ଜରୁରୀସେବା କେନ୍ଦ୍ରକୁ ବାରମ୍ବାର ଆସୁଛି ଫେକ୍ କଲ। କଲସେଣ୍ଟରକୁ ଚଳିତ ବର୍ଷ ଆସିଛି ୫ଲକ୍ଷ ମିଛ କଲ୍।

କନକ ବ୍ୟୁରୋ: ଜରୁରୀ ସେବା ସହ ଖେଳ, ୧୦୮କୁ ବଦମାସ କରୁଛନ୍ତି କଲ୍ା ଅତ୍ୟନ୍ତ ସମ୍ବେଦନଶୀଳ ପ୍ରସଙ୍ଗ । ଲୋକଙ୍କୁ ଜରୁରୀକାଳୀନ ସେବା ଯୋଗାଇ ଦେବା ପାଇଁ ଖୋଲାଯାଇଛି ହେଲପଲାଇନ ନମ୍ବର ୧୦୪ ଓ ୧୦୮ । ଗୁରୁତର ରୋଗୀଙ୍କୁ କିଭଳି ହସପିଟାଲ ପଠାଯିବ, ଶାରୀରିକ ସମସ୍ୟା ଥିଲେ ତୁରନ୍ତ କିଭଳି ଆମ୍ବୁଲାନ୍ସ ସେବା ମିଳିବ, ସେ ସବୁ ପରାମର୍ଶ ଏହି ନମ୍ବରରୁ ମିଳିଥାଏ । କିନ୍ତୁ କିଛି ବଦମାସ ଏହାର ମୂଲ୍ୟ ନ ବୁଝି ଟାଇମ ପାସ କରୁଛନ୍ତି । କଲ ସେଂଟରରେ ବସିଥିବା କର୍ମଚାରୀଙ୍କୁ ଫୋନ କରି ହଇରାଣ କରୁଛନ୍ତି । ଏମିତି କିଛି ଅଡିଓ କଲ ଲାଗିଛି କନକ ନ୍ୟୁଜ ହାତରେ ଋ

ଫୋନ-୧

ଜଣେ ବ୍ୟକ୍ତି ଫୋନ କରିି  ମହିଳା କର୍ମଚାରୀଙ୍କୁ ଅନ୍ୟ ଜଣେ କର୍ମଚାରୀଙ୍କ ନମ୍ବର ମାଗୁଛନ୍ତି  ଓ ଅଶ୍ଲୀଳ ଭାଷା ପ୍ରୟୋଗ କରୁଛନ୍ତି

ଫୋନ-୨

ଏକ ଫୋନ କଲରେ ଅଭଦ୍ରାମୀର ସବୁ ସୀମା ପାର ହୋଇ । ଏହି ଫୋନ କଲରେ ବ୍ୟକ୍ତି ଜରୁରୀ ସେବାକୁ ଫୋନ କରି ଅଶ୍ଲୀଳ ଭାଷା ପ୍ରୟୋଗ କରୁଛନ୍ତି । ଜରୁରୀ ସେବା ପାଇଁ ସରକାର ଖୋଲିଥିବା ହେଲ୍ପ ଲାଇନ୍ ନମ୍ବରକୁ ଆସୁଛି ଏପରି ଫୋନ କଲ ।

ଫୋନ-୩

ଆଉ କିଛି ବ୍ୟକ୍ତି ଫୋନ କରି ଥଟା ମଜା କରୁଛନ୍ତି ।  ଗୋଡ ଭାଙ୍ଗିଯିବା ନାଁରେ  ଦ୍ୱି-ଅର୍ଥ ବୋଧକ ଶଦ୍ଦ ପ୍ରୟେ।।ଗ କରୁଛନ୍ତି ।

ଫୋନ-୪

ଆଉ କିଛି ବ୍ୟକ୍ତି ୧୦୮କୁ ଫୋନ କରି ଅଜବ ହରକତ କରୁଛନ୍ତି । ଅବାନ୍ତର ପ୍ରଶ୍ନ କରିବା ସହ ଅଶ୍ଳୀଳ ପ୍ରଶ୍ନ କରୁଛନ୍ତି । ଜରୁରୀ ସେବାଠାରୁ ଦୁରେଇ ଯାଇ କିଛି ଏମିତି ପ୍ରଶ୍ନ ପଚାରୁଛନ୍ତି ଯାହା ଶୁଣିଲେ ଆପଣ ତାଜୁବ ହୋଇଯିବେ ।

ଚଳିତ ବର୍ଷ ୧୦୮ ଓ ୧୦୪ କଲ ସେଣ୍ଟରକୁ ୫ ଲକ୍ଷ ମିଛ କଲ୍ ଆସିଥିବା ଜଣାପଡିଛି । ଏହା ଜାନୁଆରୀ ଏବଂ ଅକ୍ଟୋବର ମାସ ମଧ୍ୟରେ କଲ୍ ଆସିଥିବା ତଥ୍ୟ । ଗୁରୁତ୍ୱପୂର୍ଣ୍ଣ କଥା ହେଲା ଯେଉଁ କର୍ମଚାରୀମାନେ କାମ କରୁଛନ୍ତି ସେମାନେ ଏପରି କଲକୁ ସାମ୍ନା କରି କରି ନୟାନ୍ତ ହେଲେଣି ।

ବଦମାସଙ୍କ ଫୋନ ଯୋଗୁଁ ପ୍ରକୃତ ରୋଗୀ ଠିକ୍ ସମୟରେ ଆମ୍ବୁଲାନ୍ସ ସେବା ପାଇ ପାରୁନାହାନ୍ତି । ଏହି ଜରୁରୀକାଳୀନ ବ୍ୟବସ୍ଥା ବା ହେଲ୍ପଲାଇନ ନମ୍ବରକୁ ଫୋନ କରି ଏପରି ଥଟ୍ଟା କରିବା କେତେ ଅବିବେକୀ କାମ, ତାହା ସହଜରେ ଅନୁମାନ କରିହେଉଛି ।