍ତ୍ରୀ ଦାୟିତ୍ୱ ତୁଲାଉଥିବା ୟୋସିହିଦେ ସୁଗାଙ୍କ ଭାବମୂର୍ତ୍ତି ଏତେ ସ୍ୱଚ୍ଛ ନଥିବାରୁ ଦଳ ତାଙ୍କୁ ହଟାଇ ଫୁମିଓ କାଶିଦାଙ୍କୁ ପ୍ରଧାନମନ୍ତ୍ରୀ କରିବାକୁ ନିଷ୍ପତ୍ତି ହୋଇଛି ବୋଲି ସୂଚନା ରହିଛି । କିଶିଦାଙ୍କ ନେତୃତ୍ୱରେ ଜାପାନ ଉନ୍ନତି କରିବ ବୋଲି ସାଧାରଣରେ ଚର୍ଚ୍ଚା ହେଉଥିବା ସ୍ଥାନୀୟ ଗଣମାଧ୍ୟମରେ ପ୍ରକାଶ ପାଇଛି ।
Kanak News is now on WhatsApp
Join and get latest news updates delivered to you via WhatsApp
ନିର୍ବାଚନ ଦୌଡରେ ଚାରି ପ୍ରାର୍ଥୀଙ୍କ ମଧ୍ୟରୁ ଦୁଇଜଣ ଥିଲେ ମହିଳା। ଦଳର ବୃହତ୍ତମ ଗୋଷ୍ଠୀଗୁଡ଼ିକ ତାଙ୍କ ସଦସ୍ୟମାନଙ୍କୁ ସ୍ବାଧୀନ ଭାବେ ମତବ୍ୟକ୍ତ କରିବାର ଅଧିକାର ଦେଇଥିଲେ। ପ୍ରଥମ ରାଉଣ୍ଡରେ କୋନୋ ଓ କାଶିଦାଙ୍କ ଭୋଟ ପ୍ରାୟ ସମାନ ଥିବାବେଳେ ଦ୍ବିତୀୟ ରାଉଣ୍ଡରେ ଉଭୟ ପୂର୍ବତନ ଆଭ୍ୟନ୍ତରୀଣ ବ୍ୟାପାର ମନ୍ତ୍ରୀ ସାନେ ଟାକେଚି ଓ ସିକୋ ନୋଡା ବାଦ୍ ପଡ଼ିବାରୁ କିଷିଡ଼ାଙ୍କ ପ୍ରତି ସଦସ୍ୟମାନଙ୍କ ବଳିଷ୍ଠ ସମର୍ଥନ ତାଙ୍କୁ ଜିତାଇଦେଲା। ଶେଷରେ କାଶିଦା ୨୫୭ ଭୋଟ ପାଇଥିବା ବେଳେ କୋନୋ ୧୭୦ ଭୋଟ ପାଇଥିଲେ।