କନକ ବ୍ୟୁରୋ: ପିଏନବି ବ୍ୟାଙ୍କ ଦୁର୍ନୀତି ମାମଲାର ମାଷ୍ଟର ମାଇଣ୍ଡ ତଥା ହୀରା ବ୍ୟବସାୟୀ ମେହୁଲ ଚୌକସି ଧରାପଡିଛି । ଆଂଟିଗୁଆ-ବାରବୋଡାରୁ କ୍ୟୁବା ଖସିଯିବାକୁ ଉଦ୍ୟମ କଲା ବେଳେ ଡୋମିନିକାରେ ଏହି ଠକକୁ ଧରିଛି ପୁଲିସ । ଏବେ ମେହୁଲ ଡୋମିନିକା ପୁଲିସର ହେପାଜତରେ ରହିଛି । ତାକୁ ଦେଶକୁ ଫେରାଇ ଆଣିବା ପାଇଁ ଭାରତ ସରକାର ଆଂଟିଗୁଆ ଏବଂ ଡୋମିନିକା ପ୍ରଶାସନ ସହ ଯୋଗାଯୋଗରେ ଅଛନ୍ତି । ଆଂଟିଗୁଆରୁ ଫେରାର ହେବା ଚୌକସିଙ୍କ ଏକ ବଡ ଭୁଲ ଓ ତାଙ୍କୁ ଭାରତ ସରକାରଙ୍କ ଦେଇ ଦିଆଯିବ, ସେ କୃତକର୍ମର ଫଳ ଭୋଗିିବେ ବୋଲି କହିଛନ୍ତି ଆଂଟିଗୁଆ ପ୍ରଧାନମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ମେ ୨୩ ତାରିଖରେ ମେହୁଲ ଚୌକସି ଆଂଟିଗୁଆରୁ ଫେରାର ହୋଇଯାଇଥିବା ଖବର ପରେ ୟେଲୋ ଅଲର୍ଟ ଜାରି କରିଥିଲା ଇଂଟରପୋଲ । ମେ ୨୩ ତାରିଖ ରାତିରେ ଏକ ରେଷ୍ଟୁରାଂଟକୁ ଖାଇବାକୁ ଯାଇ ଆଉ ସେ ଫେରିନଥିଲା । ଖୋଜାଖୋଜି ପରେ ମେହୁଲ ଚୌକସି ଯାଇଥିବା ଗାଡି ମିଳିଥିଲା ହେଲେ ତାର ପତା ମିଳିନଥିଲା । ଆଂଟିଗୁଆରୁ କ୍ୟୁବାକୁ ଫେରାର ହେବା ବେଳେ ମେ ୨୬ତାରିଖରେ ଡୋମିନିକାରେ ଧରାପଡିଥିଲା ପଳାତକ । ଡୋମିନିକାରେ ଏୟାରପୋର୍ଟ ନଥିବାରୁ ଆଂଟିଗୁଆରୁ ଜଳପଥରେ ଫେରାର ହୋଇଥିବା ସନ୍ଦେହ କରାଯାଉଛି ।
ପଂଜାବ ନେସନାଲ ବ୍ୟାଙ୍କରୁ ସାଢେ ୧୩ ହଜାର କୋଟିରୁ ଅଧିକ ଟଙ୍କାର ଠକେଇ ପରେ ୨୦୧୮ ମସିହାରେ ଫେରାର ହୋଇଯାଇଥିଲା ମେହୁଲ ଚୌକସି । ତେବେ ୨୦୧୭ରୁ ଆଂଟିଗୁଆର ନାଗରିକତ୍ୱ ଗ୍ରହଣ କରିସାରିଥିଲା ଏହି ଧୂର୍ତ ପଳାତକ ।