ଲକ୍ଷ୍ନୌରେ ଓଡିଆ ଯୁବତୀଙ୍କୁ ହତ୍ୟା। ମୁଖ୍ୟ ଅଭିଯୁକ୍ତ ବିଷ୍ଣୁକୁ ଗିରଫ କଲା ପୁଲିସ
କନକ ବ୍ୟୁରୋ : ଉତ୍ତରପ୍ରଦେଶ ଲକ୍ଷ୍ନୌରେ ଓଡିଆ ଯୁବତୀଙ୍କୁ ହତ୍ୟା। ବୃନ୍ଦାବନ ସେକ୍ଟର 19ରେ କାରରୁ ଓଡିଆ ଯୁବତୀ ସୁସ୍ମିତା ରାଉତଙ୍କ ମୃତଦେହ ଉଦ୍ଧାର କରାଯାଇଛି। ସୁସ୍ମିତାଙ୍କ ଘର ଯାଜପୁର ଜିଲ୍ଲା ବିଂଝାରପୁର ବାଙ୍କିପାଳ ଗାଁରେ।
Kanak News is now on WhatsApp
Join and get latest news updates delivered to you via WhatsApp
ମୃତକଙ୍କ ପୋଷ୍ଟମର୍ଟମ ରିପୋର୍ଟରୁ ବଡ ଖୁଲାସା ହୋଇଛି । ରିପୋର୍ଟରେ କୁହାଯାଇଛି ଯେ ସୁସ୍ମିତାଙ୍କ ତଣ୍ଟିଚିପି ହତ୍ୟା କରାଯାଇଛି। ସାଙ୍ଗମାନଙ୍କ ଜନ୍ମଦିନ ପାର୍ଟିରେ ସାମିଲ ହେବାପାଇଁ ଯାଇଥିବା ବେଳେ ପରେ କାରରୁ ତାଙ୍କର ମୃତଦେହକୁ ପୁଲିସ ଉଦ୍ଧାର କରିଥିଲା। ସେପଟେ ଏହି ମାମଲାରେ ସୁସ୍ମିତାଙ୍କ ବନ୍ଧୁଙ୍କ ମିଛର ପର୍ଦ୍ଦାଫାଶ ହୋଇଛି । ପୁଲିସ ମୁଖ୍ୟ ଅଭିଯୁକ୍ତ ବିଷ୍ଣୁ ଦ୍ୱିବେଦୀକୁ ଧାନବାଦରୁ ଗିରଫ କରି ମାମଲା ରୁଜୁ କରିଛି । କେବଳ ବିଷ୍ଣୁ ନୁହେଁ ଅନ୍ୟ ବନ୍ଧୁମାନଙ୍କୁ ମଧ୍ୟ ପଚରାଉଚରା ଜାରିରହିଛି।
ଯୁବତୀଙ୍କ ଶବ ମିଳିବା ପରେ ପୁଲିସ ଘଟଣାର ତଦନ୍ତ ଆରମ୍ଭ କରିଦେଇଥିଲା। ପରେ ଜଣାପଡିଥିଲା ଯେ କାନପୁର ବାର ଅଞ୍ଚଳର ବିଷ୍ଣୁ ଘଟଣାସ୍ଥଳରେ ଉପସ୍ଥିତ ଥିଲା । ବୁଧବାର ସେ ପିଜିଆଇ ଅଞ୍ଚଳରେ ନିଜର ଭଡାଘରେ ନିଜର ଜନ୍ମଦିନ ପାର୍ଟି ମନାଇଥିଲା । ଏଥିରେ ବିଷ୍ଣୁ ଏବଂ ତାର ୪ ସାଙ୍ଗ ସାମିଲ ହୋଇଥିଲେ। ପୁଲିସ ବର୍ତ୍ତମାନ ଏହି ୪ ଜଣଙ୍କୁ ହେପାଜତକୁ ନେଇ ତଦନ୍ତ ଜାରିରଖିଛି। ସେହି ପାର୍ଟିରେ ସୁସ୍ମିତା ସାମିଲ ଥିବା ପୁଲିସ ସ୍ପଷ୍ଟ କରିଛି । ସୁସ୍ମିତାଙ୍କ ଶବ ମିଳିବା ପରେ ତାଙ୍କ ବାପା ସୂର୍ଯ୍ୟମଣି ଘଟଣାସ୍ଥଳରେ ପହଞ୍ଚିଥିଲେ। ତାଙ୍କ ଉପସ୍ଥିତିରେ ପୋଷ୍ଚମର୍ଟମ କରାଯାଇଥିଲା।
ସୁସ୍ମିତାଙ୍କ ପରିବାରରେ ତାଙ୍କ ଛଡା ତାଙ୍କ ବାପା ସୂର୍ଯ୍ୟମଣି, ମାଆ ଏବଂ ସାନଭାଇ ରହିଛି । ସୁସ୍ମିତା ବିଏ ପାସ କରିଥିବା ବେଳେ ଗତ ୧୦ ଦିନ ତଳେ ଚାକିରୀ ମିଳିଥିବା କହି ଘରୁ ବାହାରିଥିଲେ । ନିଜ ସାଙ୍ଗମାନଙ୍କ ସହ ଯାଉଥିବା ମଧ୍ୟ କହିଥିଲେ । ଆଠ ତାରିଖରେ ସେ ନିଜ ମାଆଙ୍କ ସହ କଥା ହୋଇଥିଲେ । ପରିବାରର ଆର୍ଥିକ ସ୍ଥିତ ବହୁତ ଖରାପ ଥିବା ବେଳେ ବାପା ୫ ହଜାର ଟଙ୍କା ଋଣ କରି ଝିଅକୁ ବାହାରକୁ ପଠାଇଥିଲେ । ସେଠାରେ ତାଙ୍କର ଅନ୍ତିମ ସଂସ୍କାର କରାଯାଇଛି ।