କନକ ବ୍ୟୁରୋ : ବଢୁଥିବା କରୋନା ସଂକ୍ରମଣକୁ ଦୃଷ୍ଟିରେ ରଖି ପଡୋଶୀ ଦେଶ ବାଂଲାଦେଶରେ ସମ୍ପୂର୍ଣ୍ଣ ଲକଡାଉନ୍ ଘୋଷଣା କରିଛି । ଏହି ଲକଡାଉନ୍ ସୋମବାର ଠାରୁ ଆରମ୍ଭ ହେବ । ଏହି ସମୟରେ କେବଳ ଜରୁରୀସେବା ଜାରି ରହିବ ବୋଲି କୁହାଯାଇଛି ।
ବାଂଗ୍ଲାଦେଶରେ କରୋନା ସଂକ୍ରମିତଙ୍କ ସଂଖ୍ୟା ଲଗାତର ଭାବେ ବୃଦ୍ଧି ପାଇବାରେ ଲାଗିଛି । ଶୁକ୍ରବାର ଦିନ ଦେଶରେ ୬୮୩୦ ଜଣ ସଂକ୍ରମିତ ଚିହ୍ନଟ ହୋଇଛନ୍ତି , ଏହାସହ ସେହିଦିନ ୫୦ ଜଣ ଲୋକଙ୍କ ଜୀବନ ଯାଇଛି । ବାଂଲାଦେଶରେ କରୋନା ସଂକ୍ରମଣରେ ମୋଟ ମୃତ୍ୟୁ ସଂଖ୍ୟା ୯ ହଜାର ବୋଲି କୁହାଯାଇଛି । ବାଂଲାଦେଶରେ ପ୍ରଥମ କରୋନା ସଂକ୍ରମିତ ୨୦୨୦ ମେ ୮ ତାରିଖରେ ଚିହ୍ନଟ ହୋଇଥିଲା । ଏହାର ଦୁଇ ସପ୍ତାହ ପରେ ଦେଶରେ ସମ୍ପୂର୍ଣ୍ଣ ଲକଡାଉନ୍ ଘୋଷଣା କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
କରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ପ୍ରଧାନମନ୍ତ୍ରୀ ଶେଖ୍ ହସିନା ସଂସଦରେ ଏକ ବୟାନ ଦେଇ ଲୋକଙ୍କୁ ସଚେତନ ରହିବାକୁ ଆହ୍ୱାନ ଦେଇଥିଲେ । ସେ କହିଥିଲେ କି ଆମକୁ ପରିସ୍ଥିତିକୁ ନିୟନ୍ତ୍ରଣରେ ରଖିବାକୁ ପଡିବ । ହେଲେ ପରିସ୍ଥିତି ନିୟନ୍ତ୍ରଣ ରଖିବାକୁ ହେଲେ ଲୋକମାନଙ୍କର ସହଯୋଗ ନିହାତି ଆବଶ୍ୟକ ବୋଲି ସେ କହିଥିଲେ । ଏହି ଲକଡାଉନ ସମୟରେ ଅଧା କର୍ମଚାରୀରେ ସରକାରୀ କାର୍ଯ୍ୟାଳୟ ଚାଲିବ ବୋଲି କୁହାଯାଇଛି ।