ଦେଶ ପାଇଁ ଲଢିଥିଲେ, କିନ୍ତୁ ସରକାର ଭୁଲିଗଲେ ! ସ୍ୱାଧୀନତା ସଂଗ୍ରାମୀ ହୀରା ସିଂହଙ୍କୁ ୪୦ ବର୍ଷର ସଂଘର୍ଷ ପରେ ମିଳିଲା ପେନସନ୍ ।
କନକ ବ୍ୟୁରୋ : ଭାରତର ସ୍ୱାଧୀନତା ପାଇଁ ଇଂରେଜ ମାନଙ୍କ ସହ ଲଢିଥିବା ୯୫ ବର୍ଷୀୟ ସ୍ୱତନ୍ତ୍ରତା ସେନାନୀ ହୀରା ସିଂହଙ୍କୁ ୪୦ ବର୍ଷର ସଂଘର୍ଷ ପରେ ପେନସନ୍ ମିଳିଛି । ୧୨ ପ୍ରତିଶତ ସୁଧ ସହ ବକେୟା ଥିବା ପେନସନ୍ ରାଶି ଏବଂ ଜୋରିମାନା ଆକାରରେ ୧ ଲକ୍ଷ ଟଙ୍କା ହୀରା ସିଂହଙ୍କୁ ଦେବାକୁ ଗତକାଲି ଦିଲ୍ଲୀ ହାଇକୋର୍ଟ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିଚାରପତି ସି ହରିଶଙ୍କରଙ୍କ ଖଣ୍ଡପୀଠ ଏହି ମାମଲାରେ କହିଛନ୍ତି ଯେ, ଲୋକମାନେ ସ୍ୱାଧୀନତା ସଂଗ୍ରାମୀଙ୍କ ଦୁଃଖ, ଯନ୍ତ୍ରଣା ଏବଂ ବଳିଦାନ ଭୁଲିଗଲେଣି । ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁଯାୟୀ, ହୀରା ସିଂହ ସ୍ୱତନ୍ତ୍ରତା ସୈନିକ ସମ୍ମାନ ପେନସନ୍ ଯୋଜନା ଅନୁଯାୟାୀ, ୧୯୮୨ ମାର୍ଚ୍ଚ ମାସରେ ଆବେଦନ କରିଥିଲେ । କିନ୍ତୁ ତାଙ୍କୁ ପେନସନ୍ ମିଳିବାରେ ୪୦ ବର୍ଷ ଲାଗିଗଲା ।
ଗୁରୁତ୍ୱପୂର୍ଣ୍ଣ କଥା ହେଉଛି, ହୀରା ସିଂହଙ୍କ ପେନସନ୍ ଆବେଦନକୁ ଜୁନ୍ ୨୦୧୭ରେ କେନ୍ଦ୍ର ସରକାର ରଦ୍ଦ କରିଦେଇଥିଲେ । ତେବେ ଦିଲ୍ଲୀ ହାଇକୋର୍ଟ ଏବଂ ହୀରା ସିଂହଙ୍କୁ ବଡ ଆଶ୍ୱସ୍ତି ଦେଇଛନ୍ତି । ଆସନ୍ତା ୪ ସପ୍ତାହ ମଧ୍ୟରେ ୧ ଲକ୍ଷ ଟଙ୍କା ସହ ବକେୟା ରହିଥିବା ସମସ୍ତ ପେନସନ୍ ରାଶି ହୀରା ସିଂହଙ୍କୁ ଯୋଗାଇ ଦେବା ନେଇ କୋର୍ଟ ନିର୍ଦ୍ଦେଶ ଦେଇଛନ୍ତି । ଯଦି କୋର୍ଟଙ୍କ ନିର୍ଦ୍ଦେଶ ସରକାର ନମାନନ୍ତି, ତେବେ ବର୍ଷକୁ ୧୨ ପ୍ରତିଶତ ସୁଧ ଆକାରରେ ସମସ୍ତ ଟଙ୍କା ହୀରାଙ୍କୁ ଫେରାଇବେ ସରକାର ।